أحس إني ووحيده

**دمعه عيناويه** · 2009-06-30, 23:29

مرحبآآآآآآآآآآآآآآ شحالكم عساكم بخير
أول شي أحب أوضح إني مب صاحبة النكــ أنا ربيعتها إستأذنت منها ادش بنكـ نيمهآآ أكلمكم فيه
مآآبطول عليكم وببدى في الموضووع...
أنآآ أحس بشعووور غريب دآآيم أحس اني وحيده شعور الوحده يذبحني مع اني عندي ربيعات واييد وعلاقتي بربيعاتي طيبه ومحبوبه وايد والكل يقولي ماشاء الله عليج تنحبين وعندي خواتي اقعد وياهم عندي وايد ناس حولي يحبوني بس ماااعرف من ايي الليل أحس اني وحيده واقعد اصيح صارلي فتره يوميا اصيح قبل لا ارقد ايلس استغفر واقول اشفيني توني كنت اضحك بس احس اني وحيده كل الي حولي مالقاهم في هاللحظه واذا فكرت الجأ لحد بعد احس اني وحيده مااعرف ليش هالشعووره ماادري يمكن تحسوونه شي عادي بس والله تعبت استويت مااشتهي أكل حد يحس بالاحساس غيري ولا هذا شي عادي الا احسه بليز ساعدوني

المزيد من آخر المواضيع من نفس القسم:

**غامضة** · 2009-06-30, 23:33

ليش تفكرين انج وحيده دام الله معاج

الله معاج ويسمعج .. واذا دعيتيه يستجيب مهما كان الوقت متأخر .. هو موجود طول اليوم وما يغفل عنج ..
حطي هالشي في بالج عدل وصدقيني ما بتحسين بالوحده ...

**كلي غلاآإآإآ** · 2009-06-30, 23:36

الغالية ماااااالج إلا ربج.....
بس هالاحساس لابد منه بس حاولين تطردينه بذكر ربج دايم....

**ماسة بوظبي** · 2009-06-30, 23:37

هلا
ابي أسألج كم عمرج ؟ هل أنت فمرحلة الزواج ؟هذا كله من الفراغ اللي فحياتج .
شي يديد فحياتج .أدخلي دورة شوفي هواية يديدة ..
ووقت الليل أقري قرأن يشرح لج صدرج انشالله .

**دمعه عيناويه** · 2009-06-30, 23:56

أنا عمري 18 سنه تخرجت هالسنه من الثنويه

**دمعه عيناويه** · 2009-06-30, 23:56

أشكركم خواتي ع المرور ومشكورين ع النصايح الحلوه

**محامية الغرام** · 2009-07-01, 00:38

اختي انتي الحين مقبله على حياة جامعيه و متغير عليج الجو ... يعني حاطه كل تفكيرج و جهدج في الثانويه العامه و الحين ما عندج شي تحاتينه و هذي ردت فعل طبيعيه جدا .... روحي المكتبه و اشتري كتب في مواضيع تحبينهن و صلي قيام الليل و حاولي تقرين سورة البقره يوميا .... اتصلي لربيعاتج و سولفي وياهن طلعي الحديقه لا تمين قاعده
و اهم شي انج ما تقعدين بروحج حاولي انج تقعدين مع اهلج و خواتج... دخلي المطبخ طبخي ترى الطبخ رووعه لا تقولين ما اعرف عندج دليل المطبخ في المنتدى و ظهري كمن اكله و طبقيهن
سويلج جدول اهتمي ببشرتج و شعرج ظهري خلطات و بدعي

ربي يوفقج و يسعدج ان شااااااااااااء الله

**&0_0&** · 2009-07-01, 00:41

الله يكون في العون

**عيناويه موووت** · 2009-07-01, 02:10

المشاركة الأصلية كتبت بواسطة كلي غلاآإآإآ

الغالية ماااااالج إلا ربج.....
بس هالاحساس لابد منه بس حاولين تطردينه بذكر ربج دايم....

**اغلى ناسي m** · 2009-07-01, 02:47

انتى بعدج مراهقه والكل مر بهالتجربه

**اغلى ناسي m** · 2009-07-01, 02:48

قوى علاقتج بربج والله يوفقج يارب

**ونة قلبه** · 2009-07-01, 03:07

عاادي حبوبة هذا شي طبيعي ..

الانسان يوم يكون فاضي ومخلض دراسته ومن تبدا الاجازة ..

يبدا الشيطان يوسوس فيه .. اتعوذي من ابليس ... واقري قرآن وقيام الليل ..

انا مريت فمثل حالتج .. بس الحمدلله كنت اقوي ايماني برب العالمين واقرا قرآن وقيام الليل وارتاح الحمدلله ..

اقوولج اياها عن تجربة .. خذي دفتر فاضي او ماتبينه .. وكل مااتحسين بهالشعور ..

اكتبي فهالدفتر بشو تحسين وشو خااطرج .. لو حتى تكتبين يومياتج حلوو بعد ..

اقري كتب .. اذا ماتبين اقري مجلات .. شي قصص اماراتية حلوة لو تبين ..

حااولي تقضين عالفراغ حبوبة ..

والسموحةة ..

**سووومه** · 2009-07-01, 04:09

الاستغفار بيريحج انشاءالله

**جنيبية بهواها** · 2009-07-01, 04:28

شكلج تبين ريلج

لا لا يبالج ريل

**دلووعة السطوة** · 2009-07-01, 09:47

اختيه كل ما اييج هالشعور اتعوذي من ابليس
واتوضي واقريلج قرآن .. صدقيني بترتاحين

والله يفرج عنج كل ضيجة

الموضوع: أحس إني ووحيده

أدوات الموضوع

عرض

أحس إني ووحيده

المزيد من آخر المواضيع من نفس القسم:

المواضيع المتشابهه

دخيلكم ساعدوني ام ايديده ووحيده؟؟؟؟؟؟ ما اعرف شي