زوجي يتحكم حتى في راتبي

**شمـ ع ـة حب** · 2009-06-25, 20:05

السلام عليكم ورحمه الله وبركاته

اشحالكم خواتي

بصراحه انا مليييييييت من هالتصرف... زوجي يتحكم حتى في راتبي

بالتفصيل الممل

انا ما انكر اني وفرت من راتبي الكثير.. لكن احس بخنقه في هالشي

حتى بالكارد عنده

هو يسحب لي وهو يوفر لي وهو يعطيني من راتبي مصروووفي

وانا مابا الشي هذا

ابا استقل براتبي .. ع الاقل اخلي شي في حياتي يكون من خصوصياتي انا ولا ريلي ولا غير ريلي يخصه فالشي هذا

والله احيانا ابا اساعد اخواتي واخواني .. بس ماقدر... لاني يوم اقوله ابغي المبلغ الفلاني من عندي

يقولي وانتي لين متى بتمين تصرفين

اشتري مثل الناس والعالم .... ماشي

مب عارفه شسوي ... كيف اخلي ريلي يغض النظر عن راتبي ومشترياتي وخصوصياتي

دخييييلكم افيدوني

المزيد من آخر المواضيع من نفس القسم:

**rose_dxb** · 2009-06-25, 20:30

الله يعيينج .. و ان شاء الله الخوات يفييدوونج

**فلونة** · 2009-06-25, 20:37

ختيه

رمسيه

قولي له

هذي خصوصياتج

وماله خص يتحكم في فلوسج

وانتي حرة

يعني تعطين هلج ولا تحرقين الفلوس

ماحد له حق يتكلم عن فلوسج

وهالشي معروف عند كل المشايخ

ماحد له دخل في فلوسج

بس الظاهر انتي عودتيه من البداية

شلي بطاقتج وخليها عندج

**أنثى / ..** · 2009-06-25, 20:50

كل وحده وشطارتها .. الظاهر انتي شخصيتج ظعيفه لازم تفرضين رايج ولازم يكون لج خصوصيه ..

حاولي تناقشينه ،،

ملينا من كثر ما نسمع عن ظلم الرياييل ..

والله كرهنااااااا الرياااايل والعرس !!!!!!!!!

ما نباااااااااا نعرس .

ياختي شلي بطاااااااقتج وخليها عندج

مانبا نخرب بيتج بس هذا من حقج .. حاولي تناقشينه بأسلوب وخليه يقتنع انه من حقج

**Om 7aMda** · 2009-06-25, 20:55

هاي غلطتج حبيبتي ...
ليش تعطينه الكرت اصلا ...
مب من حقه ياخذ الكرت ولا يتحكم فراتبج
وهو ماله الحق انه يصرف ربع درهم من الراتب ..

هو غصبن عنه يصرف عليج انتي بس من راتبج من راتبه طبعا ,,

كلميه وقوليله بحتفظ بالكارت عندي وبس

**بـقـايا حـلمـ** · 2009-06-25, 20:57

حبيبتي حاولي تفتحين له الموضوع وهو رايق

قوليله أنه هالفلوس الله انعم عليج فيهم عشان تصرفين منهم ,,, وتستانسين فيهم

وعشان أهلج قوليله أنه اهلج هم اللي ربوج وعلمووج وأنه لو عطيتيهم جزء منهن مب خسارة

حاولي تضربيله أمثله ,,, حاولي تقنعين ,,, فجي الموضوع وياه أكثر من مرة ...ناقشي فهمي هو شـو في خاطرة

ذكريه أنه هالشي فيه نوع من الخصوصية,,,وقوليه انه الريال ماله خص في فلوس الحرمة حتى فالدين

حاولي بالهدوووء

**شـوق الامارات** · 2009-06-25, 20:58

بالبدايه بتتعبين لانج عوتيه وهو بعد بيتضايق من التغيير بس لازم تقعدين وياه وتفهمينه ان هالمبلغ شرعااا موب حقه لج بروحج وهو مسؤوول عنج^^

**3yoOon** · 2009-06-25, 21:00

اساساً مب حلوة انج تقولين لريلي هذي خصوصياتي ..

انتبهي هالشي ممكن يجرح الريال .. حتى لو هو صدق خاص فيج ..

هو يعتبر انكم انتوا الاثنين واحد.. وجيبكم واحد.. ومافي فرق ..

يعني انتي ما بتزعلين لو سألتي ريلج سؤال عن راتبه وقالج خصوصياتي ومالج خص ؟

اغلب الرياييل جي تفكيرهم .. انه راتب الزوجه للتوفير .. عشان المستقبل .. وانه راتبه يسد ..

انتي اتفقي وياه كيف تصرفين راتبج قولي له يافلان ابا من راتبي كل شهر مبلغ جي وجي ..

ويوم تحبين تساعدين حد .. قولي له يافلان ابا اساعد حد من هلي .. فهميه الوضع..

اما اسلوب العناد وتقسمون الخصوصيات من بينكم غلط ..

والي يسويه ريلج صح .. لو ريال ثاني كان يا خلاج تلعبين بفلوسج وتندمين عقب وتحسين بحاجتهم ..

او انه تملك راتبج ويلعب به هو .. بس هو يوفره وصدقيني له نظره مستقبلية..

هذا رايي واحس انه موضوعكم بسيط بس انتي متحسسه منه شوي .. خبريه شكثر تحتايين من راتبج والباقي مثل ماكنتوا ماشيين

**عزتي في عفافي** · 2009-06-25, 21:49

السلام عليكم أختي شمعة حب،،

بالفعل أنا مع الأخت في إنج ما تقولين لزوجك ( خصوصياتي و خصوصياتك) هذا الشي بالفعل بيضايقه واايد.. صدقيني يا أختي أحسن أسلوب في إقناع ريلج هو الأسلوب اللين و الحوار الهادئ.. فهميه بأن هذا الشي ممكن يكون سبب في انقطاع الخيرعن المحتاجين من الأهل و الأقارب و بالذات انقطاع الأجر و الثواب من الله.. وأوعديه بأن مالك لن يصرف إلا عند الحاجة و كوني عند وعدك.. يا عزيزتي الرجل يحب المرأة اللي تخطط معاه للمستقبل و تحافظ على كل صغيرة و كبيرة في البيت.. و أنصح نفسي يا أختي قبل ما أنصحك (بالدعاااااااء) أكثري من الدعاء بأن يسخره الله لك و أن يسخرك له.. و أسأل الله أن يوفقك و ييسر أمورك..

**رنادوه** · 2009-06-25, 21:59

عزيزتي
انتي اتقولين انه ايمع لج وهو اللي يصرف عليج ولو كان هذ من راتبج
احمدي الله واشكريه على هالنعمة

الريال له نظرة ثانية
اكيد شافج انج تلعبين بالبيزات او مثل ما تقولين تعطين حق خواتج ويشوف انه هالشي بيدمرج
وهو خايف عليج ولمصلحتج

والله احمدي الله
لانه في رياييل ياخذون الكرت والحرمه ما تشوف فلس حمر
وعلى هالتعب ونشت الصبح والدوام والارف

والاهم من جي
احتسبي الاجر من رب العالمين
واذا هو ياخذ من البيزات ترى هذا يعتبر لج صدقة واجر
انا اسفة طولت عليج
بس دايما رضا الزوج من رضا رب العالمين
وحتى لو انتج مب حابه هالشي وكارهتنه ترى الزوج هو جنتج ونارج

يعني بتصرفاتج معاه بتدخلين الجنة باذن الله

**خبيرة في دنيا** · 2009-06-25, 22:05

اسمحيلي بس الريال ماله شغل في افلوس حرمته وقوليه عطني البطاقه واذا ماطاع قوليله ترضى اني اخذ بطاقتك وصرف عليك جنك ياهل والحرمه لازم محتايه بيزات في ايدها اتحب تصدق او اتساعد حد بعد اتقوله بصدق انتي قوليله ولاتستحين

**3yoOon** · 2009-06-25, 22:24

للأسف شي ردود من الخوات تخرب بيوت

تدرون ليش ؟؟

لأنه الحرمه بروحها متضايجه وزعلانه وشاله في خاطرها .. كيف تزيدونها بردودتكم وتشحنونها غيظ من غير ما تحسون ؟
انتوا قصدكم انكم تنصحونها وتوعونها .. بس الاسلوب خاطئ .. ولا تشوهون صورة ريلها في عينها ..

وانا اشوف انه ريلها عاقل ما شاء الله.. لأنه اييمع لها .. وماقاعد يصرف من وراها .. وقلت قبل له نظره مستقبلية بتشكره عليها في يوم من الايام

**ام احلى حمودي** · 2009-06-25, 23:02

شوفي الغلا مافيها شي صدقيني انتي تتحرينه يتحكم فيج بس هو يشوف لجدام يعني هو يصرف من راتبه على منو فكري فواتير واغراض البيت وبترول عشان يوديج وكلللل هذا معقوله يبا يستغلج؟؟ لا اختي الريال يباج توفرين ترى الحياه ماترحم صعبه وكل يوم تتصعب اكثر وانتوا لازم تخلولكم ولعيالكم شي،، والحرمه بطبيعتها تبا تصرف وتاخذ ولو البطاقه فايدج ما بتمسكين عمرج طول بس بتصرفين.. وهو يمكن لاحظ وحب انه يتصرف بسرعه والا ضيعتي تعبج فاشيا مالها داعي،، والقنااااااااااعه لا تنسينها وربي يهديكم..

**فلونة** · 2009-06-25, 23:32

ختيه عيون

نحن مب قاعدين نشيشها

بالعكس

حلو التعاون بين الريال وحرمته

بس إنه يمنعها من إنها تعطي من راتبها لأهلها بصراحة شي يقهر

حتى لو يوفر.. هذيل أهلها ربوها وتعبوا عليها

وشو يضمن لج أساساً إنه ما ايي يوم يسحب كل اللي باسمها؟؟

اشكثر رياييل حريمهم وثقوا فيهم ثقة عمية وعقب بين يوم وليلة خانوهم مع حريم غير وبفلوس حريمهم

يعني المفروض هو من راتبه يعطي اهل حرمته.. مب اتي تطلب من راتبها وما يعطيها

**mischocolat** · 2009-06-25, 23:33

انا ما ابغي اخرب بيوت لكن اللي يسويه مب من حقه وماشي مبررفي الدنيا يسمحله بهالشي
من البدايه انت تركتيله الحبل والحين مب عارفه شقايل تشدينه
اول حاولي اتذكرينه بشرع ربنا انه ماله خص ببيزاتج وهو المجبور بالصرف عليج حتى لو كنت مليونيره وخلي ابوج يتدخل بهالشي ويطلب منه يعطيج البطاقه
اذا رفض بسيطه ....سيري البنك والغي البطاقه وسوي بدالها يديده وخليها في بيت اهلج عشان ما ياخذها عنج ويوم تبغين استخدميها ورديها بدون ما تخبرينه باللي سويتي ويوم بيشوف البطاقه توقفت وما يقدر يستخدمها لاتقولينله انج سويتي بدالها قولي له جيه احسن عشان ما اصرف واضيع البيزات
شو هالرياييل ما يخافون الله يتحرون عمارهم هم اللي يعرفون كل شي والحرمه ماتفهم شي..والله عجب
بس بعد ارجع واقول من البدايه انت غلطانه تنازلتي عن حقج والحين انت بتعانين شو ظمنج ريلج شو يسوي في بيزاتج من وراج ياما رياييل اتزوجوا على حريمهم من بيزات الحرمه نفسها

الموضوع: زوجي يتحكم حتى في راتبي

أدوات الموضوع

عرض

زوجي يتحكم حتى في راتبي

المزيد من آخر المواضيع من نفس القسم:

المواضيع المتشابهه

ريـــل اختــــي يزاااعـــــــق عليهااااا ... و يتحكم حتى في مشيتهـــــااااا

نزل راتبي

كيف يتحكم اليهود بالعالم‏

راتبي يطير بسرعة ليش؟