فاجعة زوجه تحب ...............

**بنت الندى** · 2009-07-04, 00:21

بسم الله الرحمن الرحيم
SalamAlikom
شحاكن حبوباتي عساكن بخير
ما اريد اطول عليكن الغااااليات بس ابا اقولكن عن مشكلت ربيعتيه
واباكن تساعدني..
بدخل في صلب الموضوع
هي تحب ريلها وهو يحبها ويايبه منه ثمان عيال ::

::::
وكانو الناس يحسدونهم ع حياتهم والبنت مووووووووووول مب مقصره لا معاه ولا وعا هله حتى هله يحبونها وااااااااايد
وعلى فكره هيه وااااااااايد حلوه وانيقه ما شاء الله عليها وطيبة القلب ------- ومتدينه
ومره ريلها راح ريلها رحله ويا ربعه لبلاد خليجيه --- وتكررت روحاته اكثر من مره
وحرمته واثقه فيه ثقه عمياااااااء واثاريه تعرفله على وحده وكمل وياها ثلاث سنوات والزوجه يا غافلين لكم الله سبحان الله يوم يريد يكشفه تم دوم يتعمد يسوي مشاكل معاها عشان يتزاعلون وهوه يسافر ويا ربعه
وحياتكن ماقد شكت فيه والمصيبه انها وصلت معاه انه يزني مع هاي اللي تعرف عليها والمهم ان الزوجه كشفته وسامحته عشان عيالها مع انها انجرحت منه وايد وواجهته وقالها والله اني خليتها
وبعده لين الحين وهوه يروح لها البلاد الي تعرف عالبنت فيها
وساااامحني اذا طولت عليكن
بس صراح وايد تاثرت من المسكينه الله يكون بعونها
وانا اباكن تشورن عليه شواقولها وانصحها به

المزيد من آخر المواضيع من نفس القسم:

**انثى بس غير** · 2009-07-04, 00:24

الله يهديه يارب..

**كشيخه بوظبي** · 2009-07-04, 00:28

استغفر الله واتوب اليه والله مب عارفه شو اقول غير الله يهديه

وخلي ربيعتج تستغفر وااايد

**النوير** · 2009-07-04, 00:29

اسمحيلي بس هذا الإنسان سافل إذا كان يزني ليش تيلس عنده لو قلتي أتزوج عليها بقول ابرايه بس توصل معاه بمعصية الخالق هذا إنسان حرام أيلس معاه
الله يعينها ويصبرها ويكتب إلها إلي فيه الخير لها ولعيالها.....

**العصفوووووره** · 2009-07-04, 00:33

ولله انها مسكينه ... والله يصبرها علي هل المصيبه ...

**صلاتى حياتى** · 2009-07-04, 00:37

الله يصبرها ويهديه

بس لازم توقفه عند حده

***جووري*** · 2009-07-04, 00:38

ربي يهديه ويسخر قلبه لها

**ميميه88** · 2009-07-04, 00:38

للاسف هيه اللي تساهلت التضحيه شي والاستسلام شي ثاني

**دلوعه فزاع** · 2009-07-04, 00:39

وحليلها الله يصبر قلبها ويهدي ريلها ويسخره لها يارب العالمين

**المليونيره** · 2009-07-04, 00:40

اذا تحبه تصبر عشان عيالها بعد
وتحاول قد ما تقدر تقربه منها
بس انا اقول لج لو مكانها مب بطلق منه بس ما راح اعتبره بحياتي شي
والريال صدقوني اذا شاف الحرمه ما تسوي له سالفه يموت عليها
هذا طبعا من تجربتي في الحياه

**بنت الندى** · 2009-07-04, 00:46

مشكورات خواتي عالمرور
وعلى فكره هيه الحين اتشوف ردودكن
ويزاكن الله خير

**زوجه همو** · 2009-07-04, 00:51

الله يصبر قلبها ويهدي ريلها ويسخره لها يارب العالمين
الغاليه ليش ربيعتج ما تجرب تروح عند مستشار اسري
والله يوفقها ويقدم لها الخير

**ام التوم** · 2009-07-04, 00:52

استغفر الله العظيم فديتج هل هي متأكده ان علاقتهم محرمه ما تدرين يمكن يكون متزوجها بالحلال وايدين يسوونها وما يعلمون حريمهم والله يهديه يارب.

**صدى احاسيسي** · 2009-07-04, 00:58

يمكن الريال ناقصنه كلام حب ودلع ورومانسية
ترا الريال طول عمره يبى حرمة تدلعه وتسمعه كلام ينقط عسل
ويمكن هالشئ شافه من الغريبة وما شافه من حرمته
لا تقولين الحرمه اربعة وعشرين ساعة ما تقدر تسولف مع ريلها عن الحب.. او انها ما تقدر تهمل عيالها عشان خاطر ريلها .. ..
بس هذا حال الريال.. وهالكلام انا اقوله عن تجربة.. العيال اكليهم وسبحيهم ولبسيهم قبل لا يوصل الريال ..ولازم البشكارة تشيل شغل التنظيف والغسيل..
ولا تقولين الريال ابدا ما يهتم بهالسوالف.. الحب والغزل والكشخة واللبس.. بس الحرمة اذا سوت هالاشيا.. الريال يحس لو ما تكلم..
نصيحتي لربيعتج... انها تغير من لبسها في البيت.. تلبس كت ولا كم قصير او مخصر.. وهي تسولف مع ريلها تزقر عليه حبيبي فديتك.. وكلمات ثانية.. واذا دخلت غرفة نومها تعبر عن حبها لريلها..
واهم شي الاستحمام والتطيب.. ترا الريحة الطيبة تجذب الريال.. والله يصلحهم هالرياييل..

**noOoOoOor** · 2009-07-04, 01:04

سافل أم عياله يسوي جذيه فيها بعد العشره والعمر بس شو بقووووول الالاحول ولاقوة الاباالله الله
يصبرها ويخليلها عيالها

الموضوع: فاجعة زوجه تحب ...............

أدوات الموضوع

عرض

فاجعة زوجه تحب ...............

المزيد من آخر المواضيع من نفس القسم:

المواضيع المتشابهه

فاجعة !!! المنطقة الحساسة

فاجعة خورفكان .....

فاجعة على الطريق!