فيس بوك

**بطوه** · 2009-07-20, 12:39

هلا خواتي

بغيت اعرف اكثر عن الفيس بوك..شو فايدته؟؟
ربيعتي طرشتلي دعوة عالايميل اني اشارك في الفيس بوك بعد هي ماشاركت..فما فهمت شو الفايدة، وليش نحط بياناتنا عالفيس بوك..

وبعد بغيت اعرف ممكن ادخل على صفحة ربيعتي بدون ما اسجل في الموقع واشوف بشو هي مشاركة ، وكيف؟؟؟
واذا سجلت فيه، كيف الغي تسجيلي؟

المزيد من آخر المواضيع من نفس القسم:

**شاعرة العشق** · 2009-07-20, 12:43

هلا غلاايه

الفيس بووك مووقع تحطين صووور ويردون علييج

بس سمعته مب لي هناااااك اختيه حتى فلكر اهووون منه ><

ماتقدرين تشوفين صفحتهااا الا بتسجييل

والتسجييل ماااينلغي

فمان الله

**اناناسة** · 2009-07-20, 12:55

ما انصحج الغالية

لان هناك مثلا عندج نيك نيم و باسوورد و تحطين صورج

و مثلا تطرشين دعوة لربيعتج هي بعد تحط صورها

عقب ممكن هي بدون ما تخبرج تعطي باسووردها لاي حد

و هي :بتدش و بتشوف كل الصور و هني اللي تقع المصيبة

لان ممكن ربيعة ربيعتج ( مثلا ) تنشرهم على النت او ممكن مثلا وحدة و انتي واثقة منها

تعطي الباسوورد لاخوها

عموما اخواتي متشاركات بينهم و بين نفسهم و طرشوالي دعوة

طبعا ما دشيت و لا حطيت اي صورة لانني و لله الحمد منقبة و ما اثق

رياييلهم ما يدشون و يشوفون الصور و نصحتهم وااااااااااااااااااااااااااااااااايد

ما يحطون صورهم و يكتفون بصور عيالهم الصغار او مناظر الطبيعية الحلوة

**عالية الغالية** · 2009-07-20, 13:01

ما اعرف شي عنه حدي المنتديات

**أنثى / ..** · 2009-07-20, 13:02

الفيس بوك
انج يوم تسجيل تكتبين انتي من اي مدرسه واي جامعه .. و تظهرلج قائمة ناس من نفس المدرسه ونفس الجامعه
ويمكن تعرفين حد منهم ... لانهم يسجلون باسماءهم .. وهنيه تسوين طلب صداقه وترمسينهم وتشوفين صفحتهم وصورهم
مب شرط انج تحطين صور !! عادي لو سجلتي سوي طلب صداقه حق ربيعج و هيه بتسوي قبول وشوفي الصور
مب شرط تحطوووووووووون صوركم .. صور طبيعه اشيا .. وجيه يعني ويردون عليج وايدين
مممم انا هذا اللي اعرفه .. سجلت ولا اعرف شو السالفه بس دخلت لقيت وحده زلمه من ايام المدرسه شفت صورها ورديت عليها وبس ههههه مب مال هالسوالف انا لوولز و من يومها ما دخلته
وماعرف اذا تقدرين تلغين العضويه و لا لأ

**أخت مسلمة** · 2009-07-20, 13:08

من مواقع التعارف. يعني dating. هو أصلا للبحث عن الأصدقاء القدامى بس الناس فيه حولته للتعارف و اللعب بقلوب الجنس الآخر. و هو أولاً و أخيراً مضيعة للوقت و لا يسمن و لا يغني من جوع

**احلام تونس** · 2009-07-20, 13:08

كل حد كيف ياخذ التسجيل في فيس بوك

ممكن استغلاله للدعوة وتبادل اراء وافكار وفيديوهات دينية

وممكن بعد استعماله لاغراض اخرى شينة والعياذ بالله

يعني سلاح ذو حدين

وعادي ما تحطي اي صورة تخصك وزي ما قالت انوسة تكتفي بصور الصغار والا زهور وفراشات الخ

وخاصية دخول صفحتك انتي تتحكمي فيها يعني ممكن تختاري انه محد يدش صفحتك الا لما يطرش لك طلب صداقة وانتي تقرري تقبلي ام لا

وفيه بعد شات فوري زي مسنجر

هذا اللي اذكره وان شاء الله افدتك

افتكرت سالفة

وصلني طلب صداقة والنص مكتوب بالخليجي (وانا في صفحتي يا اما باللغة الفرنسية والا الدارجة التونسية) ........ طلعت عضوة من المنتدى

**لولو21** · 2009-07-20, 13:09

هو موقع حائز على جائزة تضييع الوقت بامتياز
ومشاهدة الفضايح بعد
بشرط يسولج اكسبت وينضاون لقائمتج
ترومين تحطين صور واشياء
بس
نصيحه لاتسجلين بايميلج الرسمي
اللي هو فيه كل ربيعاتج
لانج من تدخلين مايستوي تكنسلين التسجيل
ويتم التسجيل
وووو
شو بعد
ممممم
وايد اشياء هو حلو ومو حلو
والله مادري
بس يضيع وقتج
وكان الله غورا رحيما

ادعيلي ربي يحقق اللي فبالي^^

**Maria_Louisa** · 2009-07-20, 14:27

انا مسجلة فية و نادر ما ادخلة.. فليكر احلى

**.pure.** · 2009-07-20, 14:33

هذآ الآجآنب سووه لأهدآف والعرب للأسف أسآوء استخدآمه
أنآ مسجله فيه
مآشي شرآت الفلكر ، بس بعده الفلكر أحلى وأرتب ومآ يبآ تسجيل
من رآي ابعدي عنه ، لأن مآمنه فآيده مول غير مضيعة الوقت

**ام يــــزن** · 2009-07-20, 17:31

بأمكانك تلغى التسجيل عادى ؟؟ متل ما خبروكى البنات هو موقع للتعارف وتبادل الاراء بس انا من نظري ما منو فايده مضيعه للوقت بس الحلو انو ممكن تلاقى صديقاتك القدامى وتعرفى اخبارهم

الموضوع: فيس بوك

أدوات الموضوع

عرض

العرض المتطور

فيس بوك

المزيد من آخر المواضيع من نفس القسم: