عرس اختيه

**ام اعقوص** · 2009-07-17, 21:31

بنات ادور خبيره مكياج حق عرس اختيه اهي عروس في شهر 8 شو رايكم في هيفاء الي في الشارجه

المزيد من آخر المواضيع من نفس القسم:

**$FENDI$** · 2009-07-17, 21:43

هيفاء صفر ؟؟؟

ساعات احس ميكبها حلو ساعات احسبه ثقيل ^_^

ان شالله يفيدونج

**لؤلؤة الجمال** · 2009-07-17, 21:53

المشاركة الأصلية كتبت بواسطة $FENDI$

هيفاء صفر ؟؟؟

ساعات احس ميكبها حلو ساعات احسبه ثقيل ^_^

ان شالله يفيدونج

نفس الراي

**عروس جديده** · 2009-07-17, 22:07

هيفا غنيه عن التعريف فت مكياجها اتوكلي على الله ... و ألف مبروووك

**ام عاشة** · 2009-07-17, 22:12

فعلا هيفا مكياااااجها واااااااااااااايد حلووووووووووووو ما شاءالله

**فطوووومه** · 2009-07-17, 23:15

مثل ما قالو البنات هيفا صفر مكياجها وايد حلو

اتوكلي ع الله

**استروبري** · 2009-07-17, 23:19

هيفا فنانة

**انثى 100%** · 2009-07-17, 23:59

ربيعتي تمكيجت عندها حلو وماشي مليون لون بس تبيض
وانا حاجزه عند خلود التميمي وفي الصور عجبني وان شاءلله بعرسي يعجبني اكثر

**أمونة القمورة** · 2009-07-18, 00:09

حلووو مكياجها بس وااايد غالي

ام شما بعد حلووو مكياجها وفنانة ماشاء الله عليها

**..كتكوته..** · 2009-07-18, 00:21

انا الصراحه شفت مكياج نجلا النعيمي وااااااااااااو صج روووووووعه

وحطي في بالج الحلو حلو مو بس بالميكب

**صمت الاصايل** · 2009-07-18, 00:30

مرت اخوي تمكيجت عندها بيوم عرسها

ما عيبني تبين الصدق حسيته عادي مب حق عروس

حتى التسريحه مب لين ذاك الزود..

هذا رايي و فـ النهايه الناس اذواق

انا ارشح لج "هنــد الاميري" من الشارجه مكياجها وايد حلو اخر مره شفت مكياجها على اربيعتي بليلة عرسها

طالعه تجنن و اهم شي كريم الاساس طالع نفس لون بشرتها بالضبط و هذا احلى شي بالمكياج بالنسبه لي..

**موتي فراولة** · 2009-07-18, 08:28

بصراحه لاااااااااااااااااااااااااااااااااااااا ميكبها هب حلو ابدا وسوري على صراحتي بس الحمدالله يوم ما اتوهقت في عرسي كنت حاجزه عندها من كثر ما اسمعهم يمدحونها وعقب حجزت وقلت خلاص بتوكل على الله.. بس سبحان الله في اخر اسبوع من عرسي كنت مضايقه واااااااااايد اول شي عشان الطريق وانا من بوظبي وثاني شي لاني ماشفت مكياجها بس سمعت عنه صليت صلاه الاستخارة وزادت الضيقه وقلت حق اختي قومي الا اروح اشوف الميكب قبل لا اتوهق ومسكينه اختي كانت بعد بتمكيج معاي ويوم رحت انصدمت انا واختية قعدنا انطالع بعض وقلتلها بدون اي تفكير لاااااااااااا بكنسل الحجز والله في وقتها خبرتها و قلتلها ماعجبني السموحه منج ما اريد هب حلو ابدا ابدا ابدا سوري بس ما احب المجامله ولا احب الف وادور الشي الي يستاهل والله مستحيل اظلمة بس حرام اني ادفع مبلغ 3500 وعلى شي مايستاهل وكنت صدق وقتها بتلوم في اختية مسكينه ولا كنت بعد بسوي تسريحه وتسريحاتها مال اول الي يسون بالويفي ويلفونه على فوق وشفت بعد بنات متمكيجات ومسويات تسريحه ابدا هب شي.. معنه تبون الصدق انا اتعامل مع وحده بكستانية من 17 سنه والله مكياجها لا يعلى عليه بس ماعرف شو ياني وقلت خلني اغير عن هالبكستانية واشوف غيرها بس الحمدالله اني رجعت للبكستانية ومكيجتني وطلعت الماااااااااااااااااسة وصارلي سنه من عرست الكل يرمس عن مكياجي ويتصلون يبون رقمها .. وسبحان الله انا رمست عن هالبكستانية انها ماتحب اتسوي قوز قوزح ولا اتحطلج طحين من البودره في ويهج يادوب تحطلج لونين او ثلاث واتخلي اساس البودره طبيعي نفس لون ويهج يعني طبيعية هب اصطناعية عوذ بالله ورمست انها حطتلي بس لون ماروني ولمعه على الجفن المتحرك لاني قلتلها كل الصاله من كوشة ومن طاولات وحتى مسكتي وغيره بيكون ماروني على ذهبي ..وتبون الصدق وانا اتصفح المنتدى لقيت الي يعرضن مكياجهن اتقول انها اتحطلج حتى على الوان الكوشة هذا معناه انها قلدت الكلام الي قلته لاني وبامانه ماشفت حد كاتب او عارض هالكلام على الكوشه او على شي ثاني من قبل.
والله يرحم ريم ويغمد روحها الجنه هي كانت مسوتلي تسريحة شعري ربي ينور عليها قبرها ويسقيها من ماي النعيم.
اتوفت بحادث سياره وهاي بعد عمرنا انا واهلي ما غيرنا عنها هي بعد من 17 سنه نعرفها ومحد غيرها يسويلنا تسريحات
انا ما اقول جي اخرب على هيفاء او غيرها لا والله حشى وربي شاهد بس الناس اذواق ولولا الاذواق لبارة الاسواق يا خواتي لا تسمعون من اي حد الوحده اتروح اتشوف بنفسها احسن واتسوي بروفه على ويها

والسموحه اذا كلامي كان شوي ثقيل بس الامانه امانه

**العنا 2009** · 2009-07-18, 08:46

ما انصحج بهيفاء سيري عند نجلا النعيمي او عند نبيله بعيمان والله انه خبال واتغير الوحده 180درجه وحتى شمس واذا تبين ارقامهم بعطيج انا في عرس اتمكيجت عند نجلا الكل تخبل علي حتي ريلي

**ام الروح** · 2009-07-18, 11:50

هيفا روعه مكياجها ماحصلنها بعرس اختي وخلود التميمي ما حصلنها وام شامخ ان شاءالله بطلعنا قمر

**حدي دلوعه** · 2009-07-18, 12:00

ما جربتها.. ولا شفت مكياجها.. بس ما اعرف ليش استبعدتها من تفكيري لما كنت ادور ع مكيره تمكيجني..
انا حجزت عند العنود وان شاء الله خير

الموضوع: عرس اختيه

أدوات الموضوع

عرض

العرض المتطور