علاقتي مع ريلي

**Cavalli_Girl** · 2009-07-09, 11:29

استغفري ربج .. وكثري من الدعاء حبوبه

**الأصالة** · 2009-07-09, 11:46

الله يكون في عونج
عورني قلبي عليج
استغفري ربج دوم واكثري

**uaesun2003** · 2009-07-09, 12:00

استشيري مستشاره اسريه هم وايد شايفين حالات بيفيدنج ان شاء الله

**أشتقت لضحكتي** · 2009-07-09, 12:22

و الله زعلت عليج

الله يعينج يالغلا و يصبرج ع بلاوج

**اخت بوحميد** · 2009-07-09, 12:45

الله يهديه يارب

**زهرة السوسن** · 2009-07-09, 13:00

ما ادري احسن انه فعلا ما يباج او مغصوب ... حتى المغصوب ما يسوي هذا في بنت الناس ع الاقل احترام وتقدير ع اساس انج انسان الصراحة لو انا ما قدر اتحمل هذا التصرف لو يوم واحد والله لخليه ما يسوي بيزه واطلع معززه مكرمة لو يباني بالاحترام والتقدير لو ما يبناني بيت ابويه موجود وطول عمري محترمة ومقدره فيه ....
الله ما خلقنا حق ننهان وننذل .. الخوف باجر تحملين وتيبين لج ياهل وهو يستمر ع الا يسويه ويزيد وتندمين ... انا اشوف انج تكلمين ابوه او امه واذا ما في فايدة كلمي هلج ابوج او حد من اخواج او ريل اختج اذا هو ربيعة واذا ما عدل اسلوبه من راي ما بيتعدل وتتبهدلين وبتوصل لضرب والاهانة ... !!!
يمكن محد يعجبه كلامي بس هذا رأي ؟؟؟
الله يكون في عونج

**Romance R** · 2009-07-09, 13:13

الله يعينج و الله يهديه

**الأمل الساطع** · 2009-07-09, 13:18

تحملي الغاااليه مب بيدج شي،،،
والله يهدي سركم ياااااااااارب

**دموع السما** · 2009-07-09, 13:30

حبيبتي

الافضل سؤال اهل الخبره و الحكمه من اهلج و اهله

مثل ما قلتي محد يعرف شو يستوي بين الريال و مرته !!!!

من وجهة نظري
في امور ما ينسكت عنها وغلط ينقال اصبري فيها
و في امور ينسكت عنها و المفروض الحرمه العاقل تصبر فيها

عاد منو يحدد هذا الشي
انتي فقط!!!
مع سؤال اهل الحكمه من الاهل

والسموحه
و ربي يعطيج السعاده في الدنيا و الاخره

**دلوعه فزاع** · 2009-07-09, 14:08

الله يعينج الغاليه وايسر امورج ويسخر لج ريلج

**The Miracle** · 2009-07-09, 14:27

اذا شد انتي رخّي ... حاولي كثر ما ترومين تلاحظين الامور اللي تحشره وتجنبيها .. و عقب فتره يلسي وياه يلسة مصارحة .. شوي شوي ظهري اللي ف خاطرج بطريقة حلوه يمكن يوم يحسج تحاولين يهدا شوي

**Fanatek** · 2009-07-09, 15:04

او منج بخبر امه وبقولها ترى فلان كل ما استوت سالفه تافهه قالي بطلقج .. عيب يتم يقولج جيه ,,, شووه مستانس انه يرووم يطلق .. يتحراه حق الفيتو عنده ... سمعي اذا تم يقول جيه رمسي هله و اذاا واصل رمسي هلج ....

**على خطى السلف** · 2009-07-09, 15:08

ماشاءالله علييج..صاابره واايد و هذا الشي طيب ..اختي ادعي بصلاتج و باذن الله رااح يتغيير..

**salamh** · 2009-07-09, 15:18

عاملية بالمثل لان ريلج مش ريال عاقل من البداية يهدد بالطلاق ترا بيسويها انا اقولج عن تجربة ريلى مثل ريلج نفس الاسلوب وكلة يهددنى بطلقج وانا مب ماخذة بالى افكر بس تهديد اقول انا ام عيالة وبنت خالتة ما راح يسويها وصابرة وساكتة علشان عيالى لين سواها وطلقنى وطلعنى من البيت ولا همة لاانا ولا عيالة وبناتة وقال هى غلطانة بعد وما خاف من الله ولا من الناس والناس كلها لامتة وزعلت علية لكن شو الفايدة عقب ضيعنا انتبهى اختى من ريلج ولا تسكتين وهو يهددج قوليلة انا عندى ناس واهل وبيت والبيت اللى خذتنى منة انت شلنى فى سيارتك وردنى لة لا تسكتين والحمد الله بعدج ما عندج عيال انتبهى نصيحة لوجة الله

**ميميه88** · 2009-07-09, 15:23

نصيحه يايوقف عند حده ياتنفصلون قبل لاتتورطون بعيال
انا اول كنت جييه اخاف واسكت عقب لا تميت اوقف بويهه واقوله دقيقه مابيلس وياك ويبت اهله جدامه وقلت الهم ان تم على هالحال انا مابيلس سمحوليه اوهله هزبوووه الحين خف بوااااااااااايد عن قبللانه متمسك بي ويباني اما اذ كان مايباج وقلتي له هالرمسه بيستغنى عنج وانتي مش مجبوره تيلسين ويا واحد مايباج

الموضوع: علاقتي مع ريلي

أدوات الموضوع

عرض

المواضيع المتشابهه

علاقتي مع ريلي ! أبا نصيحه من المتزوجات =(

علاقتي مع زوجاتي اخي

علاقتي ويا الوالد.......؟؟؟؟شو اسوي......؟؟؟

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش