سالفتي ويا ريلي 2

[فديتني دلوعه]

هلااااااا فديتكم والله ع فكره انا البارحه كاتبه موضوعين عن ريلي بس ما اعرف احط الرابط يعني لي بتعلمني زين وشكرا ع الردود المهم انا طنشته البارحه وما اتصلت مثل ما قلتولي والحبيب اليوم كله ما دق عااااااااد ع الساعه وحده بليل دق بس انا ما اشفت التيلفون ولما شفت مكالمته فرحت رقصت من الفرحه بس افا عليكم ما دقيت له طنشته ورقد الحين اذا دق اليوم ارد ولاااااا واذا سألني وييين كنتي شووووووواقول وطبعا ما بطول خخخخخخخخخخخ اعرف اني مسوتنه قضيه بس انا عاطنه ويه زياده

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لوكل]

ههههههههههههه

حبوبة يوم يتصل لا تردين من اول اتصال يعني خلية شوي يتحرقص ادري انج انتي المتحرقصة ههههههه وعقب ردي

وخليج عادية قولي كنت فارة التيلفون في الحجرة ............

[حنونة الصغيرة]

لا تردين الحين ردي من رابع اتصال أو خامس اتصال واتحملي نعرف أن ما فيج صبر بس عقب أنتي شوفي النتايج جذي هو بيحرق تلفونج من الإتصال وإذا سألج قوليله كنت نايمة أو كنت حاطته على الصامت لأن وحدة من الأهل تستهبل علية وأنا هب فاضيه لها ولستهبالها...

[ضبيه-]

مثل ماقالوا البنات لاتردين من اول اتصال وردي عقب وكلميه عادي لا تقوليله ليش ما اتصلت ولا جنه شي مستوي

[MAHA21]

الله يعيييييينج

[ميميه88]

لاتتصلين ويوم يتصل اذ قال ليش مارديتي قوليله ماشفتهاونتي ماجذبتي صدق ماشفتيه واذ قال ليش ماتصلتي خلي عمرج عادي وقوليله قلت يمكن مشغول ولاشي ويوم تفضى بتتصل

[مهاري العين]

موفقة يالغالية ويه ريلج

[فديتني دلوعه]

للرفع للرفع

[دلع K]

أنا احس من كثر الحريم ما يسوون هالحركات والتطنيش ..

حفظوها الرياييل وما قامت تنفع ..

ما عندكم شي يديد ؟؟!!

[المـHــآ]

للرفع

[سيدة الحضو]

قولي كنتى مشغوله ربيعتج زايرتج من سنيين ما شفتيها ومنتى بدقين بس تعبتي ورقدتى لانه ربيعتج تاخرت

[شوق الدار]

ربي يهدي سرج حبوبه ويسخرلج ريلج ع الخير يالغلا

[BinKhadim]

بس حرام ... يوم واحد كافي ... اذا اتصل ردي علية ... وشوفي ردة فعلة ...
ولا اتعودين ريلج على الزعل والقطيعة من الحين ... بالعكس اذا هو ما اهتم انتي اهتمي ... وكل اشوي اتصلي وسألية تغديت ، تعشيت ، اشوة اتسوي ... واتصلي لة ذكرية بصلاته ...

[@أم حارب@]

يا الله الحمدلله

وربي يونسج وإن شاء الله تستانسين وتهدى أمورج بس ها مب أتزودينها يعني كل ما يتصل تتغلين وما أتردين يعني كل ما أجوفين أنه رد على ما هو عليه سويها مرة

ترى الريال ما يحب الحرمة اللي ما اتسويله سالفه


وهالله فيه وفي الدلع

[الضاميه]

للرفع