دبـــــــي مـــــــــــــــول,,,,,,,,,,,,,استغفرالله

**Oأم حمدO** · 2009-06-27, 19:31

السلام عليكم

شحالكم.....

اليوم سرنا انا وريلي وعيالي دبي مول

كل حد يمدحه وقلت ابا اشوفه واتسوق مره وحده من عدهم

المهم

اول مادخلنا استغربت من الاجانب مب جنه في الامارات شو اللبس استغفرالله

انزين ويوم صعدنا الطابق الاول الا وجوف....................استغفرالله استغفرالله استغفر الله

حرمه اجنبيه يالسه تعرفون كيف يوم تيلسون ع جرمتو الحمام العربي ويالسه شي تدور في شنتطتها ومن ورا كله طااااالع انا كنت اتحراها شي تسوي ماقدرت تستحمل وتوصل جرمتو الحمام والله يعني الجنز نااااازل وايد تحت والخط من ورا كله طالع يعني كل حد يجوفها

وانا يوم شفتها شهقت واربع الحف عين ريلي ويقولي شو بلاج اقوله دخيلك لاتجوف يمين وخوز ايدي وجاف يبا يعرف شو السالفه(فضولي) وهي عادي عندها

انزين والموقف الثاني بعد حرمه وريال الحرمه محطيه راسها عند رقبة ريلها وماسكتنه من ظهره وصدره وهو بعد ماقصر ويمشون عا فنا الله جنهم جرمتو جلاب

وقلت حق ريلي خلاص بروح وما بسير ها المركز مره ثانيهابا اعرف ليش مايطبقون عدنا في الامارات هيئة الامر بالمعروف والنهي عن المنكر

المزيد من آخر المواضيع من نفس القسم:

**سمسومه الحلوه** · 2009-06-27, 19:36

يارب الله يسمع منج جان زين يطبقون هيئه الامر بالمعروف والنهي عن النكر

**optmistic_lady** · 2009-06-27, 19:38

الله يستر بس هذا و لا شي من الي اسمع عنه

**مبدعةad** · 2009-06-27, 19:38

هاي المولات مسوينها حق الاجانب

انتوا مب لازم تتمتعون في بلادكم

الله يعينا بس محرومين من المتعه في بر وبحر ومول وحديقه كله حق ها الخياس

**الحياة غير** · 2009-06-27, 19:41

حسبي الله ونعم الوكيل

وين القرارات اللي نزلوها عسب يمنعون هالشي؟؟؟ ليش ما طبقوها ؟؟؟

**عزي بديني** · 2009-06-27, 19:41

الحين هم أهل البلاد واحنا الأجانب .

**نـادره** · 2009-06-27, 19:41

حبيبتي

يوم صرختي وحطيتي ايدج على عين ريلج

انتي جي لفتي نظره !! عقب قوولو ليش يطالعون .. يعني لو طفتي ولا جنه شي مستوي مابيكون صار شي ..

وبعدين اذا بتسيرين تحرقين اعصابج على اللبس والحركات لاتسيرين مكان .. لانه فكل مكان هالسوالف

سيري تمشي وتشري وشوفي الدنيا شو خصكم فالاجانب طنشو ياخي ..

**basko0ota** · 2009-06-27, 19:44

ماشالله عليييج لاحظتي هذا كله تدرييين والله يوم اسير المول عسب اتشرا ما ايلس ادقق في الناس شو يسوون الحريم شو لابسات ولا الناس كيف يمشون !!! يعني كل واحد فحاله عليه من نفسه وبس نحنا رايحين نتسوق ؟ ؟ ولا نطالع الناس واندقق علا لبسهم وحركاتهم ؟؟ برايهم والكلام مامنه فايده

**jalaxi** · 2009-06-27, 19:45

المشاركة الأصلية كتبت بواسطة مبدعةad

هاي المولات مسوينها حق الاجانب

انتوا مب لازم تتمتعون في بلادكم

الله يعينا بس محرومين من المتعه في بر وبحر ومول وحديقه كله حق ها الخياس

هيه والله اختي صدقتي.........

**سكون دبي** · 2009-06-27, 19:53

الغالية مب بس في دبي مول هالسوالف موجودة في كل السناتر اللي عدنا

انا امسات شايفة وحده في امارات مول لابسه تنورة قصيرة فوق ركبها وقميص عاري ونص الصدر برع ولا حد يقولهم شي

**األم_بوظبي** · 2009-06-27, 19:53

السلام عليكم

اختي الفاضلة

الحمدلله نمشى في المولات نشوف العجايب بس نغض البصر لنا في عمارنا بس والله
الله يستر علينا

**ثمرة القرآن** · 2009-06-27, 19:56

خاطري يطبقون هيئة الامر بالمعروف

***^*أم أحمد*^*** · 2009-06-27, 20:23

انا كنت هناك اليوم وشفت العجب والله.. حتى بناتنا مب مقصرات لا شيلة ولا شي عباة والشيلة عالجتف.. والمكياج كيلو على ويهها.. والله مت من القهر... حسبي الله ونعم الوكيل...

**شـوق الامارات** · 2009-06-27, 20:28

انا موول ما اسير مولات دبي وبوظبي خاصه ويا ريلي ^^

**الأمينه** · 2009-06-27, 20:30

الله يخذهم بسبب هالكلاب مو قدرانين نروح المراكز ونستانس

الموضوع: دبـــــــي مـــــــــــــــول,,,,,,,,,,,,,استغفرالله

أدوات الموضوع

عرض