ريلي والابتسامة

**اخت بوحميد** · 2009-07-20, 20:12

الله يهديه لج وتستوى يستوى ^_****************

**عذب الاثير** · 2009-07-20, 21:52

المشاركة الأصلية كتبت بواسطة بين الرموش

السلام عليكم

مشكلتي مع ريلي ... صعب يبتسم ... مرات ادخل عليه الغرفة القاه يطالع التلفزيون ابتسم له بس هو باله مو معاي يشوفني بس الابتسامة ما تطلع منه ... مرات اخليه اقول لنفسي يمكن تعبان، بس اتضايق واحط في خاطري

ومرات اقوله ليش ما تبتسم في ويهي (حتى اقوله انت وغد) يقول لي انا تعبان ... قلت له بس الابتسامة ما بتكلفك شي ولا بتعبك

بس هالشي يضايقني وايد لأنه دووم يتكرر - المشكلة انه هو دوووم تعبان شغله ماخذ كل عقله

انا احبه وايد وابغي علاقتنا تكون علاقة ناجحة بس هو ما يساعد

سبحااااااااااااااااااااااااااااااااااااااااااااااا ااااااااان الله جنج ترمسين عن ريلي وانا وايد اعاني من هالشي وانا مثلج يوم ابتسم له ما يبتسم ويقولي انا تعبان وااايد يندمج ف الفلم بعد والله كوبي بيست

**بنت النوووور** · 2009-07-20, 22:02

شوفي اول ما تدخلين علييه قوليله

بقولك شي يضحك واضحكي خخخخخخخخخخخخخخخخخخخخخخخخخخخخخخخخخخخخخخخخ

عقب يوم بضحك

قوليله

خلاص خلصت النكته

دوم ما تدخلين عليييه خليج فرفوشة

بس عاد لا تعورين راسة

في

**كيفيـ أحبهـ** · 2009-07-25, 21:10

الله يسخر لج ريلج يارب

**آمنه الجناحي** · 2009-07-25, 21:17

خلج واقفه جدامه وشاقه الحلج بتلقينه مبتسم في ويهج

الله يسعدج ان شاءالله

**shaikah3** · 2009-07-25, 21:20

باجر الصبح طرشيله مسج و هوه رايحه الشغل ..........
كتبي فيه .. "صباح الابتسامه" حطي هابي فيس >>>>> ^^
دوم ابتسمي في ويهه و أكيد بيحس وبتغير ..

**maho0o** · 2009-07-26, 10:14

عااادي اختي
انا ريلي نفس ريلج
من سنتين معرسه وسامعه ضحكته بس مرتين وبالغلط بعد
مااااايضحك كله مبووووز ليش مادري
ويوم اطلع وياه نفس الشي ساكت يقول ما احب اتكلم وانا اسووق
ساعات اسكت عنه وساعات استهبل اغني اضحك كركر اوعه تفكر
حتى يوم يحلق اقول له نعيما مايرد علي والحين ماقمت اقول له

**عيناويه موووت** · 2009-07-28, 17:48

الله يعينج

**هوتميل** · 2009-07-28, 18:18

والله صعبه هالحاله
بس لو انا مكاانج بكشر في ويهه واذا سألني شو فيج بقوله ترااك انت جيه طوول الوقت يمكن يحس فيج شوي

وربي يسخره لج حبوبه

**ام شامه30** · 2009-07-28, 19:01

وحليلك والله احس انك تتكلمين عن ريلي انا خلاص تعودت بكمل 6 سنين وهو على هاالحاله اشوف الابتسامه واسمع الضحكة بس ييوم يكلم ربعه وانا سالفه عدله كامله على بعضها ما اسمع منه بس انا الحمدلله تعودت والحين هاي هب مشكله عندي

**ام شامه30** · 2009-07-28, 19:06

على فكره انا جربت كل الطرق عشان يتغير ولو شوي بس ما شي فايده الظاهر ان هذا طبعه وشخصيته وها الشي ما يتغير عند الرياييل بسرعة

حتى كنت اطرش مسجات حلوه ودومي اضحك وافرفش وما اخليه يوم متكدر بس ما في اي ردة فعل حلوه من صوبه
والحين بصراحه هالايام ما اسويله وايد سالفة ما اطرش مسجات ولا اقول كلام حلو اخاف اني استوي مثله مع الايام

**AMAL08** · 2009-07-28, 21:19

الله يعينه على شغله اللي مب مخلنه يضحك ويسولف وياج على العموم الرياييل يوم يكونون تعبانين ولا شي شاغل بالهم ما يحبون يضحكون ولا يسولفون بس انتي لا تتضايجين وخليج دائما مبتسمة في ويهه وحاولي انج تضحكيه والله يبعد عنكم الهم والضيج ويخليكم لبعض ويجعل ايامكم كلها ضحك وسعادة وسرور اميييين

**هبلة 2009** · 2009-07-29, 01:31

قدميله شي يحبه
سويله مفاجئات
والبسيله ملابس دلع عشان
يفرح ويبتسم

**ام شامه30** · 2009-07-29, 14:10

عيزنا ونحن انسوي مفاجئات وعيزنا ونحن نشتري من هالقمصان ههههه

الموضوع: ريلي والابتسامة

أدوات الموضوع

عرض

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

الفينير والابتسامة الهوليودية .

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش