طلب؟....

**العائدة لله** · 2009-07-16, 03:23

والله انها مشكله والله يكون بعونج
الحل مثل ماقالو البنات استخيري وكلي امرج لله
وطمنينا عليج شو يصير وياج

**سيده طموحه** · 2009-07-16, 06:02

استخيري استخيري استخيري استخيري

**still night** · 2009-07-16, 08:32

الله يعوضج احسن عنه شكله من الحين راعي مشاكل ومايحترم ولايحفظ السر الله يستر منه

**كنه الشامسي** · 2009-07-16, 08:35

نصيحه مني لا تاخذينه ................ لأن الإنسان مواقف و هو بين معدنه وقت الشده

الكل بيكون وياج لين فستان العرس و عقب الله يعينج .............

الطلاق مب عيب و اطلق احسن مني اعيش عيشه مب مرتاحه فيها

**Fafi** · 2009-07-16, 08:43

الله يعوضج خير اختي ان شاء الله .. قرارج سليم للأسف .. لأنه ما يستاهل انج اتكونين حرمته ..

**راكبه سيكل** · 2009-07-16, 08:52

حبيبتي احسن لج تنفصلين عنه ... سامحيني بس ليش تربطين نفسج بمشاكل وانتي بعدج مالجه باجر لوعرستي ،بتربطين عمرج بياهل وهو على هالاسلوب الخايس.. اللي ماحشم اهله مابيحشم غيرهم ... واتمنى من ربي يخلفج باللي أحسن عنه ... هذا مافيه عقل ، بيده جوهره ويفرط ابها بمشاكل تافهه .. سامحيني طولت عليج

**فجر الغلا** · 2009-07-16, 09:17

ان ابغض الحلال عند الله الطلاق..

بس الصراحه ماادري كيف ريلج الله يهديه..
بــــــنــــــــات بارك الله فيكم (فل يقل خيرا او ليصمت)..

**بين نارين** · 2009-07-16, 10:29

المشاركة الأصلية كتبت بواسطة فجر الغلا

ان ابغض الحلال عند الله الطلاق..

بس الصراحه ماادري كيف ريلج الله يهديه..
بــــــنــــــــات بارك الله فيكم (فل يقل خيرا او ليصمت)..

صح ابغض الحلال عند الله الطلاق ولكن في حالتها ردي بيكون كالتاي:

لاترموا بأيديكم الى التهلكة

وقوله تعالى : رفقاً بالقوارير

كل هالاشياء ماتنطبق على ريلها فالحل انها تتطلق والله يعوضها باللي احسن عنه

**الأمل الساطع** · 2009-07-16, 10:45

ماعرف شقووول غير،،

الله يهديكم يارب

**زهرة السوسن** · 2009-07-16, 11:00

الا ما منه فايدة تركه فايدة ...
اختى هذا في اجمل واحلى الحظات الرومنسية وهي فترة الملجة يسوي فيج هذا كله كيف يوم بياخذج مافي ريال يسوي شي الا الا عايف الحرمة .... انا لو عنج مب اطلق وبس ادفعه عن كل كلمة قالها في حقي وحق اهلي والا غلط ع هليه ما فيه خير فيهم باجر لو احتاجوه اذا انتي ناوية تعيشين في عذاب طول عمرج خذيه واذا تريدين ريال فيه خير خليه يطلقج والله بيعوضج عوض خير

**ام دانه777** · 2009-07-16, 11:02

انا متزوجه من 10 سنوات ..
واذا عن نفسي مابقعد معاه دقيقه لان هالنوعيه من الريايل مابتتحملينهم طول وبيكون طبعه معاج الحين ولا بعد الزواج مدام انج على البر انا اقول اطلقي بس كفايه قالج وانتي مستواج ريال وقوطي عصير _ وانا مابطلقج الا عقب ما اعرس عليج يعني شو المعني بيشبع وبعدين مع السلامه بس احسن شي ان ابوج مايخليج معاه ...
يعني زين منه طلع هالكلمه لان الله يحبج .. لاتتوهكين معاه مدام انتي مالجه احمدي ربج وصلي ركعتين كشفتي حقيقته قبل ماتتزوجين .. تتحملين كل شي فالريال ماعدا البخل ويحن عليج 24 الساعه ويعتمد عليج في مصاريف ..

انتي ماتعرفين الله كشفه لان نصيبج مع واحد ثاني احسن منه ...
ماعليج من اهلج ومن اهله واذا ابوه طيب ولا اهم شي الريال نفسه لانج انتي بتعيشين معاه وتجابلينه

وبتوفيق ان شاءالله

**موزاني 22** · 2009-07-16, 11:19

والله انا اقوووولج ما تبيه ابدا واحد ماا يحترم اهلج شتبيه والله اذا خذتيه بتتلعوزين وياااه...

**فطيم ام مريم** · 2009-07-16, 11:51

ابصراحه هذا مب ريال والسموحه على هالرمسه لان اذا من الحين بيعايرج بفلوسه وبيغلط على امج وابوج عيل باجر شو بيسوي عقب العرس ..
غناتى احسن شي سويتيه انج طلبتي تنفصلين وانتي بعدج عذرا لان اذا دخل عليج واطلقتي بيستوي الموضوع وايد اصعب عليج ورمسة الناس وغيره ..دامنج عالبر انفصلي لان هذا مب مال زواج والي مايحترم اهلج مالج لزمه فيه والله بيعوضج بعمه انشالله والله يوفقج الغاليه

**beby kyooot** · 2009-07-16, 12:10

انا لو ريلي جيه والله ما ايلس عنده دقيقة وحدة

**الأصالة** · 2009-07-16, 13:02

حبيبتي اتصلي ع الاصلاح الاسري
وهم بيعطونج الجواب اللي يريحج

الموضوع: طلب؟....

أدوات الموضوع

عرض