زوجي يخونني:(

**بنت زايد.2** · 2009-07-18, 23:40

خليها تستخير وتقرى سورة البقره
والاستخاره بتحدد لها كل شي
اصلاً من البدايه مفهومه اذا هو على قد حاله ومايشتغل
أكيد ما خذنها عسب تصرف عليه ><"
خليها تستخير بين الاستمرار ولا الطلاق
واهلها مايخصهم ماكانوا يدرون
يتأثرون احينه والبنت بعدها عندهم
ولا تيهم باجر حامل ولا ولدها ف ايدها وتصيح
وتصير المصبيه 2

**مي الاماراتية** · 2009-07-18, 23:41

والله بصريح العباره لو شورها بإيدها واهلها ماعندهم مشكله في ان بنتهم تنفصل فالطلاق اخيــر ...

ولو اهلها عندهم حساسيات من هالناحيه وماعندها بيت ترجع له ... فمافي حل غير الصـــبر والدعاء ...

**ذنبي حبيتك** · 2009-07-18, 23:46

الله يعينها ان شااء الله ...

حبيبتي .. قوليلها داام انهم بعدهم الا فالملجة تودره احسن الهاا .. ومثل ما تقووولين هي ياما حااولت ويااه .. بس مااا شي فااايده .. شو يضمنها انه بيعتدل بعد ما يعرسووون ...

هالنووع من الشباب ما بينصلحوون لين الله يبتلييهم بشي...
واذا هي خااايفة على اهلهاا .. ان شاااء الله ما بيصييبهم شي .. لأنه ما يقدر يسوي فيهم شي بالأساس.. وخليها تتوكل على الله .. وداام انها ايمانها قوي و على قنااعة ان الله أكبر وأقوى من هالشاااب ومن أمثاااله ..صدقيني الله ما بيتخلى عن عبده اللي يحتااج له ..

الزبدة .. انها تودره ولا تطووول السااالفة أكثر .. وان شاااء الله... الله بيعوضها باللي أخير منه ..

ربي يوفجها ان شاااء الله ويستر عليها ..

**dezert** · 2009-07-18, 23:56

يزاكن الله خير ..على النصايح ..الله يهدي ريلها..

**dboooo** · 2009-07-19, 00:06

تتعب نفسية اهلها يومين و للا يدمر مستقبلها العمر كله
خل تلحق نفسها قبل ما يصير عيال و تنربط بهم

**عفاري80** · 2009-07-19, 00:20

الله المستعان

**dxb-soul** · 2009-07-19, 00:28

دام طلاق ملجة احسن لها من عرس وتطلق

**محد شرواي** · 2009-07-19, 00:38

الغاليه ... تشتري راحتها .. وحتى لو اهلها يلولومون عمارهم اليوم وباجر .. وخلاف بينسون السالفه .. ولا انها تعيش طول عمرها في جحيم وتطلع من جحيم الزوج ... الي الطلاق .... شو استفادت ؟؟؟؟

صراحه عندي اهلي يعرفون انهم غلطو وانا بنتهم بيعورهم قلبهم عليه وما بهون عليهم وشاريني ... ولا اعيش وي ريال ما يعرف ربه وابتلش فيه وازوجه واييب عيال !!

خل تفكر في نفسها عدل مب تقول اهلي واهلي ... ترى هيه الي بتختبص بروحها واهلها ما بيختبصون وياها !!

اهلها بيكونون عايشين في بيتهم مرتاحين .. وهيه في بيت ريلها متلعوزه وحياتها هم ونكد .. شو بتستفيد بعدين ؟

**zooz1** · 2009-07-19, 00:44

1.الصلاة عماد الدين وهذا مايصلي.. واللي ما يصلي يعتبر كافر والكافر لاتجوز عليه صلاة الميت ولا الرحمة
2. الكتاب باين من عنوانه..اليوم اصرفي عليه وعلى خياس البنات اللي في تلفونه.. باجر اصرفي واتحملي وكلي تبن بعد ومالج كلمة.. واذا ياج مرض من اللي يسويه مع هالخايسات.. اتحملي!!! مايسوى عليج

ابا اقول صلي استخارة بس ما اظن ينفع معاه..
فأحسن انج تتركينه من الحين قبل لايطيح الفاس في الراس.. ولاتقولين بيتغير وبيعتدل...لانه بو طبيع مايوز عن طبعه

**كلي_جاذبيه** · 2009-07-19, 00:45

حبيبي الغلط من ربيعتج شكلها كانت مستعيله عالزواج
حتى انها اتنازلت عن اهم شي اللي هو مصروفها من ريلها ورضت فيه وهو مايشتغل

من الافضل تنفصل قبل ما تييب اعيال منه

**ذبحني الشوق..** · 2009-07-19, 00:53

محد جابرنها تكمل معاه والمساله ماتحتاي مشورة ومنتهيه

**ذبحني الشوق..** · 2009-07-19, 00:54

شكلها تبيه ومتمسكه فيه

**سيده طموحه** · 2009-07-19, 06:43

خلها تصلي الاستخاره

والله يوفقها

**@أم حارب@** · 2009-07-19, 07:04

كان الله في عونهااا

انا اجوف لو حد من كبير العايلة يدخل في النص ويرمس الولد وجان ما اصطلب كلن يروح بطريقه احسن

**Sos01234** · 2009-07-19, 07:40

تلحق تودرره من الحين لان الموضوع بعده في ايدها الحين اما يوم بياخذها وبتييب عيال منه بتتوهق بتضيع عيالها بايدها ومستقبلها، خل اهلها يلومون عمرهم الحين ولا يلومون نفسهم عقب بيقولون ليتنا ما خليناها تتزوجه، وماحد بيتوهق غيرها، العيال بدون اب بيضيعون، حاولي تقنعيها انه ينفصلون الحين قبل ما يطيح الفاس في الراس، اهلها بيلومون عمرهم الحين شوي وعقب بينسون، اما عقب اذا صار شي بينها وبينه لا سمح الله وبينهم عيال بيلومون عمرهم العمر كله..

الموضوع: زوجي يخونني:(

أدوات الموضوع

عرض

المواضيع المتشابهه

زوجي يخونني

الحقو على زوجي يخونني

زوجي يخونني و عايشه الواقع =(

مشكله بنت..زوجي يخونني و يشرب ...49

زوجي يخونني مع عجوز