ريلي والبرود

**بنوتة_لندن** · 2009-06-23, 19:54

طبعا ها نك بالمشاركه مع بنت خالوه متعايزه افتح نك خخ

المهم صار لي متزوجه 9 شهور ريلي حبوب وحلو وله مكانه مشكلتني بشغله الدايم اللي قرفني مع انه مايقصر فيني ياخذ اجازات لمن انزل لاني برع البلاد ويا امايه الله يحفظها بس يادوب اشوفه بالاجازات وبالويك اند طبعا انا كتبت مشكلتي شو اسوي له لاني نزلت شوية واللحين راجعه ومحضره له كم من هدية والاخت باربي بستاعدني بكم بيت قصيد بهديه له ليلة الخميس بس الشيطان شاطر اليوم ماعرف ليش قمت ابحبش وراه يتني فكره جان افتح كل ايميلاته مال الدوام والثانيات بس ماحصلت فيهم شيء مسكين كله من الدوام بس مستغربه ماقام يقول لي كلام حلو وحتى كلمة احبج بالغصب تطلع ولا لو انا بديتها ولا مرات حتى انا افففففففف لا وتوي مطرشه له مسج ادري انه راد من الدوام طنش بو الشباب ادري نايم بس عنبو ماكان جي ماعرف شو اسوي به بتقولون لي نكدية ادري بس ماقدر ماااااااقدر يعني الاسبوع اللي طاف فتحت موضوع قلت له فلان انته بعدك تفكر بفلانه قصدي بنت عمه كان يحبها قبلي بس ماصار نصيب قال لي شله ها الكلام اللحين قلت له يمكن تكلمها يوم انا محد حسيته عصب وزعل وقال لي يلا باي باي انا وراي دوام باجر وسكر

من ناحية هوه مب مقصر وياي ومن نحاية مرات احسه بارد تعتقدون بسبة الشغل والضغط ولا فيه شيء ترى الوسواس شاطر

يوم الخميس عازمته على مطعم وشاريه له كم من هدية اغراض يحبهم بس ماعرف شو اقول له وماعرف والله تعباااااااانه جد جد بنات من الوالده ومحاتاتها وسالفة مرضها ومن سالفة ريلي كان يموت فيني ليش اللحين مايبين لي ها الشي هوه صح ذاك اليوم يوم مرضت دق لي على طول يطمن بس اللحين احسه لابسني ولا تعتقدون انا حساسة زياده عن اللزوم شو رايكم انتو

على فكره الويك اند اللي طاف ياب لي شي بخاطري من زمان مع انه انا اللي مزعلتنه مب هوه خخ

المزيد من آخر المواضيع من نفس القسم:

**شوق _ زايد** · 2009-06-23, 20:00

للرفع

**أم أمووون** · 2009-06-23, 20:18

حبيبتي بعض الرياييل جي انا نفسج ريلي قبل كان غير الكلام الحلو مايخوز من لسانه بس الحين غير ماسمع منه كلمه ويوم اقوله يقول بس مب كل ساعه بقعد اقولج احبج واموووت فيج خلاص انتي حبيبتي وام عيالي
والله الرياييل ماينعرف الهم الله يكون بعونا نحن الحريم نحرق اعصابنا وهم ابرد من الثلج

**وردة جوريه** · 2009-06-23, 20:24

لاتقوليله انت ترمس فلانة يمكن هو ناسي وانتي ذكرتيه خذي معاه باسلوب والله يوفقج

**بنوته كفالي** · 2009-06-23, 21:15

والله ماعرف شقولج

بس دامج عازمتنه يوم الخميس صارحيه و كلميه بس بطريقه حلوه ولا تضغطين عليه عشان ماتلوع جبده ويرد
البيت معصب و مزاجه مخترب .......

لازم تكلمينه بأسلوب حلو ولا تهاجمينه في الكلام يعني خلي كل شي هادي و واضح وان شاءالله يصارحج بلي فيه ^^

و الله يرد السعاده بينكم يارب ..

**ام شامه30** · 2009-06-23, 21:28

حبيبتي لا تطرين له بنت عمه موووول لو شو ما صار الي فات مات الحين بس انتي في حياته وصدقيني هذي تغيرات جدا طبيعيه في الحياة الزوجيه اول الايام كلها حلوه من كلمات وحركات وغيرها احسن شي اتسوينه انك تسكتين عنه شوي يمكن عنده ضغوط عمل لا غير وكثرة الاسئله اكيد اتضايق الريال فاقولك خليه على راحته وقللي سوالف مسجات الغرام وحتى الهدايا عشان ما يستوي الموضوع ممل وبتشوفينه بروحه بيشتاق لك ولسوالفك وبيتبعك انشاء الله

**اغلى ناسي m** · 2009-06-23, 21:49

ماعندي شي اقوله بس حبيت ارفعلج الموضوع

**مجنونة ربع** · 2009-06-23, 22:07

الله يحنن قلبه عليج

**فديت أبويه** · 2009-06-23, 22:16

دوام الحال من المحاااااااال

**المـHــآ** · 2009-06-23, 22:27

للرفع

**شمعة حياة** · 2009-06-23, 22:34

الغالية ..

بهذا الاسلوب تخسرين ريلج اكثر ..

لان ريلج من النوع اللي يحب يعبر عن مشاعره بالاعمال يعني اشكثر هو منشغل وضغط عمل كله تعبيره بهذي طريقه عن حبه لج ..

فلا تفتحين للشيطان باب انتي تكونين سببه ..

فاذكري الله لان الحمدلله ريلج وفي ويعتبرج انتي ملكه في حياته ..

وتعبيره بالحب بالاعمال ليس بكلامه وانتي تحبين الكلام الطيب فعوديه بكلامج عليه بيتعود بعدين اكثر ..

الله يسعدج باذن الله ,,

**بنوتة_لندن** · 2009-06-23, 23:17

مشكورين بنات ماقصرتن والله صدقكم بس مشكلتي رومانسية زياده عن اللزوم
خخ ولو ماطلع حرتي فيه بمنو والله والله يابنات المره اللي طافت يوم قلت له عن بنت عمه بس كان من زود العصبية اللي فيني لان باااااااارد بس حسيت الدمعه في عينه

توي مكلمته كشخه حسيته عصب علي لمن قلت له اليوم سلمت على ولد خالتي فعلا بنات نفس ماقلتن انا ضاغطه عليه وااايد توي حسيت من كلامه انه الشغل واايد ذابحنه

**كسرتيم77** · 2009-06-23, 23:24

الله يسعدج يا الغلا

**بنوتة_لندن** · 2009-06-23, 23:28

ااااااااااااااامين

فديت روحه قال لي كلام حلو توه بطييييييييير من الفرحه ادري بتقولون مينونه دعوااتكم بناااات يااااااااااااااااارب يرد شرات قبل

**قنيصة شوا&ـين** · 2009-06-23, 23:29

غيري روتين حياتج يمكن مل من هروووتين
غيري الكلام ,, ,
سوي حركات غير عن قبل ,,,
أهم شي التجديد في الحياة الزوجية ^^
ربي يوفقج واستغفري دوووم

الموضوع: ريلي والبرود

أدوات الموضوع

عرض

ريلي والبرود

المزيد من آخر المواضيع من نفس القسم:

المواضيع المتشابهه

ريلي خاني !!! ريلي عيونه زايغه !!! ريلي اتزوج عليه !!!! الخ الخ

{ ريلي عرس عليه ..!!.. ريلي مهمل فبيته ..!!.. ريلي .. و.. و.. }<< حياكم

ربيعتي والبرود

اوانه يعني اوانه!ريلي يحبني؟ريلي سوالي؟ريلي خذلي؟ريلي و ريلي و ريلي..موضوع للنقاش

اعشاب للعجز عند الرجال والبرود عند النساء(للمتزوجات فقط)