طلب؟....

[بيبي قيرل]

السلام عليكم والرحمة ...


أشحالكم بنات شخباركم ...


انا عندي مشكلة ... مادري اذا كانت مشكلة ولا انا اسميها مشكلة




انا بعرض لكم مشكلتي واطلب منكم المساعدة ... وعطوني نصايحكم ...


الفترة الي بين الملجة والحفلة صار مشاكل بسيطة بسبب الحفلة ... وواااايد تضايقت ... وطوفت السالفة على خير وقلت هاي مشاكل بسيطة تصير بين فأي بيت_ قلت أتعوذ من الشيطان وأتوكل على الله ... بس عشان خاطر عمي أبو ريلي رجعت له قلت انه ريال طيب ... وأكيد ريلي بيطلع ابوه وأحسن ...

والحمدالله عايشة فبيت ابوي مستورة ومرتاحة واحلى راحة _ يغلط علي طوفتها _ لكن اوصلت فيه المواصيل يغلط على ابوي وامي هذا الي مستحيل اتساهل فيه _ حتى لوكان ريلي _ والله ان اهلي يحاولون فيني ارد له بس انا عفته وما ابغيه _ ودوم يقولون لي استخيري ربج وردي له_ دوم يطرش لي مسجات والكل يقولي قلبج قاسي عليه _ وحقرته أيام مارمسه ولا ارد على مسجاته أبدا _ وتم يطرش لي مسجات اعتذار وندم على الي سواه _ بس انا قلت مابرد له وقلبي عافة وانا ماكنت احبه قبل العرس عسب احبه الحين ... وقالي انا اباج ومستحيل اطلقج _ بس انا معاندة مب مرة مرتين سب اهلي والله _ وكل يوم يدور ضرابه على شي تافه يعني مرة ياي عندي يتعشى سويت له عصير وحطيت العشى وقام من السفرة وماكله قلت له شفيك قالي ماشي وفجأءة صرخ بويهي يدام اخوي وقالي العصير حار ليش ماحاطة ثلج وانا حاطة وقلت له خلاص بسوي لك عصير _ وسويت له بس طلع برى وماشربه _ والمرة الثانية كان بيتغدى عندي _ وقالي شو طبختي لي قلت له مجبوس دياي _ عصب وقالي انا مابي مجبوس دياي ابغي عيش تحته تونه _ والله يابنات لو اقول لكم كيف يزعل مابتصدقون على سبب تافه والله اني كرهت نفسي واااايد ...



ابي اسمع اي انتقاد منكم حتى لو كان جارح ماعندي اي مشكله ...


أفيدوني يامتزوجات ؟؟؟ والسموحة منكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[um_abduallah]

مادري والله شو اقوللج بس تصرفاته غريبه وشكله يبا يتحكم فييج وانا ماقدر اقولج تمي وياه اا انتي عايفتنه ولا اقدر اقولج اطلقي هذا القرار راد لج بالأول والأخير استخيري كم مرة واذا حسيتي انج مب قادرة برأيي الطلاق وانتي مالجة اهون من يوم اتكونين معرسة والا عندج ياهل ...ماحبيت اقرأ موضوعج ومارد علييج والله يهدي سرج يارب العالمين ..طمنينا عليج

[al3yon121]

شوفي اختي ا نا بقولج رايي بروحي لو كنت مكانج
الريال اللي جذيه مافيه خير هذي من اولها يغلط ع اهلج وماسوى لهم قدر واحترام
وشي ثاني هو ان مايبا يطلقج لان لاقي وحده تصرف عليه وبعد ماله حق يقولج بطلقج عقب مااتزوج علييج
ليش انتي رخيصه عشان يقول جذي
ومثل مايرمس عن اخوه وحرمته عرفي ان بيرمس عن غيره من وراج
وانتي استخيري ومادمج ع البر شوفي اللي يناسبج وفكري عدل

[مالـ مثيل ـها]

شوفي اختي ا نا بقولج رايي بروحي لو كنت مكانج
الريال اللي جذيه مافيه خير هذي من اولها يغلط ع اهلج وماسوى لهم قدر واحترام
وشي ثاني هو ان مايبا يطلقج لان لاقي وحده تصرف عليه وبعد ماله حق يقولج بطلقج عقب مااتزوج علييج
ليش انتي رخيصه عشان يقول جذي
ومثل مايرمس عن اخوه وحرمته عرفي ان بيرمس عن غيره من وراج
وانتي استخيري ومادمج ع البر شوفي اللي يناسبج وفكري عدل

[نونه بوظبي]

فديتج والله ريلج طبق الاصل من ريلي الغاليه ما بقولج اطلقي واخرب بيتج ولا بقولج تمي واستحملي


انا ياما وياي شفت من ريلي شرا ريلج وزود


وصبرت وقلت معليه

وعرسنا ويبنا عيال

والله ان الحين تييني علوم انه يوم كنا نتضارب وتستوي مشاكل بينا يروح البيت يقول انا بطلقها ما باها هذي خايسه بس عشان ما ازعل يتم يطرش لي مسجات اعتذار وهو يالس عند عيال عمه ويوم ارد عليه بمسج يتم يتمصخر علي جدام عيال عمه

وعيال عمه يرمسون ويا حريمهم وهن ايين يخبرني

يعني شوفي هالاشياء كانت تستوي ايام الملجه والحين دريت


دوم ضرايب ومشاكل


عذبني والحين انا ندمانه


وتامه وياه لجل خاطر بناتي

شفت منه الجور والظيم

تعبت والله لكن عندي بنتين وما اباهن يتلتهن


بس الحين تغير شوي احسن من الاول


توكلي على الله واستخيري لا تتبعين قلبج ولا تتبعين عقلج ولا تتبعين كلام البنات

[بنت 22]

ماادري بس احسه متسلط واناني!!!!!!

[m.m.s]

أسلوبه مب زين بصراحه .. بس صعب علي أقولج أطلقي ...
لو كنت مكانج ما بتم وياه ثانيه ... أنا هذا تصرفي لنفسي .. بس ما أقدر أقولج إياها صعبه ..
أقولج أستخيري وايد تمين وياه ولا تفجين عنه ...

[نور حياتي]

استخيري

و استخيري و استخيري


وحاولي معاه شوي شوي بالسياسة بالكلام الزين


كل اللي تزوجوا مروا بها المشاكــــــــــــل




ما نفع معاه انفصلي دامج ع البر

[* أماني *]

معقوله بعدج اتفكرين !!! حبيبتي لو انا بدالج بدون تفكير على طول بتطلق
ويخسي هو ولا منو ما كان يهين أهلي ولا يهيني
مستحيل أرخص بنفسي عشان قطعة ريال

[Miss.Feminine]

انا مب معرسه و لا ملجت

لكن و الله لو ياني واحد شرات ريلج كنت طلبت الطلاق لى طول

تراني من النوع اللي يسكت لكن يوم انفجر انفجر و مستحيل اتزوج واحد شراته

عشان جيه بنفجر لاني ابا الطلاق

زين سويتي

هذا اليوم جيه باجر شو بيسوي فيج

بعدين من كلامج فهمت انج عاقل و حكيمه

و تفكيرج صح و سليم

لا تسمعين كلام حد

انه عيب و من هالكلام

لا حبيبتي هذي حياتج

انتي ما استحملتيه 4 شهور

بتتحملينه الدهر ؟؟

قبل لا يفوت الفوت تصرفي على طول

[لمساتي حياتي]

انتي بتتزوجين عسب تستقرين واهلج يرتاحون ولا تبين اتعانين وتدخلين حياة من اولها مشاكل ؟؟؟؟

هذا ريال مب قد المسئولية والله بتندمين ندم طول حياتج لو خذتية 000 فترة الملجة هذي مثل فترة الخطبة يعني بعدكم على البر وانفصلي احسن دامة ما دخل عليج 000

يغلط على ابوج وامج ايخسى الا هو 000 باجر بيستهين فيج وبيلعب فيج لعب نصيحتي لج خلية يولي وان شاء الله بيتقدم لج واحد احسن عنة 00

[غلا المحيربي]

انا اقولج ابتعدي عنه الصراحه تصرفاته مش طبيعيه ومش راكز احسبه مايعرف يتصرف هذا اوللللللله وبعدين بتتعبين

[Jimmy Choo]

الصراحه تصرفاته تصرفاات يهال واسمحيلي بهالكلمة بس مايحترمج ولايحترم اهلج
كيف بيحترمج عقب يوم بياخذج واصلا الريال بهالفتره يحاول يبين انه على افضل خلق فكيف انه حتى بهالفتره مب زين وياج ولا يحترم اهلج الله يهديه بس الظاهر يباله كم سنة لين يعقل ويبتدي يفكر بالزواج
استخيري و الله بيجدم لي فيييييييه الخير ان شااءلله

[المـHــآ]

للرفع

[...(مريّة)...]

من كم يوم ييتي على بالي وقلت عسى المانع خير لأني
صار لي فترة مب قصيرة ما أشوف نك نيمج اللي تعودت دايما
أشوفه . .

.
.
.

أختي . . أنا ما بقول لج رايي عشان انتي في هالموقف ، أنا
بقول لج (((((أنا شو بسوي لو أنـــــــــــــــــــا في هالموقف)))))!
ريّال يتحلّف لي ؟ ما أباه لو ما يتم على ويه الدنيا ريال غيره !
لأن طبيعة الريّال إنه ما ينسى + المكر ! مهمـــــــــــــا كان طيب
أو ودود أو متسامح . . صدقيني ما ينسى ، أنا أعرف ان انتي
أصلا ما سويتي شي عشان ينسى ولا ما ينسى بس كونه
يعق كلمة مثل (ما بطلقج لين عقب العرس) هذا ريّال نيته مب
صافية وما ينسى سواء الطرف الثاني غلط في حقه أو لاء !
يعني فرضنا إنج سمعتي شور أهلج وحنيتي عليه ورجعتي له ،
تتوقعين قلبه بيكون صافي ؟ طبعا لأ ! لأن لو أصلا نيته صافية
ما كان تحلّف لج من الأساس !!

شغلة ثانية . .
لو بقول عرّستوا وعندج عيال منه بقول ما عليه يا أختي تحمّلي
وعندج العوض في عيالج إن شاء الله ، بس انتي ع البر . . وبرّج
أمان بعد لأن ما في شي تحدد لا عرس ولا تجهيزات ولا غيره . .
ليش تسيرين للغربال بريلج ؟! عقليته وايد طفولية مب عقلية
ريال بيكون مسؤول عن بيت وأسرة باجر . . عيل يزعل على عصير
استوى حار ؟!!!! ما صارت والله !

شغلة ثالثة . .
هالريال ما يحترمج وفي قاعدة مهمة في الحياة تقول : الاحترام
مصنع الحياة !!!!! لو مافي علاقة محترمة تربطني فيج يا أختي ما
بكلمج بأدب ولا بغض طرفي عن أخطاءج وكذلك انتي . .
ما يحترمج لأنه ما احترم أهلج وسبهم ليش أسكت له وأسامحه
على هالشي وأنا أساسا مب ميتة عليه ولا في شي يجبرني إني
أطنش وأسكت ؟

شغلة رابعة . .
مب أهلج اللي بيعيشون وياه وويا عقليته وشخصيته ، انننننننتي
اللي بتعيشين . . انتي يا أختي ومحد غيرج . . إذا خذيتي والله
كتب لكم السعادة ترى انتي اللي بتسعدين ، وإذا العكس ترى انتي
اللي بتشقين . . في الحالتين مب أهلج انننننننننتي انتي !

وعقب الجريدة هاي كلها أقول لج : استخيري ! استخيري !