مكينة خياطة

[jameela200]

مرحبا خواتي....


ناوية أقسم غرفتي وأسويها شرات غرف الأجانب ... قصدي يعني يكون لي زاوية للأعمال اليدوية...

المهم خواتي

أنا ناوية أشتري على أول شهر 8 مكينة خياطة.... تكون وااايد أوكيه... ويديدة...

أنا ما أرف أخيط بس بتعلم إن شاء الله...

بس أبا أعرف شو هي أفضل ماركة؟

وأنا حاطة لها ميزانية 1000 درهم...

وين ألقاها...

مرة وحدة من الخوات عارضة صور مكينتها... وقالت إن فيها سيدي تعليمي أتوقع ماركة ابرذر...

فياريت تفيدوني بنات

بكل شي ...الله يخليكم

وربي يسعدكم ويهنيكم دنيا وآخرة


جميلة......

المزيد من آخر المواضيع من نفس القسم:

• احدث ديكورات مكاتب منزلية بتصميمات انيقة...
• ديكورات داخلية باللونين الأخضر والبني...
• صور ديكورات مطابخ لعشاق الرقي والاناقة
• صور ديكور غرف نوم مفعم بالرقي والفخامة
• اجمل تصاميم غرف طعام انيقة للعزومات والضيوف
• اروع تصاميم ديكورات مداخل غاية الرقي والجمال
• صور ديكورات مداخل منزل انيقة وعصرية
• احدث تصاميم غرف اطفال جميلة وعصرية
• اجمل ديكورات غرف طعام لاناقة منزلك في...
• ديكورات مكاتب منزلية غاية الرقي والاناقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زمن الخيال]

الغاليه في وحده مره عرضت مكيينة خيااطه واايد حلووه انا عيبتني واايد واعتقد سعرهاا 700 وماخذتنها من دبي اي محل مادري ..


اتمنى حد يفيدج اختيي ..

[سحابة الخير]

امانة اختي اذا عرفتي مكينه زينه خبريني
يزاج الله خير

[jameela200]

الغاليه في وحده مره عرضت مكيينة خيااطه واايد حلووه انا عيبتني واايد واعتقد سعرهاا 700 وماخذتنها من دبي اي محل مادري ..


اتمنى حد يفيدج اختيي ..

هيه هذي اللي أسأل عنها...دورت على موضوعها مالقيته...

يارب تشوف موضوعي

[jameela200]

امانة اختي اذا عرفتي مكينه زينه خبريني
يزاج الله خير

من عيوني ...بس ادعي لي القى رد...

[Um Elyas]

حبيبتي هذا رابط الموضوع سيفته في المفضلة عسب أشتريلي وحدة
http://forum.uaewomen.net/showthread.php?t=462854

[sweet nona]

انا اشتريت ماكينة ماركة براذر من جامبو ب 710 دراهم 35 غرزة بس وايد بسيط و سهلة و ايي وياها سي دي تعريف بالماكينة و الخيط يدخل اتوماتيك بالابرة

[jameela200]

مشكورين على المرور بنيات ^^

[4 عيال]

السلام عليكم ورحمة الله وبركاته
اخيرا!!! رحت لبر دبي ، ودخلت على معارض جمبو لين الدور الرابع ولقيت المكاين
واخترت هاي

(( داخل الكيس ))


(( والمفاجأه !!!! ترااااااا ))




(( وأنا ابطل الكرتون واجوف اليد الفضولية)) >> لقافة بعيد عنكم

" يد بنتي ام الاربع سنين ">> فديتها






واحب اشكر اختي dolfii اللي دلتني على المكان

هذا موضوعي نزلته قبل فتره وياني وحام الحمل وما خيطت عليها شي ههههههههه بس ترى الوالده هي اللي مستفيده منها وتخيط عليها اشياء بسيطه لين الحين ما شفنا منها مشاكل ان شاءالله بيفيدج

[فرح777]

بتحصلينها في كارفر انا شفتهم عاضين 5 مكاين خياطه لاكن ما عرف اسعارهم

[أم ميثاء]

الغالية بتحصلين في كارفور والسطوة،،، محلات مجابلة مبنى البلدية وعندهم كل اغراض الخياطة وأكسواراتها وكل ما يتعلق بها،،،وإذا عصلجت وياج المكينه ترومين اتصلحينها عندهم في السطوة في نفس الوقت او تستلمينها في نفس اليوم،،،،احيدني اول ما خذت المكينة مالتي من الحماس ما خليت ولا اكسسوار واحد ما شليته وعشرين الف قطعة عسب ايرب فيهن واخيط حج بنتي لكن للاسف كل ما ايلس على المكينة بخيط شويه عيالي يقطعون عليه او ينشون من الرقاد ويخربون علي وقتي وحماسي ومزاجي لين ما آخرتها استسلمت للأمر الواقع وتخليت عن هوايتي وحبي للخياطة،،، تعالي احينه شوفي الاغراض من كثرها مب عارفة وين بخزنها،،، يالله الحمدلله على كل حال،،، على العموم الغالية هذاك اليوم كنت سايرة محل عبي عسب اضوج عباتي عند الجتف والحرمة اللي ياسه تبيع قامت وخاطت العباة بطريقة مرتبه وايد استغربت وخفت تخربلي العباة لكن اكتشفت انها خياطة من الاساس وتطرز بعد،،، كلميتها اني خاطري اتعلم وقالت لي افكر اعلم البنات في بيتي إذا شفت فيه اقبال حتى اني شجعيتها وقالتلي ان شاء الله يصير خير،،،ومن هذاك اليوم ما كلميتها،،، بس ما ادري اذا بغيتي ممكن انج تكلمينها،،، هيه مغربية وساكنة اعتقد في المحيصنه او الطوار ،،، على فكرة انا مكينتي خذتها من كارفور اعتقد على 1500 واسمها سنجر،،، هيه زينة وفيها غرز وايدة بس قريت فوق انه فيه مكينة تسحب الخيط للابرة روحها،،، طبعا افضل انتي شوفي واسألي راعي السطوة لانه متخصص وبيخبرج،،،

[نيلا]

الغالية بتحصلين في كارفور والسطوة،،، محلات مجابلة مبنى البلدية وعندهم كل اغراض الخياطة وأكسواراتها وكل ما يتعلق بها،،،وإذا عصلجت وياج المكينه ترومين اتصلحينها عندهم في السطوة في نفس الوقت او تستلمينها في نفس اليوم،،،،احيدني اول ما خذت المكينة مالتي من الحماس ما خليت ولا اكسسوار واحد ما شليته وعشرين الف قطعة عسب ايرب فيهن واخيط حج بنتي لكن للاسف كل ما ايلس على المكينة بخيط شويه عيالي يقطعون عليه او ينشون من الرقاد ويخربون علي وقتي وحماسي ومزاجي لين ما آخرتها استسلمت للأمر الواقع وتخليت عن هوايتي وحبي للخياطة،،، تعالي احينه شوفي الاغراض من كثرها مب عارفة وين بخزنها،،، يالله الحمدلله على كل حال،،، على العموم الغالية هذاك اليوم كنت سايرة محل عبي عسب اضوج عباتي عند الجتف والحرمة اللي ياسه تبيع قامت وخاطت العباة بطريقة مرتبه وايد استغربت وخفت تخربلي العباة لكن اكتشفت انها خياطة من الاساس وتطرز بعد،،، كلميتها اني خاطري اتعلم وقالت لي افكر اعلم البنات في بيتي إذا شفت فيه اقبال حتى اني شجعيتها وقالتلي ان شاء الله يصير خير،،،ومن هذاك اليوم ما كلميتها،،، بس ما ادري اذا بغيتي ممكن انج تكلمينها،،، هيه مغربية وساكنة اعتقد في المحيصنه او الطوار ،،، على فكرة انا مكينتي خذتها من كارفور اعتقد على 1500 واسمها سنجر،،، هيه زينة وفيها غرز وايدة بس قريت فوق انه فيه مكينة تسحب الخيط للابرة روحها،،، طبعا افضل انتي شوفي واسألي راعي السطوة لانه متخصص وبيخبرج،،،

اختي جان بتسيرين عند الحرمة تراني بسير ويااااااااااج

لانه مكانها قريب مني

[طموحه بوظبي]

انا عندي brother 3500 وايد ممتازه وسهله الاستخدام

والي احدث منها 3600 ما اشوف ذاك الفرق الا ان الثانيه وياها سي دي

انصحج فيها وشريتها انا من اللولو بحدود 500 وشوي في جامبو تكون اغلى وطبعا الوكيل نفسه جامبو

وهي تسحب الخيط للابره وفيها وايد غرز

عموما التفصيل ما يباله كل هال الغرز الا اذا بتطرزين اما خياطه الفساتين للبنات الصغار او الاعمال اليدويه

كلها ترومين تسويها شوفي موضوعي مفصله بهال الماكينه