والله بموت

[momo88]

مرحب أختي ...صارحتيه وعبرتي عن اللي فخاطرج وتقولين ما في نتيجه صارختي وانفجرتي وهم مافي نتيجة أحين بذمتج منو اللي محترقه أعصابه وياكل فعمره غيرج !!! منو اللي بيحاتي ولا بيرقد وبيتعب نفسيا غيرج !!! وإبليس قاعد فوق راسج يزين الموضوع ويكبره لج !!!
غناتي هذا ريلج حلالج اللي يحبج كلمة طيبه منج تسوي وايد ، لا تقولين عيزت من كثر ما أقول وما أسمع منه !! أمايه فيه رياييل ما يعبرون عن حبهم بالرمسه لا بالفعل بإنه يتعب عشان بيته هالشيء عنده دليل حبه لج وشغله ثانية يمكن صحيح كان يقول بس الريال أحين مضغوط فتستحملينه بارك الله فيج وبعدين إنتي تحركشي فيه طرشيله من كلام الحب والعسل وجددي إيمانه من خلال رسايل دينيه إطرشينها له يعني نوعي بس لا تضغطين كوني معتدله لأنه خير الأمور الوسط ...والأهم من هذا كله هو حلالج حبيه وأظهري مشاعرج له لنفسج مب عشانه هو إذا هو ما يعبر أو ماله خلق حبيبتي خذي اللي تبينه ولا تتريين منه شيء استمتعي ومتعي نفسج وصدقيني فترة وبتعدي إن شاء الله يمكن تاخذ أسبوع أو شهر أو ثلاثة المهم لا تيأسين واستعيني برب العالمين لأنه هو الوحيد اللي قادر على كل شيء تصدقي من مالج بنية إنه الله يسخر لج ريلج ويحنن قلبه ..استغفري رب العالمين بعد كل صلاة مئة مرة بنية إنه رب العالمين يسخر ريلج لج ...صومي ...استمتعي بحياتج لا تخلينه هو محور اهتمامج وبس لا كبري الدايره وصدقيني بيتغير كل شيء للأحسن سامحيني طولت عليج بس ما رمت ما أرد حسيت فيج والله يوفقج ويحفظ الوالده لج وعمتج عامليها بالحسنى وبالهدايا وصدقيني رح تكسبين قلبها بإذن الله