المشكلة ..متزوج

**شيخة البنااات** · 2009-07-06, 11:51

مرحبا خواتي

محتااااااااااااااااارة واااااااايد
ساااااااعدوني بليييييييز

تقدم لخطبتي شخص متزوج ما مر على زواجه الا كم شهر ...!!!
هذا الشخص كان زميلي في الدوام وكلمني بالزواج من قبل لكن ما اعرف شو الظروف اللي خلته يسكت عن الموضوع وبعدين عرفت انه تزوج ...!! انا زعلت واايد وخاصة اني اعزة واايد وادري اني غالية عنده ..
الحين رجع يبا يخطبني ويقول ما بقصر عليج في شي وبخلي اهلي كلهم اييون يخطبونج وحتى زوجتي بخبرها .
الرياااال ما عليه قصور في كل شي والناس تحبه ...وقلبي يميل له هو بس.. مع ان اللي يخطبوني واايد.. بس دوم اشوفه اخير عنهم..
انا ما اباه لانه متزوج ولان حرمته حامل وانا ماااااا اقدر اتحمل الغيرة وفي نفس الوقت ابااه لاني ما نسيته ولا هو نساني .. وبنفس الوقت مب قادرة اوافق على حد يتقدملي..
شوووو اسوي ؟؟؟

المزيد من آخر المواضيع من نفس القسم:

**اميرة السيدات** · 2009-07-06, 11:52

صلي استخاره
هذا الحل الوحيد

**حنونة الصغيرة** · 2009-07-06, 11:56

لالالالالالالالالالالالالالالالالالالالا لاتتزوجينه لو كنتي مكان الزوجة الأولى أشو كان بيكون شعورج؟

**كازو ترف** · 2009-07-06, 11:56

ما مر على زواجه كم شهر؟؟؟؟؟؟؟؟؟؟؟؟

واذا باجر عرّس عليج ؟

**هاااااي** · 2009-07-06, 11:58

المشاركة الأصلية كتبت بواسطة اميرة السيدات

صلي استخاره
هذا الحل الوحيد

**!! غرور !!** · 2009-07-06, 12:04

المشاركة الأصلية كتبت بواسطة كازو ترف

ما مر على زواجه كم شهر؟؟؟؟؟؟؟؟؟؟؟؟

واذا باجر عرّس عليج ؟

انا بعد اقول جيه !!

ماصار له الا كم شهر ويبى يتزوجج .. شو يضمن لج انه عقب كم شهر بيقول بتزوج الـ 3 !!

مانصحج .. بس عموما استخيري دام الريال عايبنج .. والله يجدم لج الخير ..

**ايمان1** · 2009-07-06, 12:05

المشاركة الأصلية كتبت بواسطة كازو ترف

ما مر على زواجه كم شهر؟؟؟؟؟؟؟؟؟؟؟؟

واذا باجر عرّس عليج ؟

**UAEGIRL08** · 2009-07-06, 12:07

انا بعد اقول جيه !!

ماصار له الا كم شهر ويبى يتزوجج .. شو يضمن لج انه عقب كم شهر بيقول بتزوج الـ 3 !!

مانصحج .. بس عموما استخيري دام الريال عايبنج .. والله يجدم لج الخير ..

**salamh** · 2009-07-06, 12:08

الدين اباح للرجل 4 والارزاق بيد الله وسلامتكم

**لـيديUAE** · 2009-07-06, 12:12

االظاهر الزواج عنده حبال خوص
لعبه !!

عنبوه ما كمل كمن شهر بيعرس

شو ها

ماقول الا الله يعين حرمته

بعدها عروس وتوها حملت

ويبى يعرس عليها !!

**شيخة البنااات** · 2009-07-06, 12:18

مشكورين على التفاعل
انا استخرت وما قدرت اقرر
الريال يقول اني انا اختياره من الاول وما يدري كيف طاوع اهله واتزوج من اختيارهم وانا احس اني غاليه واايد عليه لانه دوم يساوييني بغلاته لامه ..
وسالفة انه يتزوج علي مستبعد لنه ما يبا الزواج لمجرد الزواج بس الظروف جيه حكمت
انا رديت رياااييل واايد زينيين وامايا تقولي اذا بتمين جيه وافقي عليه بس ما ارضى تشرطين عليه يطلق حرمته
وانا الغيرة بتذبحني...!!!

**لولَش** · 2009-07-06, 12:22

والله يا منكر الرياييل..

يعني مكلمنج في موضوع العرس ليش يربط بنت الناس هاذيج ويبهدلها ..

حطي عمرج مكانها اييج ريال زين ويخطبج وعقب تكتشفين انه يبا يعرس عليج وانتي بعدج عروس يديده .. شو بيقولون عنها الناس و كم بيحطون عليها .. حرام عليكم انتوا الثنينه تسوون فيها جذيه..

هو لو يعزج جان ما خذ غيرج .. الا هو افاده فالسحه والنحه مثل ما يقولون..

انتي تستاهلين ريال يوم يباج ياخذج مب الا يلعب بمشاعرج ومشاعر الناس..

**مسكين حالي** · 2009-07-06, 12:24

لو شو مااخذ ريال لو عساه يموت فالتراب اللي امشيه عليه وهو متزوج انا كيف بتوفق فحياتي
مهما كان عنده حرمه ومثل مااخاف على مشاعري لو لاقدر الله وصارتلي فاكيد بخاف على مشاعر مرته
محد يحب بصدق ويرضى يتزوج بشور اهله بالغصب جيه بنيلس نرضي اهلنا عشان نعيش بعذاب

**نوفاني** · 2009-07-06, 12:26

حرام تبنين سعادتج على تعاسه غيرج...وحطي نفسج مكانها شو بتسويين؟؟؟؟لاهو اول ريال ولا اخر واحد فالعالم..وانتي وكيفج

**(الحمادية)** · 2009-07-06, 12:28

استخيري الغاليه

الموضوع: المشكلة ..متزوج

أدوات الموضوع

عرض

المشكلة ..متزوج

المزيد من آخر المواضيع من نفس القسم:

المواضيع المتشابهه

~ فرق كبير بين التركيز في المشكلة و التركيز على حل المشكلة‎

(إن المشكلة ليست مع الآخرين ولكن قد تكون المشكلة معنا نحن..!!

فرق كبير بين التركيز في المشكلة والتركيز على حل المشكلة‎

فرق كبير بين التركيز في المشكلة والتركيز على حل المشكلة ......