زوجي يخونني:(

[dezert]

بدون مقدمات بادخل في صلب الموضوع

عندي صديقة عزيزة على قلبي..لكنها تعاني من مشاكل قبل دخولها في عش الزوجية

تقدم لها شاب ليس من العائلة..غريب..سألوه عنه ..ما طلع فيه شي ..غير انه ما يشتغل.. بسبب ظروف صحية..

وافقوا اهلها عليه بحكم انهم ما شافو فلوسه ,لكن شافو الريال نفسه واخلاقه عالية وطبقوا مقولة الرسول "" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

واهل البنت على نياتهم ويبون الخير لبنتهم.. البنت رابية في عز ما قاصرنها شي. وهي بعد ما تدري ان في ناس فهالدنيا يلبسون اقنعة..

الله يسلمكم المشكلة هي انهم بعدهم في ايام الملجة بدت عيوبه تظهر

البداية كان يواضب على صلاته بالتدريج بدا يطوف

مع المواقف الي صارت وياه بان انه بو ويهين قدامها شي ومن وراها

ثالث شي والطامة الكبرى انه مال بنات ما يقدر يعيش بدون هالمنحطات

وافقت البنت على اساس انها هي بتصرف على عمرها لانها على مشارف التخرج

طلع فالنهاية انه المعرس العزيز يباها تصرف عليه وعلى خطوط تلفونه الي متروسه بنات بكل انواع واشكال...

يحليلها الله يعينها ..سألتهااذا هو مال بنات ليش تزوج من الاساس ليش يخرب بيت الناس

قالتلي والله هو حلف انه بيودر هالسوالف ووعدها لكنها اكتشفت صور ومسجات بنات..اخ القهرررررررر

تقولي انه تزوج لان امه تبا وحده تستر على ولدهها وشافت ربيعتي باحسن اخلاق وتربية


البنت على قدر من جمال وجامعية ما ناقصنها اي شي..بالعكس النواقص فالمعرس..امحق معرس

والله هالمعرس ...ما ادري شو اقول.. الله يعينها بالي الله بلاها

عزيزاتي اذا كنتو فمكانها كيف بتتصرفون؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حطموني]

شووفي حبيتي تااخذه وترمسه بالسيااسه
قبل ماتكبر السالفه .. ولاتقصر بحقه
خليهاا تعمي عينه ومايشووف غيرهاا



واذاا مارضى تطلب الطلاق

قبل ماتكبر السالفه ويصير فيهاا اطفاال مالهم ذنبـ

..

[بهلولة]

يعني عرفت كل هالعلل فيه ووافقت تكمل وياه؟؟؟؟؟؟؟؟؟؟؟؟!!!!!!!!
عيل العيب مو منه

[dezert]

اختي العزيزة

كلمته اكثر من مره ما ينفع معاه

المشكله هو عايش فبيئة خربانة ماثرين فيه بشكل كبير

البنت ما تبا تطلق لان اهلها بيلومون عمارهم ونفسيتهم بتتاثر خربنا مستقبل بنتنا

شو تقصدي بالسياسة؟

[dezert]

يعني عرفت كل هالعلل فيه ووافقت تكمل وياه؟؟؟؟؟؟؟؟؟؟؟؟!!!!!!!!
عيل العيب مو منه

بعد الملجة اكتشفت هالسلبيات

اللي تعرفه بس انه ما يشتغل

[شوق الدار]

الغاليه اذا هو راعي سوالف المفرووووض يتركها قبل ليصير اي شي عيال او شي مالهم ذنب وبطبيع ما يوز عن طبعه ترى الله يعينها عليه
الطلاق صعب بس الاصعب انها تعيش مع خاين

[Amore]

تودره ولا تضيع عمرها وياه والله بيعوضها اخير عنه

لانه مافيه اي شي زين لا خلق ولا دين ولا حتى تحمل مسؤوليه مااظن انه بيتغير او ينعدل حاله عقب العرس

[dezert]

الغاليه اذا هو راعي سوالف المفرووووض يتركها قبل ليصير اي شي عيال او شي مالهم ذنب وبطبيع ما يوز عن طبعه ترى الله يعينها عليه
الطلاق صعب بس الاصعب انها تعيش مع خاين

كلامج فمكانه عزيزتي

لكن هي خايفة من والدينها امها وابوها ..خايفة يستويلهم شي..

[هادية الطبع]

تودره ولا تضيع عمرها وياه والله بيعوضها اخير عنه

لانه مافيه اي شي زين لا خلق ولا دين ولا حتى تحمل مسؤوليه مااظن انه بيتغير او ينعدل حاله عقب العرس

انا اؤيد كلامها 100%
احسلها من البدايه قبل ما ايون العيال وتتوهق
لانه ما بني على باطل فهو باطل وهو حضرته قص عليها ومثل عليها انه شريف مكه مناك ما يسوى ظفرها تطلق منه ابرك لها وله

[هادية الطبع]

كلامج فمكانه عزيزتي

لكن هي خايفة من والدينها امها وابوها ..خايفة يستويلهم شي..

عزيزتي ان شاء الله ما بيستوي شي حق والدينها
خاصه اذا عرفوا انه اتكالي وما يعتمد عليه خليها تفهمهم بالموضوع كله اعتقد الاهل يحبون راحة بنتهم ولا يرضون لها التعب والشقا والمذله
عيل واحد يبا حرمته تكد عليه وتصرف عليه والله ما عشت معاه دقيقه وحده رياييل اخر زمن

[^ نونوه ^]

هذا نفس ريلي ملج علي وسوالفه الوسخه بعدها وياه هو باييعني بالشرف واليوم انا بعته بتراب وبنفصل عنه لانه ما يستاهل وحده محترمه وصاينتنه مثلي يستاهل وحده راعية سوالف وشباب مثله - اقسم بربي الشباب اللي سوالفهم بنات وما ادري شو لو تييبين لهم القمر بايد والشمس بايد ما ايوزون عن سوالفهم الوصخه - هذي الدنيا وهذا حالنا أمرنا لله سبحانه وتعالى , اللي يبيعك برخيص بيعه بأرخص ,

[makeup_D]

الله يعينها والله .. الغاليه المشكله انه الحين ماشي فايده

اساسا الغاليه .. حتى لو شفتوه زين اذا الريال ما يشتغل شو خانته عيل !!!!

خلها تنصحه .. يمكن لو وقفت معاه حاله يتبدل ..

واذا ما نفع ما عندها غير حلين .. يا انها تصبر وما تطلق او انها تنهي حياتها معاه

ربي اييسر امورها انشالله ..

[ام ضرار]

لو انا مكانها ما بستمر وياه ..

شو اللي يجبرني اني اعيش هالعيشه

بدال ما ريلي يعلمني ع الطريق الصواب انا اعلمه ؟؟؟


ليش منو الريال انا والا هو ..

والحرمه لما تعرس . تتبع ريلها .. وريلها يمشيها ع اسلوبه

مب الحرمه اللي تمشيه

[lailee]

تودره ولا تضيع عمرها وياه والله بيعوضها اخير عنه

لانه مافيه اي شي زين لا خلق ولا دين ولا حتى تحمل مسؤوليه مااظن انه بيتغير او ينعدل حاله عقب العرس


مع احترامي لربيعتج بس هالنوعيات (ريلها) تبا حد اتعيش ع افاه ع قولة المصريين

[نجمه بالعالي]

حبيبتي هل الامر مايحتاج مشوره المكتوب أمبين من عنوانه .......تخليه يولي شو بتستفيد من هذا الزواج غير االعثره والمذله والقهر