والله بموت

[بنوتة_لندن]

طبعا تدرون سالفتي بموضوعي اللي قبل مابرد اعيده

تخيلو زهبت كل شي حق ها اليوم كان موعدنا الساعه 10 دقيت له العصر قال لي حبيتي انا بالدوام قلت له خلاص انا اترياك رجع دز لي مسج الساعه ثمان قال لي انا ظاهر من الدوام وبرجع البيت شوية تعبان بريح شوية وبيج

وتخيلوو شو صار


نااااااااااااام


نام وانا طيارتي الفجر وسافرت انا وامي واختي والله اني طول الدرب وانا صياح بس مابينت له اونه بعد دق لي الساعه اربع وانا في الطياره ارمسه حسيت به رقاد جان اقوله برايك قال لي خلاص عيل توصولن بالسلامة قهررررررررررررررررررررررررررررررررررررررني ويوم وصلت مادقيت له بس امايه دقت له قالت له نحن وصلنا وخلاف رجع دق لي وعقب قال لي انا مشغول وبرجع ادق لج خلاف


ماعرف شو اسوي واااااااااااااااااايد مكـتأبة ومافيه اروي اماية اني مكتأبة وهيه بروحها مريضه بس مشكله يبين علي والله اني حتى الاكل ماكلته عدل مقهورووره فيني صيحه بعد من الخاطر


اختي تقول لي طنشيه هوه جي ريلج لبسيه بيرد لج بس ماقدر انا بعيده عنه ماعرف شو يسوي وبتخبل مب عارفه هاه شغله ولا فيه شيء ثاني صراحه مب طبيعي قمت اشك شو ياااه ماكان جي او اختي تقول لي يمكن غيران منا يعني من اهلج لان الفتره الاخيره كل وقتج لهم قلت لها زين هوه بعد شغل واهله وكنا كل ويك اند مرتزين بيت اهله ولا عمري شكيت حتى مرات اخته تمت ناشبة فينا بالويك اند

بس قهرررررررررر مب عارفة احس بمووت ماعرفه شو اسوي قولتكم اطنشه لان حارق اعصابي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام ضرار]

الله يعينج ..

[بنوتة_لندن]

مشكوره ع المواسة يعين الجميع اختي

[نور_العيون]

ليش ما تصارحينه

كلميه قولي له كل ألي في قلبج وريحي نفسج

وشوفي شو بيكون رده

يمكن فعلا هاي الفتره مضغوط في دوامه

وتعرفين اجازت الصيف يمكن حد من ربعه مسافر وهو حال محله

فأكيد الشغل بيكون دبل الشغل ألي كان يشتغله قبل

بس اهم شي احين تصارحينه لا تحرقين اعصابج ولا تكتأبين

[بنوتة_لندن]

والله صارحته وهببت الدنيا ذيج المره من القهر

هوه صحيح مضغوط لان ربيعه واللي فوقه ظاهرين اجازه


بس مايسوى علي ليش انا اتعذب بعد صراحه قرفت اللي فيني مكفيني احس بشد شعر راسي عنبو حتى بالويك اند يالس يقول لي انا طالع ويا اماية وخواتي ولابسني انا هني ويا امي برع البلاد جيه مالي حق انا بعد فيه ولا بس هم يعني الويك اند حقهم وقرف الشغل يطلع علي انا اففففففففففف استغفر الله والله تعبانة صدق

[نور_العيون]

فديتج الغاليه لا تسوين بنفس جيه

دام جيه طنشيه شوي

وشوفي شو بيصير

بس انتي لا تعذبين عمرج جيه

[األم_بوظبي]

السلام عليكم

اختى الفاضلة

لا تسمعين كلام الخوات طنشيه او لا تسوين له سالفه

الكلام الطيب الكلام الحسن
بيحنن قلبه عليج

ربي يحفظكم لبعض

و انا هب متزوجه بس اشوف خواني اللي يشتغلون اسبوع او شهر بشهر والله انه حريمهم مسجات بينهم غزل و حب شوق ربي يسعدهم
الكلمة الطيبة في الريال تسوي البلاوي حتى لو كلمة احبك او مشتاقة لك

[WOOOOOW]

انا من نصيحتي لج لاطنشينه بقول انج انتي راضيه عنه

احسن واجهيه يمكن يحس بغلطته

وربي يسعدج ياارب ودعواتج

[بنوتة_لندن]

ماعرف والله اختي وااو

واجهته مره وحسيت اني ضغط عليه وصراحه ريلي من النوع الحساس شوية وانا اعصابي بسرعه تفلت واقعد اصرخ على بروده ها المقرف ويبت سوالف قديييييييمه وقمت اخورها جان يزعل مني ذيج المره وحسيت استغبن شوية لاني يبت سالفة حساسة شوية وقال لي بس السالفة انه انتي واايد كله ملتهيه ومسافره رجعي وبتشوفين فلان مره ثانية

الم بوظبي

اغازل عمري عيززززززززززززت صاير مزاجي وكلمت حبيتي تطلع جني اشحذها شحاذة


صراحه ابليس يلعب لعبته فيني ومب قادره

وامه دوم تحن عليه عرس فوقها هاي مهيته وماعندها حد يردها تتحراني اسير اهايت تقهر هاي العمه بعد استغفر الله زين شو اسوي انا اسافر ويا امي والله العالم لو ابوي مثل الناس جان ماحتجت اسافر وياها وانا الوحيده من خواتي اعرف انجليزي زين وامي تعبانه واايد

[أم هزاع999]

ليش ما تصارحينه

كلميه قولي له كل ألي في قلبج وريحي نفسج

وشوفي شو بيكون رده

يمكن فعلا هاي الفتره مضغوط في دوامه

وتعرفين اجازت الصيف يمكن حد من ربعه مسافر وهو حال محله

فأكيد الشغل بيكون دبل الشغل ألي كان يشتغله قبل

بس اهم شي احين تصارحينه لا تحرقين اعصابج ولا تكتأبين

نفس الكلام إلي بقوله

[األم_بوظبي]

لا تهملينه انتي بالنسبه له كل شي لا تخلين الشيطان يلعب بينكم حرااام والله

[بنوتة_لندن]

والله ماعرف بنات شورن علي عقلي بينفجر مب عارفه شو اسوي خايفه اطنشه ويسمع كلام عمتي عمى الدببة انشاء الله قاهرتني امس داقه ومشرشحتني اونه انتي تتحرين ماوراج ولي يردج قلت لها زين انا مب طالعه سياحه ولاني طالعه من غير شور ريلي

بنات احس الوضع يتازم وامي مب ناقصه وانا بديت اتعب نفسيا جد جد نفسيا مول مب قادره دعواااتكم ونصايحكم محتاايه لها والله

[وتر الوفاء]

السلام عليكم حبوبه الريال يموت في شي اسمه دلع و كلم حب
اول شي ابدي معاه في الكلام الحلو و بعدين صارحيه
حبوبه كثري من الاستغفار و قراءة سورة البقرة والله راح ترتاحين

[األم_بوظبي]

السلام عليكم حبوبه الريال يموت في شي اسمه دلع و كلم حب
اول شي ابدي معاه في الكلام الحلو و بعدين صارحيه
حبوبه كثري من الاستغفار و قراءة سورة البقرة والله راح ترتاحين

ماشاء الله عليج هذا هو الكلام اللي يشرح الصدر

[عائشة الكندي]

فضفضيله عشان ترتاحين والله