عمي ابو زوجي

**نورة المقبالي** · 2009-07-08, 06:11

مشكلتي هو عمي ابو زوجي والي هو فنفس الوقت خال امي يعني خالي هو انسان كبير في السن وشكاك لدرجة انه مطلق حرمته بسبب الشك الي فيه ما كان بيني وبينه الا كل خير احترمه واقدره بس نم تزوجت يحن على ريلي يعرس علي والسبب اني مايبت لهم عيال والعيب مب مني من ريلي بس انا ما خبرتهم بهذا الشي لاني احب ريلي وايد -المهم الحمدلله تعالج ريلي والحين عندي عيال بس ريلي وايد هادي وما يحب المشاكل -من يومين كنت في بيت حميي وعمي ساكن عندهم بعد ماطلق حرمته وكنا في الصالة ودخل عمي وصرنا نسولف ونضحك وامورنا عسل على عسل--الين مايت جارتنا هو راح غرفته (نسيت اقولكن ان زوجي كان يايب لابوه هدية العصر لانه كنا رايحين السوق ولما راح لعمي ما حصله حط له الهدية وراح )المهم واحنا جالسين ما دريت الا عمي داخل علي ورامي الهدية في ويهي وهاتك ياسب في وابوي --انا انصدمت وماقلت شي الين راح قمت شليت ولدي ورحت البيت وانا ميتة صياح ورحت لزوجي وقلتله هو تضايق وقال لييش سوا جي المهم انا قلتله ودني عند اهلي وخبرت امي مع اني مامتعوده اخبر اهلي عن اي شي بس هو جرحني وسب ابوي بس ما خبرت ابوي لاني اخاف من ردت فعله -امي كلمت امها الي هي اخت عمي ولما سالته لييش سويت جي قال بسبب اني انا اضحك على عينه الي مايشوف منها

واني انا مسيطره على زوجي وامشيه على كيفي والله يااخوات اني مصدومة ظلم وبهتان في حقي انا زوجي يحبني وانا احبه وااااايد واتصير بينا مشاكل توصل للطلاق بس انا طبعي مااطلع مشاكلي واحلها بنفسي بس ماادري ليش يفكر بهذا التفكير
الحين انا قلت لريلي يكلمه بس اخاف يعصب عليه فشورن علي شو اسوي وياه مع العلم اني اليوم رحت وسلمت عليه لانه قال ليدتي انه ندمان بس بعدني زعلانه عليه لانه ظلمني واحرجني عند جارتي

المزيد من آخر المواضيع من نفس القسم:

**ام رشوودي** · 2009-07-08, 06:19

شكله كبير وخررف

الله يهنيج ويازوجج

**أم اشجان** · 2009-07-08, 06:31

فديتج ماعليه تحملي لاتكبرين السالفه كيف ماقالت ام رشودي كبير فالسن .. انسى السالفه وصلي ع النبي وان تكرر الموضوع مره ثانيه يصير خير الحين خلاص انسي السالفه ولاتكبرينها دام ريلج عندج ويحبج ماعليج من حد والله يهدي عمج ذكرتيني بعمة اختي ام ريلها نفس عمج بس والله متحمله عشان ريلها يحبها انتي صبري ودامه ظلمج اجرج عند رب العالمين والسموحه منج

**حبيته بجنون** · 2009-07-08, 06:35

دوووووووووووووم نسمع مشاكل العمه ومرت الولد
بس انتي بصراحه غير
ماعليج منه شكله كبر بالسن وخرف
وربي يهنيج

**uae13122** · 2009-07-08, 10:05

**Hno0odah** · 2009-07-08, 10:43

الله يكون في عونج
اتحمليه ريال كبير

**زلال2008** · 2009-07-08, 10:48

الله يهديه بس لازم تتحملينه حبيبتي مهما كان هذا ريال عوود حاولي تكسبينه بالكلمه الطيبه

**الأمل الساطع** · 2009-07-08, 23:29

ماعليه اختيييي تحملي،،، عشان ريلج

**عالية الغالية** · 2009-07-09, 00:06

الله يعينج

**صلاتى حياتى** · 2009-07-09, 00:29

الله يهديه بس لازم تتحملينه حبيبتي مهما كان هذا ريال عوود حاولي تكسبينه بالكلمه الطيبه

غناتى انا راى تتحملين وتصفحى لانه عود وله احترامه والله انا وايد شفت من عمى ابو ريلى اكثر عنج بوايد

وكنت اسكت ولا ريلى يعطينى حقى بالعكس كان ييصارخ على انا وبعد عمى مو قريبى بس تحملت

اجرج عند رب العالمين

**نورة المقبالي** · 2009-07-09, 01:55

يزاكن الله خير خواتي على الردود

**بنوته18** · 2009-07-09, 02:05

الله يهدييييييييييييه

**شوق الدار** · 2009-07-09, 03:23

شكلها كبير ف السن حليله يبي يلفت الانتباه فلا تعورين راسج ومشي امورج الله يوفجج وخليه مثل ابوج عسب الله عينج عله ما تسمعين رمسات منه وكل شي يوصلج منه يون خير بس توكلي ع ربج

**لورا** · 2009-07-09, 04:02

ماعليه ياقلبي تحملي انسان كبير ...

**~مس لولو~** · 2009-07-09, 19:08

خيرا تفعل شرا تلقى
سامحيه كبير بالسن

الموضوع: عمي ابو زوجي

أدوات الموضوع

عرض

عمي ابو زوجي

المزيد من آخر المواضيع من نفس القسم:

المواضيع المتشابهه

زوجي غريب الطبايع(حد عندها زوج مثل زوجي)

زوجي وآآآآآآآآآآآآآآآآآآآآآآآآآآه من زوجي

أخت زوجي