مهم جدا وضروري

**بقايا جروح M** · 2009-06-23, 09:48

السلام عليكم
كيف الحال اتمني ان يكون الجميع في اتم الصحه والعافيه...
ابد قصتي ...
انا متزوجه منذو سنه وستت اشهر المهم هو طبيعت شغله كثير السفر لاتسالون ليش لانه يسافر مع..........طبعا عرفتو
المهم اكثر سفرهم للمغرب ويقعدون بشهرين وثلاثه وانا صابره مع العلم انو وقت ولادتي ما كان موجود ولا شاف ولاده الي بعد 6 شهور المهم كنت ديما اساله في احد في حياتك كان ديما يقول لا طبعا انت بس؟؟؟؟
المهم الزبده
بعد هذا كله الصبر رجع وقعد معنا اسبوع بس حسيت انو متغير كثير بس قالي لا عادي بس انتي شكاكه
المهم كان عنده تلفون ما يستجدمه وقلت له ابغاه قال طيب واعطني ايه في يوم سفره
ورجعت بيت اهلي وهو سافر ويوم فتحت الجوال لقيت رسائل حب وغرام مع وحده في المغرب المهم انصدمت ويوم اتصل يقول خلاص بركب الطياره قلتله طيب بس لا تنس تاجذ لفلانه هديه وقفلت الجوال ويوم وصل للمغرب اتصل وقال ايه انا كنت اعرفها واكلمها بس من فتره والحين لا وحلف انو من شهرين هذا الموضوع وانو ندمان عليه من قبل لا اعرف وانو ما قد نام معها ولاشئ غير المكالامات وطلب مني اسمحه واعتبره غلطه وانو ما راح يكررها...
طبعا انا ما قدرت اتحمل الي صار وصرت ابكي بس ابدا ما قلت لاي وحده من خواتي ولا لامي بس هم حاسين انو في شئ
الموضوع صار قبل اسبوع طبعا يوم كلامني طلبت منه انو يتركني في حالي ولا عاد ابغي اسمع صوته هو وافق عشان يرضيني بزعمه
المهم طول الفتره الي راحت وهو يرسل رسايل اسف واعتذار ولا ارد عليه بس اليوم ارسال وشو نهايت هذا الوضع وشو الي تبغينه ؟؟؟
والصدق اني احبه موت وهو عارف هذا الشئ بس ما اعرف وشلون اجزيه علي غلطته!!!
ارجوكمارجوكم ارجوكم لا تهملون الرد علي لاني في امس الحاجه لارائكم
:

quran

:

المزيد من آخر المواضيع من نفس القسم:

**غلا علي** · 2009-06-23, 10:43

غناتي اولا الله يعينج على مصيبتج...

ثانيا حبيبتي مافي ريال على وجة الارض ما خان هذي طبيعته البشرية عافان الله...
لا تخربين بيتج بنفسج انتي احين تخلينه يرجع يدور بديل لانج لا تكلمينه وانتي قلتيله لا تتصل ولاشي..
هذا اكبر غلط بتخلينه يرجع يفكر فيها

لان لقى فيها اللي ما لقاه فيج
يمكن انتي جافة معاه او ماعندج وقت لظروف البيبي اللي عندج وماخذ كل وقتج

حطي الله بين عيونج لان رضى الزوووووج واجب

**love rak** · 2009-06-23, 11:31

فديتج أنا أقول خلي عنج لصياح ...حاسه فيج بس تلاحقي ع ريلج حبيبج
عن تاخذه هالمغربيه وتسويله سحر ...
أنا أقول تحطيه في عيونج ..بس بعد جلسة صراحه وتفاهم بعد كل إلي يستوي
وقوليله شو إمقصره وأنا أسويه ؟؟؟إسإليه يمكن إنتي مقصرة وإنتي ما تدرين الله أعلم
وإتكشحي وإتعدلي كأنج عروس شرات أول ...وسويله كل الي بغيه المغاربه مب أشطر عنا فديتج وفهمج كفايه

**dena22** · 2009-06-23, 11:45

من عفا واصلح فاجره على الله ادعى ربج يحفظه لج ودايما قولى استودعتك الله التى لا تضيع ودائعه وبعدين لما ايسافر حطى شيء من ريحتج وصوره عشان اتكونى جدامه وبعدين المغربيات شو عندهن غير الكلام المعسل والدلع انتى كونى له جذى والله يحفظ بيتج وابيوت المسلمين

**Class Lady** · 2009-06-23, 12:26

الله يعينج و الله يهديه

**ام شوق وعزوز** · 2009-06-23, 12:50

الله يعينج بس قوليله ترضى وأنت بعيد أني أكلم وااحد غيرك يمكن يحس
والله يصبرج

**لوكل** · 2009-06-23, 13:23

نصيحة البسيه

لا تردين علية اغلقي التيلفون وعيشي حياتج اهتمي بالبيبي

وسيري وتعالي مع اهلج شوفي حياتج بدوونه حبكت على مكالمتة شو يعني اذا ما كلمتية

لازم يعرف انه اذا غلط العقاب بيكون كبير مب كلمتين ويقردنج فيهن

**ام احمدوه** · 2009-06-23, 14:27

حبيبتي الزم ما عليج ريلج
بس بشروط حلفيه على المصحف
وبعدين قوليله نحن الحين من بينا ياهل شنو ذنبه
وحاولي تغيرين اسلوبج وياه يمكن هو حاس انج ابتعدتي عنه
والتهيتي بالياهل ترا الريال عامليه جنه ياهل بيستانس
الله يصلح حالكم ان شاء الله

**فجر الغلا** · 2009-06-23, 15:20

والله مااعرف شواقولج بس حبيت ارفع لج الموضوووع.

**مره حيل** · 2009-06-23, 15:32

كلامي نفس كلام الأخوات
حافظي على ريلج

**جورى1977** · 2009-06-23, 16:33

حسسيه بغلطته وفهميه انج اتسامحينه بس بشروط والافضل يكون يوم بيرجع من السفر ويه بويه الله يعينج على مصيبتج واحتسبيها عند رب العالمين الله يبعد عيال الحرام عن ازواجنا اللهم آآآآآآآآآآآآآآآآآآآمين

**حواري 09** · 2009-06-23, 17:21

ما اقول الا الله يهديه لج ويسعدكم دوووم

الموضوع: مهم جدا وضروري

أدوات الموضوع

عرض

مهم جدا وضروري

المزيد من آخر المواضيع من نفس القسم:

المواضيع المتشابهه

مهم وضروري

إسسستبيان مهم وضروري

خاص خاص وضروري

هام وضروري