قصة ولادتي 1+2

[دبلوماسية دبي]

مرحبا خواتي اشحالكم

اليوم بخبركم بقصص ولادتي

ولادني الاولى بجري علاوي الغالي

من دخلت التاسع وانا شاده حيلي امشي وامشي لا خليت حديقة ولا رمله ع البحر لكن العمليه بالمرصاد نزل الماي عندي وطبعا انا خفت وسرت المستشفى واحنجزوني عندهم والفجر سولي عملية لانه الرحم ما اتبطل الا 4 سانتي واتوقف وانا الويع عندي توب اكيد بسبت الطلق الصناعي اللي سولي اياه المهم ربيت ويبت علاوي الغالي والحمدلله ع كل حااااال ..

بعد سنتين

الولاده الثانيه بعد شاده الحيل امشي اونه لا للقيصريه لكن احم احم وراي وراي في اخر يوم من موعد ولادتي ما عطين المستشفى موعد وقالولي اذا ما ربيت بيعطوني موعد قيصري المهم انا بالمستشفى اتريا الدور ليش ما ينصب علي الماي اول شي شوي سكت عقب زاد فاطريت اخبر النيرس عسب ادخلني بسرعة عالدكتوره وبعد خفت ثيابي تتبل فشله جدام الناس المهم على طول دخلوني حالة خاصه والدكتوره ما صدقت خبر على طول نقلتني فوق وانا وياهم ضرابه ما ابي ارجد لاني د. زينب قالتلي لو نزل الماي لاتروحين المستشفى الا لين ما يكون الويع توب او الدم نازل المهم ما طاعوا يطلعوني واتفت وياهم ان ما يسولي شي لين ما ايني الويع وفعلا قالولي عندج 12 ساعه ما يالج الويع عقبها عملية قلت اوكي المهم بالليل الساعه 10 دق الويع بابي بس خفيف ويزيد عليه الساعه 12 وامي ما خلتني اخبر النيرس قالتلي اصبري وتمشيني امي بهالمستشفى وتركبني الدري وتنزلي هلكت والويع محد له الساعه 2 نزل الماي ما شالله تقولي حوض سباحه ويزيد الويع ويقولي نعطيج ابره وانا اقول لا بتحمل وانا اصرخ لحقوا علي بموت والرحم ما متبطل الا 2 سنتي والويع يزيد وعقب قالولي بنسويلج طلق صناعي قلت ما ابي وشيكوا عقب فترة والرحم 3 سانتي وعقبها اقرت الدكتوره عملية اونه الرحم ما بيتبطل لانه الحوض ضيق وعقب ريلي وقع عالعملية ودخلوني وامي تصيح وتقول يا حليلها بنتي كل عمليات المهم دخلوني بنج نص وباخر العمليه حسيت ما اقدر اتنفس واصارخ ومحد يسمعني واحاول ارفع ايدي ومطنشيني وخلصت عمليتي وشفت بنوتي وعقب نقلوني الحجرة وبدا العذاب عوار بالبطن ما تتخيلونه احسه جني بربي مره 2 وما اقدر اتنفس تمت عندي الحاله 5 ايام اونه هاي غازات ولازم امشي وايد وانا ما كنت قادره كل ما اوقف احس بدوخه وسواد لكني حاوت والحمدلله على كل شئ ..

هاي قصص ولادتي اعاني من الصوبين ايلي عوار جني بربي طبيعي واخر شئ قيصري مع اني كنت دوم اسال الدكتوره لو 1 % اتحسون قيصري خبروني بدخل قيصري قبل الويع ما لت عليهم ما يعرفون شئ

عالعموم الحمدلله على كل حاااااااااااااااااااااااااااال

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تعب حال]

الله يعينج صدق عذاب اجر وعافية ان شاء الله

[منى الروحm]

الحمدلله على سلامتج حبوبة
بس عشان النون كل شي يهون
ادعي لي اربي بالسلامة

[ام sdt]

الحمد الله على السلامه واهم شي الصحه والعافيه ومبروووووووووك ماياج وانشاالله يتربى في عزكم ..

بس ماقلتي في اي مستشفى ربيتي ؟ لا تقولين الكورنيش!!

[روح وليد]

الحمدالله ع سلامتج حبووووووبه

[uaq_g]

الحمدلله على سلامتج الغالية

[دبلوماسية دبي]

الله يسلمكم اكيد كل شئ عسب عيالنا يهون هاي ضريبة الامومه
في الوصل ولاداتي

[غاية الضوء]

الحمدلله على سلامتج حبوبة ..

[ام شوق وعزوز]

ماجووره حبيبتي انشالله
والحمدلله عسلامتكم هذا أهم شي

[ذكريات امي]

مثل ماقالت وحده من الخوات ضريبه الامومه ^^ فديت روح عيالنا

[لولو حلوه]

الحمد لله على سلامتج بس استعيلتي على القيصريه .. اختيه قالتلها الدكتوره في بجرها الحوض عندج صغير وبتربين بعمليه وطبعا ريلها ما طاع والحمد لله ربت طبيعي .. هالدكاتره لا تصدقين منهم كلمه .. يخوفونج على الفاضي.. الله يسهل علي

[أم حتوس]

حلييييييييييييلج يالله تستاهلين السلامه

[::ملاك::]

الحمدلله على سلامتج حبوبة

[ωαяd jσσяч]

آلحمدللـﮧ على سلآمتج . . =]

[أم_رواضي]

بعد انتي في الوصل...

والله انا هلكت عندهم وتوبه...

بس الحمدلله...ومبروووووووووووووووك عليكم الصغيروني...ويتربى في عزكم...