كلير بلو الدجيتال.....

[UM_RSHOODEE]

اخواتي العزيزات منو منكن جربت كلير بلو الرقمي (الديجيتال) وهل هو صدق اضبط ولا لأ وكيف استخدامه ,,, لأني امس شريته على اساس لو استخدمته قبل موعد الدورة بكم يوم عادي بتطلع النتيجة وانا اصلا متأخرة علي يومين بس طلع انه ماشي حمل فهل ممكن انه يكون غلط ولازم اتريا كم يوم؟؟؟

وبعد ورقة الارشادات كلها بالانجليزي مب نفس كلير بلو العادي والي فهمت نفس الطريقة بس العادي كنت احط الجهاز في البول عزكم الله خمس ثواني وها كان مكتوب على حسب فهمي يعني عشرين ثاني ما اعرف هل صح الي سويته ولا لأ

رجاء من كل وحدة جربته ولا عندها علم تخبرني وادعولي اني اكون حامل هالشهر

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أصغرالبنات]

انا لما عرفت اني حامل كنت مستخدمه هالجهاز....

طريقتي كانت ان البول الله يعزج خليته في كوب البلاستيك العادي..وحطيت فيه الجهاز عشرين ثانيه...وماشاءالله ماكملت دقيقة الا ظاهرتلي النتيجه..وكنت مسويه التحليل تقريبا فنفس موعد الدوره مادري قبله بيوم...

ردي عيدي التحليل وان شاءالله تطلعين حااااامل هالشهر...

[UM_RSHOODEE]

مشكورة الغالية نفس الي سويته بس بعد مره بجربه ,بتريا باجر او عقبه عشان اتأكد عدل انها اتأخرت علي مع اني اكتب ايام دورتي بس المشكلة انه اتيني مسحة بنية بعد كم يوم تنزل الدورة يعني اتلخبط لانهم يقولون لازم احسب من نزول الدم

[أمورة]

الغاليه سويتيه صح هو يباله 20 ثانيه اذا كنتي ميمعه البول (عزكم الله) في كاس

انا بروحي في بالي نفس الاسأله ابا اعرف البنات اللي استخدموه طلع لهم النتيجه حامل بعد كم يوم من تأخر الدوره؟؟

بتابع موضوعج

و الله يرزقج و يرزقني ان شاء الله

[لوزة74]

الله يرزقج بالحمل انشالله

انا استخدمت كلير بلو العادي قبل موعد الدورة باسبوع تقريبا وطلع لي حمل الحمدالله

[UM_RSHOODEE]

مشكورات اخواتي والله يرزق كل محرومة انشا الله

[::ملاك::]

حبوبة الديجيتال و العادي نفس الشيء،،
قبل يوم كنت اشتري،، قالتلي اللي في الصيدلية انه نفس الشيء.. اللهم هذا ديجيتال بس..
مافي فرق وايد،،

تريي كمن يوم و ردي سوي الفحص حبوبة

[جوهرة111]

عاديه الغاليه استخدمي حتى لو نفس اليوم اي تتاخر عليج الدوره

[أم عنووودي]

الغاليات كيف هذا الجهاز إللي أنا أشتريه هذا إللي يظهر موجب وسالب هذا الديجتال يظهر أرقام وإلا كيف لأن في الصيدليات ماشئ غير كلير بلو الأزرق أعتقد العادي إللي بخمسين ريال صح وخبروني فديتكم وين أحصله يعني في صيدلية معينه في راك وإسمحولي

[حبيته بجنون]

الديجتال والعادي نفس الشي
ذاك بس دجيتال ورقمي
اما ذاك بو خط وخطين وبس
رجعي حللي بعد كمن يوم
وعسى خير

[أمورة]

انا الصراحه اتشائمت من الديجتال

شكلي بعتمد على الطرق الجديمه (السالب و الموجب ولا بو خطين)

[UM_RSHOODEE]

مشكورات حبيباتي على الرد انشا الله خير
ام عنودي الديجتال ينكتب علي حامل او غير حامل باللغة الانجليزية ومالت الصيدلية قالت لي انه ادق وتقدرين تسوين قبل يوم الدورة بيومين او ثلاث الحين الاخوات يقولن انه نفس الشي انا بعد احس انه نفس الشي لان العادي بعد تقدرين تسوينه قبل موعد الدورة

[أم عنووودي]

الحين فهمت على بالي مثل تحليل الدم إللي يطلع لج كم نسبة هرمون الحمل في الدم مشكورة فديتج على التوضيح ماقصرتي والله يرزقج بالحمل السليم يارب العالمين

[omeno]

الغاليه لو في حمل جان بين
والله يرزقج بالحمل القريب
ونصيحه .... ترا وحام رمضان خاااااااااااااااااااااااايس ووايد صعب بتهلكين
نصيحه لوجه الله لا تحملين لين يخطف رمضان

[أنا مسلمه]

عزيزتي ..

مب شرط يظهر .. تخيلي اانا اسوي مايطلع حمل واروح اسوي تحليل دم وماشاء الله يظهر لي حمل ..

يعني على حسب متى التبويض صار عرفتي ..