اللي مربيه قيصري تدخل

[mazyo0na]

السلام عليكم شحالكن امهاااات

طبعا اكيد موووضوووعي مب يديد وانطرح وااااااااااااايد وانا كذا مره شفت هالعنوان

بس ما كنت ادخل لاني ما كنت متوقعه اني بربي قيصري (( الحمدلله على كل حال))

انا مربيه من 3 اسابيع وفيني بطن وابا اخوووزه كييييييييف ..؟؟؟

كنت متشريه مشد اندونيسي بس للأسف ما اروم البسه عشان العمليه ولا اروم اسوي رياضه ولا شد بطن


فياليت اللي مربيه قيصري من قبل تخبرناكيف خوزت بطن الحمل

حتى بطني من تحت مترهل والحين كله احط زيت زيتون

بس اباااا البطن يرووووح ..... كيييييييييف..؟؟

فيدووووني حبيباتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mazyo0na]

توني انتبهت اني حطيت الموضوووع في العلاقات العائليه اتحريت عمري كاتبتنه في الحمل والولاده


سووووري ما انتبهت بس يللا يمكن حد يفيدني

[مرآآم]

فديتج اتريي شوي لين ما يبرى الجرح عقب عليج بالرياضه لان انسب شي وبنت خالي نفسج ونفس الفتره مربيه وبعمليه بس تتريا لين ما يبرى الجرح والحين مسويه لها جدول تهته بعمرها وهي بعد مشكلتها الكرش

[حلوات الاهداب]

عادي ها الشي بس ها الفتره لا تاكلين عيوش وغازات خلي اكلج صحي واشربي اكتيفيا وايد زين للبطن بعد وعقب الشهرين امشي وبسسس والوحده عقب ما تربيي تخف مع الرضاعه والتخفيف

[...(مريّة)...]

اصبري عليه حبوبة وبروحه البطن بيخف ،
وبعد يعتمد على طبيعة جسمج إذا مليانة
أو ما شاء الله دبدوبة أو ضعيفة
الله يوفقج ويسعدج . .

[لجين 2009]

مثل ماقالت الاخت اللي قبل لاتشربين غازات ولاتاكلين عيوش خلي اكلج صحي وبعدين وبعدماتقومين بالسلامه سوي رياضة بطن والمشي وبالتوفيق وانشا الله تقومين بالسلامه

[مالها وجود]

الله يعينج ... حاولي تستشيرين دكتورة تغذيه

[غاية الضوء]

ان شالله البنات يفيدونج ..||~

[mazyo0na]

فديييتكن ما تقصرن ياليت المجربات بعد يفيدني

[هاااااي]

هلا الغالية أنا مربية 3 مرات بقيصرية والحمد لله على كل حال
طبعاً استشرت دكتورة وقالتلي ماتسوين رياضة وشد بطن إلا بعد 6 شهور عشان تلتئم العملية بس في تمارين بسيطة ترومين تسوينها يوم ظهرت من المستشفى عطوني أوراق فيها تمارين للعمليات القيصرية
والله الحين ولله الحمد ولديه عمره 9 شهور وأسوي رياضة عادي وشد بطن ومع الرضاعة المستمرة وايد بتنزلين وبتلاحظين حتى ريلج بيلاحظ لأن ريلي لاحظ إني وااااااااايد نزلت
والسموووحة على الإطالة

[Um_Mahrah]

بعد الولادة ب 6 شهور ترومين تسوين رياضة ومساج بس

توج مربية لا تستعيلين اختي

[شيخه الغيــد]

الغاليه انا نفس المعاناه عندي والحين البس مشد صح ان ساعات تعورني عمليتي بس اتحمل واحاول اسوي رياضه البطن ع الخفيف

[أم الرموش]