ريلي ظلمني بسبب خدامه

[المتعذبة1]

مادري الغلط مني ولا من ريلي
انا متزوجه من سنه وشهرين بولد عمي بس هوه اصغر مني بسنتين واهله هم لي جوزوه غصب هذا سمعته بعد العرس منه هوه انزين انا شوه ذنبي انضلم معاه انا قبله خاطبيني 10 وكانوا يبوني بس عمي قالهم لا اباها لولدي وشاورو ولدهم وقالهم اباها بس ما كان يعرف الماسوليه اصلن وحيرني سنتين وبعدين اهه قالوله جان تبا الحرمه خذها ولا خلها بس هوه ما كان يبا ايعرس وقالي لو ما يدي وقالي خذ بنت عمج ما بخذج بس احترامن ليدي وانا اه اه بنجلط من هالرمسه بس اتحملت ويلست خلاص انا استويت حرمه ما ينفع الندم كل يوم تستوي ابينا خلافات مرات ازعل وروح عند اهلي ايام وارجع والحين انا حامل وانا ساكنه في الطابق لفوق حملت طبعن بعد علاج 10 شهور وتفقت انا وريلي اني مانزل وايد من الدرج عشان احافظ عالياهل يعني في اليوم مره وحده بس احس اهله مضايقين مني والحين انا في فترة وحام واايد ازعل منه واتم اصيح من معاملته القاسيه
خدامت عمي واايد بطرانه انا الحين المفروض ايدلعوني من عرست وانا ساده غسال ثيابي وثياب ريلي
بس عليهن الكوي انزين من حملت تعبت قالتلهن غسلن ثياب ريلي قالن لا ما نقدر خدامتين في البيت ولا ايقدرن؟ والمشكله ان عمتي ما تحب حد ايكلم خداماتها تقول انتو ما دفعولهن فلوس مالكم حايه فيهن وعمتي وبناتها بروحها سالفه ما يحبوني يوم انزل عندهم معصبين ومبوزين (وانا ما حب ريلي يودي اهله مكان لين ايقولولي مره ودهن السوق وتميت امبوزه اغار منهن بس ريلي عصب عليه قالي انتي تبيني اتبرا منهم هذيلا اهلي انزن انا ما قلت شي ولا تكلمت في هالموضوع لا تميت مضايقه شوي هوه لاحظ وسوالي مشكله وتميت اصيح صياح منه انا ما منعته من انه ايشلهن بس المفروض ايعزمني اروح وياهن صح؟ حرام اتم متعذبه وهن مبسوطات)
مليت هالحياه اليوم الخدامه قالت لريلي انا ما اقدر اغسلك لو ما طلعت اثيابك اول باول وهن لا كندورتين وياء ريلي يهزبني لي ما اطلعين الملابس اول باول قلتله انته لي تلبسهن طلعن حقها دوم هالخدامه ماذتنا وكل خلاف بسبتها هيه انا خلاص بنفجر من لصياح قلت لريلي بروح عند اهلي لين اربي قالي يعلج ما تردين من يتي وهالمشاكل يتنا حرام عليه انا في فترة وحام قبل كنت ما قصر وياه بس من حملت تميت ابا ارقد ومتعايزه وتعرفن تعب لوحام سادني ويوم اقوله حرام عليك انا حامل ايقولي ما حد غيرج حمل بهالدنيا
شوه اسوي وياه هالريال وكيف اتصرف وياء عمتي وبناتها لي ما يحبني وهالخدامات لي ماذياتني قلتله هاتلي خدامه لان خدامتكم ما يشتغلن عندي قالي ولا بيبها لو تموتين
انا رتبت الغرفه وغسلت الثياب لي رفضت الخدامه اتغسلهن وكويتهن لان ريلي اتهمني بلقصور قلت برراويه اني ما مقصره
ولمت سماني وترياء ريلي يقوم من ارقاده عشان اروح عند اهلي مكسورت الخاطر ودمعتي ع خدي هذا بسبب هالزواج الفاشل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[عصفورة راك]

الله يعينج حبيبتي وخليج اكبر عن جيه والله يعينج ويفرج همج اصلا الوحده ماترتاح ويازوجها ال يوم اتكون بروحها وياه فبيتهم الخاص ولا عند اهله كل يوم ضرايب عسب جيه امايه مع انها طيبه وماترضى على حريم خواني بس قاعدتها انه الي بيعرس لازم يسكن بيت بروحه

[A+k]

الله يكون بعونج
روحي بيت هلج أحسن من هالمذلة

[المتحنيه]

فديتج والله قلبي عورني
الله يعينج حبوبه ماعليج الا الصبر والاستغفار وقيام الليل وسورة البقره
الله يهدي ريلج وهله ويحنن قلبهم عليج
والله يحقق بالي تتمنينه

[شفـتوني]

أستغفري وااااااااااااااااااااااااااااااااايد والله إن شاء الله بيحلها

[cute uae]

أستغفري وااااااااااااااااااااااااااااااااايد والله إن شاء الله بيحلها

و الله يخلييييييييج أقري سورة البقرة كل يوم

[ام غريبه]

الله يعينج الصراحه ....واايد صعبه حالتج ..سمحي لي بس ريلج شكله موول مب مهتم فيج ...يعني ريال يشوف حرمته تتوحم و تعبانه و حمال بعد 10 شهور مع علاج المفروض يدلعها و يراعيها شوي....

غير عمتج و بناتها و الخدامات ...ما عندهم سالفه ...يوم هم قاصبين ولدهم و ما يبونج ليش ...زوجه و عيل ...

ما اقول غير ربي يعينج ...في الحياه ...بس لازم تخبرن احد من اهلج يوقف في صفج و ريلج ملزوم عليه ايب لج خدامه تخدمج و لا يغصب خدامات البيت يشتغلن عندج و ما يتكلمن الي تامرين فيه ينفذنه على طوووول

[أم زيودي]

حبيبتي سيري بيت اهلج وخلي ابوووج يا يسنع هالريال يا يفكج منه

بس ما يتم يذلج طووول عمره

وقوليله ليش انت بنيه يغصبوونك على الزواج ؟؟؟؟؟ شو هالسالفه بعد

الله يعينج

[لورا]

استهدي بالله وصلي على النبي

حاولي تكلمينه بهدوء وبدون عصبيه وفهميه انج محتاجه خدامه تساعدج وانج مابتقصرين معاه

وعن سالفة الغيره من خواته مالج حق ! وحاولي انج تكسبينهن عشان تعيشين مرتاحه

الله يسهل امورج

[دلع ريلها]

بس انتي يلي مقصره
يني انتي ماتنزلين الا مره فاليوم تحت
ماتتقربين من عمتج ولا من حمياتج وتقولين يكرهوني ؟؟؟
يعني فديتج
حتى ولو هو مغصوب عليج بس الحرمه بذكائها تقدر تكسب ريلها
احترمي رايه اطبخيله جهزي له كل شي
ووعمتج كل اليوم اتصبحين عليها هيه وعمج
وتقربي من حمياتج
ساعديهم على الغدا والعشا
اوكي في فترة وحام وهو صادق كلنا حملنا بس ما اهملنا مسؤولياتنا

في وجهة نظري انتي مقصره ؟؟؟؟
يعني تزعلين لانه ريلج يقوم بواجبه صوب هله يوديهم وييبهم .. ؟؟؟
وفوق ها تتضاربين انتي وريلج عسبت خدامه ... خلاص سوي هالشي انتي بنفسج ... ولاتخافين على حمالج
خلج انسانه عاديه وطبيعيه ... ومايصيبنا شي الا الله كاتبه لنا ...
الريال من طبعه يحب حرمته تخدمه اتقربله كل شي اتسويله كل شي يدش ويطلع يشم الريحه الزينه فالغرفه
يشوف ثيابه مغسوله ونظيفه يشوف الغرفه مرتبه .. يشوف حرمه متزينه وتترياه بكلمة هلا حبيبي .... تو مانور المكان ...
يتريا حرمه اتساعد هله اتقيم هله حتى ولو كانو هم على الغلط تصبر وتحتسب اجرها عند الله ...


ها يلي اقدر اقوله ؟؟؟

[بنت الغول]

بس انتي يلي مقصره
يني انتي ماتنزلين الا مره فاليوم تحت
ماتتقربين من عمتج ولا من حمياتج وتقولين يكرهوني ؟؟؟
يعني فديتج
حتى ولو هو مغصوب عليج بس الحرمه بذكائها تقدر تكسب ريلها
احترمي رايه اطبخيله جهزي له كل شي
ووعمتج كل اليوم اتصبحين عليها هيه وعمج
وتقربي من حمياتج
ساعديهم على الغدا والعشا
اوكي في فترة وحام وهو صادق كلنا حملنا بس ما اهملنا مسؤولياتنا

في وجهة نظري انتي مقصره ؟؟؟؟
يعني تزعلين لانه ريلج يقوم بواجبه صوب هله يوديهم وييبهم .. ؟؟؟
وفوق ها تتضاربين انتي وريلج عسبت خدامه ... خلاص سوي هالشي انتي بنفسج ... ولاتخافين على حمالج
خلج انسانه عاديه وطبيعيه ... ومايصيبنا شي الا الله كاتبه لنا ...
الريال من طبعه يحب حرمته تخدمه اتقربله كل شي اتسويله كل شي يدش ويطلع يشم الريحه الزينه فالغرفه
يشوف ثيابه مغسوله ونظيفه يشوف الغرفه مرتبه .. يشوف حرمه متزينه وتترياه بكلمة هلا حبيبي .... تو مانور المكان ...
يتريا حرمه اتساعد هله اتقيم هله حتى ولو كانو هم على الغلط تصبر وتحتسب اجرها عند الله ...


ها يلي اقدر اقوله ؟؟؟

أنا مع الاخت انتي لازم تكسبين الكل عشان ترتاحين مب تغارين وتزعلين من اشياء سخيفه

كبري عقلج وفهمي ريلج زين..وربي يهديج وياه

وحطي فبالج ان رياييل هالوقت يدورون الزله من الحرمه ..

[خفقـــة قلــب]

أنا مع الاخت انتي لازم تكسبين الكل عشان ترتاحين مب تغارين وتزعلين من اشياء سخيفه

كبري عقلج وفهمي ريلج زين..وربي يهديج وياه

وحطي فبالج ان رياييل هالوقت يدورون الزله من الحرمه ..

وانــــاا بعد وياااكـــم وخلي عنج كلام خرابات البيوت

حشااا مااشي حل غير ترد بيت اهلهاا عووذ بالله منكن حريم يسبن الشر ..

سمعي كلام خوااتج بنت الغوول بنت ولا تهدين بيتج وريلج ..

[دارها العين]

بس انتي يلي مقصره
يني انتي ماتنزلين الا مره فاليوم تحت
ماتتقربين من عمتج ولا من حمياتج وتقولين يكرهوني ؟؟؟
يعني فديتج
حتى ولو هو مغصوب عليج بس الحرمه بذكائها تقدر تكسب ريلها
احترمي رايه اطبخيله جهزي له كل شي
ووعمتج كل اليوم اتصبحين عليها هيه وعمج
وتقربي من حمياتج
ساعديهم على الغدا والعشا
اوكي في فترة وحام وهو صادق كلنا حملنا بس ما اهملنا مسؤولياتنا

في وجهة نظري انتي مقصره ؟؟؟؟
يعني تزعلين لانه ريلج يقوم بواجبه صوب هله يوديهم وييبهم .. ؟؟؟
وفوق ها تتضاربين انتي وريلج عسبت خدامه ... خلاص سوي هالشي انتي بنفسج ... ولاتخافين على حمالج
خلج انسانه عاديه وطبيعيه ... ومايصيبنا شي الا الله كاتبه لنا ...
الريال من طبعه يحب حرمته تخدمه اتقربله كل شي اتسويله كل شي يدش ويطلع يشم الريحه الزينه فالغرفه
يشوف ثيابه مغسوله ونظيفه يشوف الغرفه مرتبه .. يشوف حرمه متزينه وتترياه بكلمة هلا حبيبي .... تو مانور المكان ...
يتريا حرمه اتساعد هله اتقيم هله حتى ولو كانو هم على الغلط تصبر وتحتسب اجرها عند الله ...


ها يلي اقدر اقوله ؟؟؟

حرام عليج لا زيدينها عليها

يكفي الي فيها

وبعدين الوحام من وحده لوحده يختلف يمكن الي فيها وااايد قوي مثلي انا ما كنت اقدر اوقف ع ريولي من قوة الوحام

الله يعينها وصبرها ان شاء الله

[ميرال]

بس انتي يلي مقصره
يني انتي ماتنزلين الا مره فاليوم تحت
ماتتقربين من عمتج ولا من حمياتج وتقولين يكرهوني ؟؟؟
يعني فديتج
حتى ولو هو مغصوب عليج بس الحرمه بذكائها تقدر تكسب ريلها
احترمي رايه اطبخيله جهزي له كل شي
ووعمتج كل اليوم اتصبحين عليها هيه وعمج
وتقربي من حمياتج
ساعديهم على الغدا والعشا
اوكي في فترة وحام وهو صادق كلنا حملنا بس ما اهملنا مسؤولياتنا

في وجهة نظري انتي مقصره ؟؟؟؟
يعني تزعلين لانه ريلج يقوم بواجبه صوب هله يوديهم وييبهم .. ؟؟؟
وفوق ها تتضاربين انتي وريلج عسبت خدامه ... خلاص سوي هالشي انتي بنفسج ... ولاتخافين على حمالج
خلج انسانه عاديه وطبيعيه ... ومايصيبنا شي الا الله كاتبه لنا ...
الريال من طبعه يحب حرمته تخدمه اتقربله كل شي اتسويله كل شي يدش ويطلع يشم الريحه الزينه فالغرفه
يشوف ثيابه مغسوله ونظيفه يشوف الغرفه مرتبه .. يشوف حرمه متزينه وتترياه بكلمة هلا حبيبي .... تو مانور المكان ...
يتريا حرمه اتساعد هله اتقيم هله حتى ولو كانو هم على الغلط تصبر وتحتسب اجرها عند الله ...


ها يلي اقدر اقوله ؟؟؟

نفس الكلام الي كان في خاطري اقوله

اقول حبوبه ترى الدنيا اخد وعطا طولي بالك وعامليهم مثل ما تحبي يعاملوكي
والله يهدي النفوس ان شاء الله ويهدينا جميعا

[ahaat_2015]

بس انتي يلي مقصره
يني انتي ماتنزلين الا مره فاليوم تحت
ماتتقربين من عمتج ولا من حمياتج وتقولين يكرهوني ؟؟؟
يعني فديتج
حتى ولو هو مغصوب عليج بس الحرمه بذكائها تقدر تكسب ريلها
احترمي رايه اطبخيله جهزي له كل شي
ووعمتج كل اليوم اتصبحين عليها هيه وعمج
وتقربي من حمياتج
ساعديهم على الغدا والعشا
اوكي في فترة وحام وهو صادق كلنا حملنا بس ما اهملنا مسؤولياتنا

في وجهة نظري انتي مقصره ؟؟؟؟
يعني تزعلين لانه ريلج يقوم بواجبه صوب هله يوديهم وييبهم .. ؟؟؟
وفوق ها تتضاربين انتي وريلج عسبت خدامه ... خلاص سوي هالشي انتي بنفسج ... ولاتخافين على حمالج
خلج انسانه عاديه وطبيعيه ... ومايصيبنا شي الا الله كاتبه لنا ...
الريال من طبعه يحب حرمته تخدمه اتقربله كل شي اتسويله كل شي يدش ويطلع يشم الريحه الزينه فالغرفه
يشوف ثيابه مغسوله ونظيفه يشوف الغرفه مرتبه .. يشوف حرمه متزينه وتترياه بكلمة هلا حبيبي .... تو مانور المكان ...
يتريا حرمه اتساعد هله اتقيم هله حتى ولو كانو هم على الغلط تصبر وتحتسب اجرها عند الله ...


ها يلي اقدر اقوله ؟؟؟

كلامها صح 100%

اذا احترمتي اهله وقدرتيهم ولا تميتي مبوزه لهم وتضحكين لهم وتسولفين معهم بيستانس ريلج واذا حمياتج مبوزات ايلسي مع عمج وعمتج اتقهوي معاهم سولفي معاهم بيستانسون عليج



وريلج انتي تقدري تكسبينه بطريقتج الحلوة ومعاملتج الطيبه وكلامج الحكيم


والله يقومج بالسلامه انتي والبيبي والله مرينا نفسج في فترت الحمال بس شو نسوي هذه الدنيا تمشينا وراها بس اذا بنعصب وبنضارب نحن الخسارانين اما اذا بيضحك وبنبتسم نحن الكسبانين


وبنسبه للغسيل انتي حاولي تغسلي ملبسج على الاقل بين اليومين مره او حتى ريلج اذا تقدري غسليله ملابسه ترى الغساله اللي تغسل وما ببتعبين ..




والله يا اختي لو احسنتي المعامله مع زوجك واهله انتي الكسبانه عامليهم بالطيب وبحسن نيه بترتاحين



الله يرزقج الذرية الصالحة ويسخر لج ريلج ويسخر لي ريلي يارب العالمين