ريلي والدفاشة

**حياته** · 2009-07-08, 02:26

السلام عليكم بنات

عندي مشكلة ويا ريلي ساعات احس انها سخيفة وساعات احس اني لازم القى لها حل، وهي:

دفاشته

هو طيب وحنووون لابعد حد ماشالله عليه، وانا وهو ويا بعض وااايد مرتاحين ولله الحمد، لكنه جدام الناس وايد يدافش ويايه... يعني بصراحة ما احب ابدا اني اكلمه جدام الناس ولا اني اعلق على شي وبالذات جدام اهله... لانه ييلس لي على الدقة...

كلمته ونبهته لهذا الشي يعتدل شوي حزتها.... بس بو طبيع يرد مثل قبل ...انا ما الومه لانه هذي شخصيته اونه وايد يحب يسوي سوالف... بس انا بطبيعتي نوعا ما هادية ويوم يدفش ويايه اسكت واقفط... لاني احس ان اي رد مني ممكن يسبب مشكلة بيني وبينه ولا زعلة جدام الناس... على فكرة يدفش بالاخص جدام اهله.... وانا ماحب التعليقات السلبية لعلاقتنا حتى لو مصخرة.. لانها وايد تاثر في نفسيتي

وسلامتكم

المزيد من آخر المواضيع من نفس القسم:

**بيضه** · 2009-07-08, 03:02

نفس الشي كنت اطوف واقوله ما يعيبني وشرات ما اتقولين بوطبيع ما ايوز عن طبعه

بس شو اسوي الحين نفس ما يسوي اسوي اعلق عليه وجدام خواته حسب يحس بدمه اشوي بس بعد ما شي فايده

بس اريح وحده بوحده بنفس الوقت

**.+ Swan +.** · 2009-07-08, 03:24

انصحج ان كل مايعلق تبتسمين له بدون ماتعلقين او لو عندج تعليق يعني يضحك قوليه
بس لاتعصبي وتبوزي وتفكرين وايد بالموقف حطي في بالج ان هو يبا يستانس شوي ويدري محد بيتحمله غيرج عسب جيه يطيح تعليقات فيج عسب يسوي جوو ها مب معناه انه يكرهج او يبا يفشلج ..وانتي لو تبتسمين ولاتقولين قول شو ماتبا تقول انا حرمتك وقاعده ع قلبك خخخ
بس احسن الابتسامه ونظره طيوبه ..بتكبرين في عين الناس بيقولون حليلها طيبه ساكته مع انه دفششش
وهو بروحه بيمل .. وعقب مع الايام بيقوم بروحه يمدحج جربي ولو مانفعت الطريقه اخنقيه وكفخيه ع راحتج خخخخ

**عشان الحب** · 2009-07-08, 03:29

قوليله
هييييييييييهههيييههي باااااااااااااااايخه...

ههههههههه

...صدق شوي بيحس بدمه يعني بيني له أن الشي اللي قاله عادي ومايضحك....

شوي شوي..يمكن يتغير...

أو قوليله...خلصت السوالف...

**ام التوم** · 2009-07-08, 03:31

والله انا ريلي كان جيه وكان يعلق جدام اهله نفس سالفتج وكنت اتضايج منه ... وكنت اكلمه واقوله لكن بدووون فايده.... فقررت كل ما هو يعلق ويدفش على قولتج اني اضحك واسولف واكون معاه على الخط.... والله والله اني ارتحت معاه وقمنا كله نضحك ونسولف جدام اهله ... وحتى قاموا يطالعونا ويقولونا ما شاء الله عليكم ... فديتج خذي الامور بروح رياضيه والامور كلها بتكون في السليم.... والله يسعدج ان شاء الله...

**ام التوم** · 2009-07-08, 03:32

بغيت اقولج لا تعلقين على ريلج جدااااااام اهله بشي سلبي لان هالشي مب لمصلحتج....

**احتاجك..** · 2009-07-08, 03:37

الله يصلحلج امرج حبيبتي ويهديلج ريلج^-^

**حياته** · 2009-07-08, 15:34

ههههههههههههههه

يعني في حد يعاني مثلي

على العموم تسلمون حبيباتي على الرد

وانا كل يوم بجرب طريقة من الطرق... وبشوف اي وحدة تنفع اكثر

**مرت المحامي** · 2009-07-09, 23:21

المشاركة الأصلية كتبت بواسطة ام التوم

بغيت اقولج لا تعلقين على ريلج جدااااااام اهله بشي سلبي لان هالشي مب لمصلحتج....

و خــلج كــوول جدامهــم , بس فالغــرفه فهميه انج تتحسسيــن من حــركــاته .

**بنت الزيودي** · 2009-07-09, 23:44

الله كريم

**الهرمودي** · 2009-07-10, 01:42

نصيحة مني

" رمسيه بس مب نفس كل مره"

اعزميه مطعم او اي مكان ويكون مكان هادئ ورومانسي

وقوليله وبأسلوب هاديء وفي نفس الوقت متضااااااااااااايقة وااااااااااااااااااااايد وكأنج شاله هم كبير

وقوليله انج دومج اتكبرينه جدام اهلج وجدام اي احد وما ترضين عليه واخلي مستوااااااااااااااك دوووووووووووووم فوق ولا اقلل من شأنك حتى ولو بالمصخرة،،،، لانك انت فوق وانت قدوتي في هالحياه واني عايشه عشانك

وبأسلوب حلووووووووو وانج شايله هم وقوليله انا ما اروم ارقد لاني افكر في هالشيء،،،

بيقولوج شو سالفه؟

قوليله انك تحرجني جدام اهلك وانا شاليتنك فوق جدام اهلي ولازم ما ترضى علي وقوليله على الاقل احترمني جدامهم وقوليله انت اتشوف السالفة تافهه بس انا ما اروم اتحمل ودومي اصيح ومابي اشتكي لاحد وما اقدر اشتكي الا لك لانك انت زوجي وحبيبي

وآخر شيء قوليله اسمحلي اني ضايقتك بكلامي بس غصبا عني وكملي بعدين سوالفكم بأمور ثانية بس حسسيه انج بعدج اتفكرين

واذا مره ثانية علق جدام اهله ابتسمي وفي نفس الوقت اسرحي وحسسيه انج اتضايقتي وبس ابتسمي ابتسامة حزن

وصدقيني بيحس

جربي وردي علي لان نصحت وحده وفاد معاها

الله يوفقج

**فجر الغلا** · 2009-07-10, 01:57

عادي فديتج يوم بيسولف فرفشي وياااااه انتي بعد

**قمـآري }..** · 2009-07-10, 02:48

امبين عليييييج حساسه وااايد

ان شاء الله ايخفف من دفاشته ^_^

**حياته** · 2009-07-13, 02:31

شكرا على الردود الحلوة

الهرمودي اشكرج على نصيحتج... بصراحة ممكن انه يكون هذا الحل لاني يوم كلمته من قبل ما حسسته انها مشكله... بس بهذي الطريقة بيحس

**بنت العلالي** · 2009-07-13, 13:32

حاولي ما تيلسين وياه جدام اهله علشان ما يعلق و فهميه بروحج في غرفتج

الموضوع: ريلي والدفاشة

أدوات الموضوع

عرض

ريلي والدفاشة

المزيد من آخر المواضيع من نفس القسم:

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

ريلي متزوج علي..كيف انتقم من الثانيه .. كيف اخلص ريلي منها تفضلي ادخلي

طليقة ريلي اتعرف اسرارنا وحتي الحوار اللي ادور بيني وبين ريلي شجايل !!!!ساعدوني

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش