عروس تبا خبرتكن ^_^

**الحياة غير** · 2009-07-17, 16:18

السلام عليكم والرحمة

شحالكن ؟؟ عساكن بخير ومرتاحات

الف مبرووك لكل عروس يديدة .. والله يرزق الملقوفات اللي بعدهن ما عرسن ^^

امممم

عندي طلب ممكن مساعدة .^^.

بنات تعرفون كل عروس لازم تهتم بعمرها قبل العرس .. وانا ابا اسوي جدول اهتم بعمري
بشرتي وشعري وهالسوالف يعني >> طبعا بعد حنة ورنة من ربيعتي خخخخ اختكم عيازة

المهم بغيت اسال

شو نوع حمام الزيت اللي تنصحوني فيه ( شعري جاف ومجعد )

شو نوع الكريم اللي استخدمه لبشرتي ( بشرتي مختلطة والوانها مب متوحدة ) وانا مب متعودة احط ميك اب سواء خفيف او قوي يعني ما احط الا في المناسبات .. ومن فترة يوم صرت احطه يوميا ظهرت حبوب كبيرة فويهي مع اني كنت اغسله على طول بعد ما يروح ريلي.. فوقفت عنه <<< ممكن تعطوني الطريقة الصحيحة

الحمام المغربي كيف اسويه في البيت ( لاني مستحييل اسويه برع >> اخاف ) وشو الكريمات اللي احطها بعد ما استخدمه

بنات ما ابا خلطات ابا شي جاهز ومتوفر باي سوق >>> طرارة وتتشرط خخخ ما عليه اتحملوني شوي

انا من بوظبي يعني للي اتعرف وين ممكن احصل هالمنتجات في بوظبي تخبرني المكان

وياليت ياليت لو اتحطون صور هالمنتجات .. اذا ما فيه تعب او توصفون شكله ^^

ويزاااكن الله كل خير

المزيد من آخر المواضيع من نفس القسم:

**UAEGIRL08** · 2009-07-17, 16:21

الله يتمم زواجج على خير وان شاء الله تطلعين قمرررررر

**uae_aa** · 2009-07-17, 16:35

اموقفه يالعروس و ألف مبروك

**الحياة غير** · 2009-07-17, 16:35

امييين الله يسمع منج يالغلا

وربي يرزقج الزوج الصالح

ومشكورة عالمرور

**شوق الدار** · 2009-07-17, 16:42

الله يتمم للج ع الخير يالغلا وان شاءالله البنات بيساعدونج حبيبتي لان ما عندي فكره وحابه استفد من اللي بيفيدج يزاهن الله خير

**Pheno-m-enon** · 2009-07-17, 16:45

الله يتمملج على خير فديتج و ان شا الله بنات بوظبي يفيدونج ^___^

بس ترا الاشيا و الخلطات الطبيعية احسن يعني ما بتأثر ع البشرة

مجرد نصيحة ^___^

**inspiration** · 2009-07-17, 16:52

احسن لج الخلطات الطبيعيه.....شوفي تجارب البنات في الخلطات...دوري في اقسام المنتدى وعن العيااااااااااازه... وسيري عياده زينه يعطونج نصايح لبشرتج والا مركز تجميل مضمون.... ومبروك مقدما

**نهال بركات** · 2009-07-17, 17:23

بالتوفيق يا عروسة
وربنا يتم بخير

**الغاز الذهب** · 2009-07-17, 17:28

الله يتمم لج ع خير

بالنسبه لشعرج و جلدج انصحج ترحين اي عياده جلديه عندناا ف بوظبي .. شي عياده يمدحونهاا ف المفرق .. "عيادة جلدية" طبعاا .. و هناك يسوون لج فحوصات و يعطونج الكريمات الي تعدلج بشرتج..
او اسخدمي اسكينول حق تنظيف الويه هاا بخلي ويهج صافي .. اسألي مجربه..>>>

**.:.مالي.:.** · 2009-07-17, 17:45

سوي لج تنظيف بشره في مركز الرحمه
او صالون مرجان عند بث
وشوفي الفررررررررررررررررق

وعن شعرج سيري الخالديه بمحل اسمه الهلال الاماراتي
وشوفي العجب عندهم
كل شي طبيييييييييعيييييييييييييييييي ونتايخه خياااااااال

وامممم وعن الحمام المغربي ,, سيري لاي مكان متخصص يبيع هالسوالف
واشتري الزيت والليفه المغربيه وافركس جسمج بليمون وكل شي تحسينه ينفع خخخخ
واهم شي الماااي الورد انعشي فيه ويهج كل صبح ,, او حطيه في ماي الشرب واشربيه كل يوم

هذا اللي في بالي الحين

والله يوفقج يارب

**فن القفطان** · 2009-07-17, 22:21

اموقفه يالعروس و ألف مبروك

**الحياة غير** · 2009-07-18, 02:04

مشكورا يالغاليات عالمرور

والله يبارك فيكن وعقبال البكاري

اممم مشكورات عالنصايح بس الخلطات احسها متعبة والنتيجة ما تبان بسرعة وانا مثل ما قلت عيازة
يعني اول شي بلتزم لمدة اسبوعين وبعدين بمل اذا ما شفت نتايج

وانا ما ابا المنتجات القوية لالا اباا المنتجات العادية يعني مثل كريمات دوف او اولاي يعني الاشيا المتوفرة بالسوق

امم وعن الصوالين انا ما احب اروح هناك الا للضرورة القسوى .. مادري ما ارتاح لاغراضهم وعشرين وحدة تستخدم نفس الادوات

الموضوع: عروس تبا خبرتكن ^_^

أدوات الموضوع

عرض