اليسن (رخصة القيادة)!!!!!!

**سلام ـه** · 2009-07-06, 00:23

وانا رايي من راي لبنات الصراحه هالزمن لازم يكون عندج ليسن حايه تظهر لج او اي شي تاخذين موتر حد من خوانج وتظهرين ،، تبين الصراحه انا وايد عانيت في بداية الامر لانه امي و اخوي ما كانو موافقين الا بعد سنه وشي ،، اقنعت امي و لا فوق هذا خليت امي تقدم وياي ،، يعني انا وهيه الحين نتدرب عليه خخخخ ،، بس المدربات ولا احسن

الصراحه يشجعن الواحد ونصيحتي خذي مدربه هنديه ،،

انا مقدمه في الامارات اذا انتي من دبي انصحج خذي من عندهم ،،

وطبعا بعدنيه ما خذت الليسن ــ فاينل تست (السوق) بيكون تاريخ 14 ادعووولي عاد ^^

**am.zayed** · 2009-07-06, 00:34

هلا اختيه .. لا تخافين هذا هو الأساس في السواقه انج تكونين شجاعه وجريئه
وخلي في قلبج انج تحبين السواقه وحابه تتعلمين .. مب انج بس تتدربين حق الإمتحان
وتخيلي سياره التدريب سيارتج و سوقيها على راحتج وين ما تقولج المدربه روحي و سوي
طبعا شي طبيعي ان بتيود السكان اول مره و بتتضايجين و حتى بتتضايجين لو صارخت عليج او بتقولج غلط ولا ولا تسوين ترى لازم هالشي لأن اللي يمتحنون اخس
حاولي تتأقلمين وياها و خلج عاديه و اوثقي بعمرج و سوي اللي عليج

والله يوفقج وينجح

**Im Here** · 2009-07-06, 00:39

حبيبتي انا ما كنت اعرف كيف يشغلوون السيارة بس كانت عندي ارادة اني اخذ الليسن لاني مب احسن عن غيري والحمدلله في كل الامتحانات نجحت بس امتحان السوق الاخير عدته مرة وحدة والمرة الثانية نجحت والحمدلله بس اهم شي تكون عندج ارادة وما تخافين وبالتوفيق حبيبتي

**Mahaweeeey** · 2009-07-06, 00:45

انا كنت ناويه أخذه وعقبهاا ترددت وجي
بس من قالوا حق اختي الي اصغر عني احتشرت
انهم قالولها وما قالولي
وخذيييييييت الليسن انا واختي من ثاني تراي
وكنت في البدايه يعني شوي و الحين متهوره
بس ماااااا اداني اسوق في الزحمه
خاصة احين بوظبي التحويلات وجي ما اسوق الا نادرا ً

بس حلووووووووو يوم عندج ليسن و your own car
تشجعي والله وياااج حبوبه
^^

**قمـآري }..** · 2009-07-06, 00:46

اممم
انا ان شاء الله باخذه قريب ،، انا اعرف اسـوق الحمدلله

فاتوقع الامور بتكون طيبه بإذن الله ..

**حواري 09** · 2009-07-06, 01:04

شوفي الغاليه الامتحااان مب اكثر من 10 دقايق ،، في هالدقايق ركزي زين وبتنجحن انشالله ..

**mo0on2008** · 2009-07-06, 01:37

undefined

**mo0on2008** · 2009-07-06, 01:38

انا قبل كنت اخاااااااااف وايد و مب جريئة بالمرة

بس احين الحمدلله من اسبوع تقريبا قدمت ع الليسن و ادربت ع الريوس و الباركن و الحمدلله كل الترايات اوكي و باجر عندي اخر تراي و عقب باجر ان شا الله امتحاني و الحمدلله احس اني واثقة و عندي جرأة و ما برتبك ابدا بحط ف بالي ان اللي عدالي المدربة مب الشرطة و ان شاء الله انجح من اول مرة و و انجح ف تراي الشارع و اخذ الليسن بسرعة

ادعولي فديتكم

**نبض1** · 2009-07-06, 01:42

لا تخافين ولاتتوترين عادي فديتج أول مره تحسين بخوف وتوتر بس مع التدريب بيخوز ويصبح ذكرى حلوة الحمدلله أنا خذت الليسن بكل سهوله
وإن شاء الله بتاخذينه عن قريب

**فريدة** · 2009-07-06, 02:38

اخدتها من اول مره فدبي الفاحصه قالتلي انتي بروفيشنال ونجحتني وكان معايا وحده تشيكيه رسبت وفضلت تصررررررخ عشان نجحوني ورسبوها ههههههه وتقول غشششششششششش ههههههههه

**~3ho0od~** · 2009-07-06, 02:59

السلام عليكم

الغاليه مافي شي ايخووف بالعكس الليسن يبالها وحده مراحه
ومب متوتره
لان مب صعب بالعكس واايد سهل بس يباله جرأه
ونصيحه لاتوترين نفسج وريحي بالج
بتنجحين ان شاء الله

**ورود مجففه** · 2009-07-06, 03:40

الله يسهل عليكم يالغاليات

**ام بدريه** · 2009-07-06, 15:02

انا شراتج توني باديه ووااايد متوتره
بس انا مب معتمده على التدريب بس لا انا اخلي ريلي يعلمني بعد
الله يوفقنا ياااااااارب

**مس بحرينية** · 2009-07-06, 15:30

بسم الله الرحمن الرحيم

تجربة مثل اي شي جديد لا تخافين بتمر على خير وبتكون ذكرى حلوة

تمنياتي لكِ بالتوفيق

تحياتي

**شلال محبة** · 2009-07-06, 17:05

الليسن مثل اي مهارة ثانية
مثل الكتابة
ااستخدام الكمبيوتر والسباحه

ولو كان شي صعب ما شفنا الحريم ترس الشوارع ماشاءالله

قوي قلبج وتوكلي على الله

الموضوع: اليسن (رخصة القيادة)!!!!!!

أدوات الموضوع

عرض

المواضيع المتشابهه

نالت رخصة القيادة في الـ 88

رخصة القيادة - تجمع

حصل على رخصة القيادة بعد وفاة 4 مدربين