مصروف المتزوجة

**rahaf777** · 2009-07-01, 18:57

السلام عليكم ورحمة الله وبركاته

يامتزوجات وغير عاملات (يعني الي ما تشتغل ) كم المصروف الي يعطيج اياه زوجك وهل هوه يكفي والا لا
واذا احتجت زيادة يرضى يعطيج

نريد مشاركاتكم يا متزوجات

المزيد من آخر المواضيع من نفس القسم:

**$ظي$** · 2009-07-01, 19:08

طبعا انا ملقوفه

**لوكل** · 2009-07-01, 19:58

اختي انا بنظري الشخصي ان هالموضوع مابيفيدج كثر ما بيسبب مشاكل لج او لغيرج

يعني كل ريال راتبة يختلف ظرووفة امكانيتة التزاماتة وطبعة ونظرتة وفي نفس الوقت الحريم يختلفن وااايد اللي 300 درهم تسدها واللي 30000 ما بتسدهاا

اسمحيلي بس موضوع حساس يسبب مشاكل كثيرة لصاحبات التفكير السطحي

والسموحة

ما ابغي امر بدوون رد :

انا الحمد لله ريلي كان يعطيني مبلغ بسييط ما بكتبة لانكم بتستغربون لانة كان عنده التزامات وغيره وكنت ادخر نصة وارده له

وكان يستانس مني لاني افكر فية وااايد ويوم الله اكرمه ما يقصر علية

الريال يووم عندة ما بيقصر على الحرمة بس في حريم فيهن طمع

والسموحة

**الأمل الساطع** · 2009-07-01, 20:00

الحمدلله ريلي مايقصر علي

**عائشة الكندي** · 2009-07-01, 20:10

بصراحه انا ريلي ما يعطيني مصروف امسكه في ايدي ..

بس يوم اروح بيت هلي وابات عندهم هناك يعطيني ..

ناقشت وياه مره فهالموضوع حسيت انه عصب ..

فقلت دامه مب مقصر وياي .. يعني اي شي ابغيه ينفذه حقي فقلت ماله داعي ..

وانا ادرى بظروف ريلي .. واذا حد سالني اقولهم مب مقصر ..

الله يحفظه ويخليه لي ..

عسب جي انا اقولج اذا يعطيج قولي الحمد الله

**UAE_CONDOR** · 2009-07-01, 20:11

مممممممممممم

كل ريال و حسب شغلة

يعني الوحدة اتقوولج ريلها يعطيها مثلاا2000 لاناا ريلهاا معاشة اوككك

بس في واايد يعطوونهم اقل و رااضين

اختي دام ريلج يعطيج مصررووف احمدي ربج لاناا غيرج محروووم

اسمحيلي

**ahaat_2015** · 2009-07-01, 23:33

1000 درهم والحمد لله هو ما مقصر ما يخليني ادفع اللي اذا حلفت عليه انه ما يدفع والحمدلله مكفني وزياده ربي احميه واحفظه لي ولعياله يارب العالمين

**حزن قلبي** · 2009-07-01, 23:45

انا الحمدلله اشتغل ، بس لازم ريلي يعطيني مصروف ، كان بل يعطيني 500 و بعدين زادني و استوا 1000
و الحمدلله اهم شي انه ما يقصر في مسؤليات البيت

**أم كاكي** · 2009-07-01, 23:56

المصروف على حسب معاش الريال وظروفه انا من عرست لين اليوم ما اتغير معاشي
وطلبت زيدني بعد الترقيه بس ما رضى صدق طماعه خخخ

بس الحمدالله انا ما اطلع واايد فاحس مصروفي امكفني ..

**كلي هيبه** · 2009-07-01, 23:57

الحمدلله ريلي ماا يقصر علي..

ما امسك مصرووفي بايدي..
لاني يوم اسير و اشتري لي شي..
هوو يدفع..

واحس يووم ما آخذ احسن..
يعني شي حريم ياخذون..
بس بهالبيزات يفصلن حقهن للعيد مخوارت و عبي و يشترن بدل و ثياب..
ومثلا لو حرمه ربت يدفعن من المصرووف..
أو صار شي ولا شياات..

بس انا ما آخذ من عنده..لانه مب مقصر ويااي فشي..

وبعدين كا وحده على حسب رااتب ريلهاا..
يعني لاا تقولن و الله ابا المصروف الفلاني..
يمكن ريلج راتبه اقل او اكثر..
يعي هالشي يعتمد ع حسب الراااتب..

و السموووحه منج..

**ام التوم** · 2009-07-02, 00:00

المشاركة الأصلية كتبت بواسطة لوكل

اختي انا بنظري الشخصي ان هالموضوع مابيفيدج كثر ما بيسبب مشاكل لج او لغيرج

يعني كل ريال راتبة يختلف ظرووفة امكانيتة التزاماتة وطبعة ونظرتة وفي نفس الوقت الحريم يختلفن وااايد اللي 300 درهم تسدها واللي 30000 ما بتسدهاا

اسمحيلي بس موضوع حساس يسبب مشاكل كثيرة لصاحبات التفكير السطحي

والسموحة

وكان يستانس مني لاني افكر فية وااايد ويوم الله اكرمه ما يقصر علية

الريال يووم عندة ما بيقصر على الحرمة بس في حريم فيهن طمع

والسموحة

واناااااااااااااااااا معاج في الراي

**ام -سالم** · 2009-07-02, 00:04

انا اشتغل

**ونة قلبه** · 2009-07-02, 04:54

فبداية زواجنا ... حليله ريلي موووليه مايقصر علي ..

اي شي اباه كان يدفع عن طيب خااطر ..

ويوم كلمته عن المصرووف .. عصب مااعرف ليش ..

تم يقولي يعني انا مقصر عليج .. بس والله انا مب جي قصدي ...

أحس المصروف احسن لانه استحي كل مرة اطلب منه بيزات ..

المهم نسيت الموضوع .. وماافكرت فيه عقب ..

وبس قبل شهرين .. فاتحني فموضوع المصروف ..

قال انه يبغي يجمع وقرر انه انرتب المعاش .. ويشوف كيف راح اندبر امورنا ..

فعطاني مصرووف 2000 .. بس عالملابس وهالسوالف ... وأغراض البيت والحليب والبامبرز لبنتي كل شي عليه ...

والحمدلله اقولكم اياها عن تجربة ... والله اني مااصرفت كل مصروفي .. بالعكس زااد والحمدلله ماشاءالله ..

والأخت لوكل عطتني فكرة .. اني اعطيه النص .. والله فكرة حلوة ..

ادعولي بنوتات ربي يوفقني مع ريلي ان شاءالله ويحفظ بنتنا لنا يااارب ...

والسموحةة ...

**ميرال** · 2009-07-02, 09:09

انا مع لوكل

على حسب ظروف زوجك والتزاماته

**فجر الغلا** · 2009-07-02, 11:10

مافي مصروف معين فديته متى مابغيت عطاني ..

الموضوع: مصروف المتزوجة

أدوات الموضوع

عرض

مصروف المتزوجة

المزيد من آخر المواضيع من نفس القسم:

المواضيع المتشابهه

مصروف

مصروف تركيا

مصروف البيت

مصروف المطبخ

أرجو من ربات البيوت الدخول.. مصروف! مصروف! مصروف!