مضايجه:(

[emarati]

عزيزتي بخبرج عن نفسي، كانت لي صديقة حميمة، كل يوم على إتصال ومسجات، وإسبوعيا لازم إنتشوف بعض، مرة أنا أسير بيتهم ومرة هي تي بيتنا، بس الإخت إنجلبت علي فجأة، لإتصال ولا مسجات، طرشتلها بريد إلكتروني عسب أعرف شو سالفتها لأنها ماإترد على مسجاتي ولا الإتصال، طبعا ردت علي إنها وايد مشغولة في الدوام وماتقدر تنزل كل إسبوع (لأنها تشتغل في أبوظبي وساكنا هناك مع إختها، وكل إسبوع إتزور أهلها)، قلنا ماعليه يمكن الإخت وايد مشغولة، بس إتفاجأة إني يوم من الأيام كنت راجعة من الدوام، وخذيت درب بيتهم عسب إتجنب الزحمة، شفت سيارتها واقفة عند بيت أهلها، معناتها هي موجودة في البيت. بس عسب ماأحط في ذمتي قلت يمكن إختها العودة ساقت سيارتها. إتصلت في إختها عسب أسأل عنها، قالتلي هي موجودة في البيت عند أهلها في إمارتي. والله إنصدمت، قلت ماعليه إذا ماتبيني أكلمها خلاص أنا بعد مابتصل فيها. والإخت ما إتصلت لين اليوم. كملنا تقريبا 8 شهور. خلاص عقبها ما كونت لي صديقة إلي أتواصل معاها يوميا. إلي معاي في الدوام أتعامل معاهم بس كزميلات العمل. عقب الدوام لا أعرفهم ولا يعرفوني.

عزيزتي أعرف إني وايد كتب ومليتي من قصتي، بس كنصيحة خلي الوالدين أقرب أصدقاء في الحياة. الله يحفظ أمي وأبوي، ما شفت أحلى منهم، إذا شافوني زعلانة إثنينهم يحاولون يراضوني أو يشلون همي.

الله يعينج

في حفظ الرحمن

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[&0_0&]

الله يكون في عونج

[نور_العيون]

أولا الله يكون في عونج اختي

وثانيا: يمكن ما أخترتي الصديقات الصح

الزواج ما يخصه في انه يتغير شخص عن شخص

بتكلم عن نفسي شوي ... انا عندي صديقات وايد والله يخليهم لي يارب

بس انا من النوع ألي ما يتصل بحد أطرش ألهم مسجات دوم او اني أكلمهم بالمسجات بعض الأوقات

بس اتصالات كل يوم وسوالف لا وهم يعرفون ان هذا طبعي فما يزعلون مني

وغير جيه اذا وحده تعبت منهم اتم احاتيها وأسأل عنها لين ما اطمن انها بخير

مهما صار من بينا ما نزعل من بعض صح انعاتب بعض على القصور بس انرد مثل ما نحن

الغاليه .. صارحي اربيعاتج وشوفي شو بيقولون لج

الكتوم لازم في يوم وبيتكلم ... وانتي لازم تتكلمين

واما عن مشكلتج مع بنات خالتج .. بنت خالتج ألي انتي وايد معاها المفروض ما تحط هالحساسيات

لازم يكون في مشاكل بين الزوج وزوجته أو أهل الزوج مع الزوجه والعكس

عشان جيه أكره زواج الأقارب ..

الله يون في عونج الغاليه

[ام سلامة..]

الله يعينج ^_^

[توأم الاحساس]

شكيت بعمري انا اللي سافرت قطر خخخ
الله يعينج هذا حالنا كلنا

[ميميه88]

حبيبتي انا مالووومج بس بنفس الوقت الحياة تتغير وتمر الواحد مسؤولياته تكبريعني انتي من تعرسين بتتغيرين تغير كلي عن هاللي ترمسنا الحين صدقيني صح انهن مقصرات بس متى مابغن يشكن همومهن لجألج ومتى مابغيتيهن القيتيههن لكن الحياة تغير واااايد وللاسف الشديد انا وحده من هالبنات اللي غيرتهن الحياه وقطعت كل ربايعيه بس بحال انهن بغن يشكن لحد اكيييد صدريه فتوح الهن وعمريه ماجرحت فييهن

[منورة]

الله يرزقج بالزوج الصالح الي ايعوضج عن الصديقات

[بدر0البدور]

الله يعينج

[فطمطم]

حاسه فيييج فديتج بس ان شا الله الله يعوضح بربيعه يديده

[الكـــــاذي]

حبوبه.. كل واحد في هالدنيا عنده مشاغله ومشاكله الخاصه فيه

محد بيتم لج العمر كله.. ولا تربطين حياتج مع أحد..


تواصلو معاهن بالمعروف.. واللي يسأل عنج فيه الخير.. واللي نساج لا تضغطين عليه وتركضين وراه

الله يفرج همج ويفرح قلبج