بلييييييييييز ...عندي مشكلة وأدور على الحل عندكم

[أم كشة]

خواتي عندي مشكلة مأرقتني

وما لي غير خواتي في هذا النادي الطيب

مشكلتي يا طويلات العمر

إني أنا أفتقر للجاذبية ...وهذا مشكل لي عقدة في زواجي

لأني دايمن أحس إنه زوجي ما يحبني بسبب شكلى وافتقاري للجاذبية

بليز ساعدوني كيف أقدر أصير جذابة وبنفس الوقت أتخلص من هالشعور

أنا حزينة

المزيد من آخر المواضيع من نفس القسم:

• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر
• كيف هو حالك مع من حولك

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صدى حنيني]

هلا الغالية ... الله لاييب مشاكل ان شاءالله ...

بس حبيبتي انتي ماذكرتي نقاط مهمة ...

هل تهتمين بشكلج ؟؟؟؟؟

يعني تتعدلين تحطين مكياج ؟؟ تتلبسين له ؟؟؟؟

وشعرج تهتمين فيه ؟؟؟؟؟؟

ردي عالأسئلة وان شاءالله مابنقصر وياج ...

[أم كشة]

أهتم يالغالية لكن بصورة بسيطة تعرفين مشاغل البيت

ثاني شي أنا متوسطة الجمال

صراحة أبى أكون جذااااااااااااااااااااااااابة الله يخليكم ساعدوني

[صدى حنيني]

متوسطة الجمال يعني حلوة مب خسفة !!!!!

طيب ليش ما تقسمين وقتج بين البيت والاهتمام بمنظرج يعني اقصد يوم ريلج بيسير دوامه ولا عنده طلعه هني اطبخي والطبخ بسرعة يخلص وجهزي اللي تبينه وعلى طول اتسبحي وتعدلي حتى لو تحطين مكياج خفيف مب مشكله المهم تتغيرين والبسي شيء حلو وراعي الاوقات يعني الظهر والعصر البسي ثياب اممممم مثلاً مخورات او مغربيات والفليل
البسي شيء يلفت انتباه مثل فستان بسيط وعقب غيري البسي قمصان نوم ناعمة ... وصدقيني ها كله ماياخذ وقت والله واذا ماعندج فساتين كثيرة البسي لو في الاسبوع مرة أو خذي فساتين خواتج او ربيعاتج إذا هالشيء مايضايقج ...
والعبي بشعرج مرة افتحيه مرة ارفعيه ... نزلي خصل على يبهتج ومره عالينب واذا يخليج ريلج تسيرين الصالونات غير لون شعرج او عالاقل خصل ... ومثلا اذا نزلتي خصل البسي شيله خفيفة ملونه وطلعي بكلتج وكل مرة شيء ... بس جددي في نفسج لا تمين جيه خاصة إنج ملاحظة هالشيء ...
وعندي سؤالين بارك الله فيج .. عندج عيال؟؟؟ و وين ساكنه عند اهل ريلج او عندج بيت ؟؟؟

[أم كشة]

حبيبتي والله انتي

عندي عيال وما عندي بارض لهالسوالف

نصايحج ذهب لكن يبالها استمرار ومب قادرة أستمر

والله أكتب وأنا فيني غبنة

يوم عن يوم بديت أفقد مقوماتي متنت وصرت سمراء شوي ما عندي وقت لعمري

[صدى حنيني]

بسم الله عليج الغالية ....

بس لازم تجبرين عمرج والله بتتعودين..... معليه ضغطي شوي على عمرج ولا بتخسرين ريلج صدقيني عقب بتتحسفين واااايد والله لاييب هاليوم ...

تفيجي حبيبتي لريلج والله وخلي الكسل عنج .... عودي عمرج وصدقيني بتتأقلمين بسرعة ..

والله يبعد الهم الغم عنج ...

[اماراتية طموحة]

أم كشة

ولا يهمج.. احنا خواتج وانشالله بنساعدج باللي نقدرعليه من افكار

انتي بس عطينا فكرة عن بعض الامور مثل

وزنج
لون بشرتج
لون شعرج
الثياب اللي تلبسينها في العادة
وين ساكنة
عندج عيال؟
شو الشغل اللي تشتغلينه في البيت عادة
تحطين مكياج والا لا؟
بشرتج شو حالتها؟
شو اللي يحسسج من خلال كلام زوجج او تصرفاته انه مب منجذب او غيره


يعني نبغي تقرير مفصل

وانشالله بعطيج افكار بتعيبج بتخلي ريلج يتخبل عليج واهم من هاذا كله تزيد ثقتج من نفسج..:22 (18):

[*أم اسمـــا*]

حبيبتي أم كشة ..
أول شي لازم تعرفين انه مافيه حرمه موجوده على وجه الأرض مافيها جاذبية!!
ثاني شي لازم تقوين ثقتج بنفسج.. وتخوزين من بالج فكرة أنج مب جذابة وهذا شي مهههههم جدا...

فأول شي تسوينه .. أنج تبدين تفكرين تفكير إيجابي .. وتقولين في نفسج أنا جذابه وحلوة وجميــــــــلة
هذا التفكير الإيجابي بينطبع في عقلج الباطن وعقلج الباطن بيترجم هالتفكير لأفعال وسلوك..
وبعدين بتستوي عادة عندج..
تقدرين قبل ما ايي زوجج من الدوام على الأقل بربع ساعة.. تحطين كحل .. وتتعطرين عطر ريحته هاديه؟؟؟
هذا أقل شي تسوينه ..

وقديما قالوا في النساء :"ان كيدهن عظيم" وهذا مذكور في سورة يوسف بالتحديد
وانتي وحده من هالنساء
فشدي حيلج ..
إذا على السمار والمتن.. هيييييييينه وبسيييييطه.. بس يبالها عزم من عندج..
اذا كنتي صدق ناوية على التغيير .. فالتغييير بإيدج..
فيه ماسكات للوجه سريعه وسهلة.. ورجيم ولا أسهل .. على الأقل تشربين ماي قبل الأكل.. وتبتعدين
عن الدهون والنشويات.. وتركزين على الفواكه والخضار والكربوهيدرات والبروتينات..
بس انتي سهليها .. وبتسهل ان شالله

وياربي يوفقج.. وخلي زوجج مايشوف الا كل شي حلو فيج

[08]آميـــــــن يارب[/08]

[شما]

الغاليه المرأة لازم تهتم قبل كل شى بنفسها ومظهرها ود ائما تكون انيقه الشكل امام زوجها حتى لايلتفت لغيرها وما شاء الله الفضائيات تراها تبث من كل شى ونحن مب ناقصين العيال الهم وقت واجعلى لنفسك وقت احنا كلنا لنا اولاد وكبار لكن ما نهمل نفسنا دائما متألقين ويقول المثل اللى مايغليها جسدها والا ولدها مايغلى الرجل يحب المرأة الانيقه ونصيحتى لكى اختى اجعلى همك بنفسك اولا وقبل كل شىء

ودمتى بود

[فطيم]

حبيبتي اهم شي في المظهر البسمه و الضحكه لو ما كنتي جميله بس خلي ابتسامج دايماا علي وجهج
قولي حق ريلج الكلمه الحلوه خففي هم الدنيا عنه حسسيه انج مسؤله عن حياته و انج تخافين عليه و يهمج راحته و راحة باله

لا تاكلين هم خلي نفسج خفيفه و مرحه طيبة النفس تعوض عن الجمال خلي هشي في بالج

[أم كشة]

مشكورات خواتي على التفاعل وكلامكن مثل الماي البارد علي

وادعولي أسوي هالأشياء

[أم كشة]

أم كشة

ولا يهمج.. احنا خواتج وانشالله بنساعدج باللي نقدرعليه من افكار

انتي بس عطينا فكرة عن بعض الامور مثل

وزنج
لون بشرتج
لون شعرج
الثياب اللي تلبسينها في العادة
وين ساكنة
عندج عيال؟
شو الشغل اللي تشتغلينه في البيت عادة
تحطين مكياج والا لا؟
بشرتج شو حالتها؟
شو اللي يحسسج من خلال كلام زوجج او تصرفاته انه مب منجذب او غيره


يعني نبغي تقرير مفصل

وانشالله بعطيج افكار بتعيبج بتخلي ريلج يتخبل عليج واهم من هاذا كله تزيد ثقتج من نفسج..:22 (18):

مشكورة الغالية على تفاعلج معاي

وهذا الأشياء المهمة بالتفصيل
وزني فوق الستين وطولي تحت الستين يعني مب متناسق أبدا وهذا من بعد ما حملت بالعيال

وطبعا فينى كروشة

لون بشرتي حنطاوي
لون شعري مصبوغ بني
ألبس قمصان نوم بالعادة و بيجامات
الشغل في البيت يا طويلة العمر مجابل هاليهال وأحيانا الطبخ
ما أحط مكياج
بشرتي حالتها كسيفة حبوب وبثور وهالات سوداء
والللي يحسسني إنه مب منجذب إنه ما يكلمني أو يعبرني ألا لما بروحي أنبشه

ومشكورة الغالية وأتريا ردج

[القـــاسيه]

اختي ام كشه..
صح مالي خص لاني بعدني هب معرسه..بس ابا اقولج شي ..

ريلج لو مايباج ولا شاف فيج شي يجذبه جان ماخذج وكنسل السالفه من البدايه بس انتي فيج شي جذبه صوبج وتمسك فيج ..ألحين انتي اييي دورج..حاولي تتعدلين على الاقل هو يوم اييي من الدوام يلقى عياله انظاف والبيت منضف وانتي متعدله ولو حت تعديل خفيف وصدقيني الميك آب الهادي والثياب الهاديه والرمسه الطيبه كلها تجذب الريال.. ويخليه متمسك فيج أكثر..
مب العكس يوم اييي يلقى العيال قشره والبيت أقشر والحرمه معصبه لانه العيال مطفريبج وتتشكين ..مثلا ً(( زين يوم ييت تعال شوف ولدك والله طفربي ))وهالرمسه اهنيه هو فخاطره يقول ليتني مارديت البيت ودوامي يتم لين فالليل..

احم احم هذا اللي عندي..:22 (22):

[المزيونة2000]

البنات ما شاء الله ما قصرن

وعموما مشكلتج يعانن منها الكثير من المتزوجات بعد إنجاب عدد من الأبناء
فتزيد الأعباء ويقل الإهتمام بالنفس

[واثقة الخطى]

ام كشه انا بقولج شئ
حاولي اتغيرين من شكلج يعني سيري قصي شعرج واصبغيه
بين فترة و فترة سيري اتحني اذا ريلج يحب الحنا
ولبسج مال النوم لا تخلينه استايل واحد مرة بجامه ومرة و قصير ومرة طويل
ف البيت لا تمين بجلاابيه يعني ف السبوع مرة البسي شئ حلو يو بتحيدين ريلج راد من الدوام
وووووووووو سوي جو رومانسي ف البيت يعني عشا وشموع وبانيو
اعزمي ريلج في معم هو يحبه
بيني وبينج ان نحن ما اتقربنا من ريايلنا الوصخات وايد ترسه جان ف الاسواق ولا المراكز ولا حتى ف الشارع الوحدة ما تروم تتهنى بريلها
حبيبتي شدي حيلج وبعدين حاولي تعرفين منو يرابع رلج ترا الرفقه لها تاثيرها
دخيلج يا ام كشه عشان بو عيالج شدي حلج ولا الريالترا ما بيهمه شئ بيفج عيونه ف الاسواق بس من يشوف حرمه خاطفه جنه بقرة شايفه حريجه
شدي حيلج وقوليلنا شو النتايج اترياج