نصب اصحاب الكوش

[BlaCk CaT]

السلام عليكم ورحمه الله وبركاته

هلا خواتى شخباركم
هلا عرايس الله يتمم عليكم على خير

اللى خلانى اطرح الموضوع 2 من صديقاتى في اعراسهم خذوا مقلب من اصحاب الكوش وللاسف اثنينتهم مسويين عند محل واحد شوفوا الصدف

اسم المحل اوسكار في الشارقه
اخر عرس ساريتله اخت المعرس كانت وايد مفوله عليهم لان السنتر بيس اللى مسوينه مب نفس اللى طالبتنه وكانت طالبه خيمه للكيكه وما يابوها اتقول حسبتلهم السنتر بيس على 90 درهم والخيمه ب 1500درهم وما طاعت تركبلهم الكوشه الا مسلمينها المبلغ كامل يعنى عارفه هى شو بتسوى من وراهم حسبى الله عليها
اتقول صاحبه المحل قالت هى اللى بتشرف على الترتيب ووثقت في كلامها وياليتها ما وثقت حتى ما اتصلت اتقولهم شو رايكم او شو ناقصنكم وما يت طبعا حتى ام المعرس وخالتها كانوا مفوليين على الاخر يبغون يتفاهمون وياهم بس المعرس قالهم خلونى ايى من شهر العسل انا بتفاهم وياها
هم صوروا كل اللى سوته واللى كانت بتسويه يعنى مقارنه بيسون
والله حرام على السنتر بيس كان شئ عادى مال 40 درهم
لكن الصراحه الكوشه كانت رهيبه

وهاى مب اول مره انشوف النصب بعينه من اصحاب الكوش
فاللى صارها موقف من محل معين ياليت اتبلغنا
لان عرس اخوى قريب ونبغى حد ثقه ....

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حرم المهندسـ]

عرس عمي كانوا مسويني في محل مناسبات للكوش

و هم الصراحه شغلهههم وماااااااااااااااايد روعه و حلو


وانا شايفه شغلهم و كل شي


بس في شي واحد


لازم حد ييلس ع راسهم


عرس عمي من 3 سوات


كانوا ما اعرف مسوين الكوشه بماي و سوالف سمج


و دفعوا مبلغ كبير عشان عمتي قالت يحطووون احواض سمج على ممر الكوشه

بس يوم العرس انصدموا انهم نا يابوا هالاحوااااض !!

[بهلولة]

اببببببببببببببببببببب

[حكاية_عشق]

غلايااااا انا اختي مسوية كوشتهااااا في الكوشة المبتكرة ...لكن شو خياااااااااال والي تبينه يسوونه..ان شاء الله اليوم او باجر بنزل الكوشة ...وشوفي وهذا المحل في العين واذا تبين رقمهم على الخاص..وان شاء الله ماراح تندمييييييين...

[احتاجك..]

اتغفر الله\
والله حبي الله عليهم ما يحسوون ان ها اهم يوم ف حياتنا وبس ماهمهم غير البيزات\\

حتى انا سويت ف عرسي والله ماحيد مه بس حطيت اسمه ف موضوع ثاني ووايد يمدح عمره يعل الله لا يبارك له ويعله ما يترقع
والله ياخذ حقي منه

[بـنـوتـه]

اصحاب محلات الكوش لازم اتمين واقفه على راسهم وهم يركبون الكوشه .. او حد من الرياييل يكون مشرف عليهم .. ونصيحه لكل وحده بتسير تحجز لها كوشه .. بعد ماتختارين الكوشه وتدفعين نص المبلغ صوري الكوشه اللي اخترتيها عشان يوم يركبونها تشوفين الصوره الموجوده عندج نفس الاشيا ولا لا واذا فيه شي ناقص تراوينهم الصوره الموجوده عندج .. ولا تدفعين المبلغ كله لاااا اتفقي معاهم ان بعد مايركبون الكوشه تدفعين باقي المبلغ .. بس بعضهم مايرضون وانتي حالولي معاهم ..

[بنت المنهالي]

للرفع والإستفاده

[فينيسياا]

كالعادة ماعرف متى بتنتهي هالمشكلة وليش بالذات بمحلات الكوش

[Malak uae]

انا سويت عند المناسبات ورحت القاعة من وقت بس عشان اشوف شغلهم

[Reem Alnuaimi]

في عرسي اشرفت بنفسي على كل صغيره وكبيره في القاعه حتى والله شفت كل ورده ذبلانه ولا فرش طلعت روحهم والحمدلله طلع روووعه الحمدلله

ريلي سنتين وهو فديته يجمع فلوس العرس والمهر واخر شي اخليهن يروحن جي لا والف لا بطلع سعر كل بيزه دفعتها من عيون صاحب الكوشه

واصلا كنت مسوية عقد بيني وبينهم على كل شي اباه وكيف يكون مستواه وصورته نسخه عندي وعندهم وشليتها وياي القاعه واي شي كنت اشوفه ناقص اقولهم هاتوه لو من اخر الدنيا وما ارضى باي بديل وتميت يالسه لين الساعه سبع ونص او ثمان جان باقي كرسي المعاريس مو مزين بالورد والغطاء ماله خايس زقرت اختي وقلت لها الحين الحين يبدلونه انا بسير اتمكيج واسوي شعري وخليهم يغرقونه بالورد واذا ما سووا جي ترى لهم بيزات عندي يتحرمونها لين تشوفين كل شي حسب مزاجي

لا تسكتون لهم اهم شي والله الوقفه ع راسهم يخافون ويشتغلون عدل

[مريوم ش]

محلات النصابين نحذرو منهم

البنفسج لمسه فن لخدمات الافراح اسم الشخص علي الحواء لتنظيم الحفلات الابتسامات اوسكار في الشارقه محل مناسبات للكوش أنا أيمع أساامي النصابين عشان تتحذرون منهم أغلب عرايس المنتدى كانو يحذرون من هاذيل يعلهم مايترقعون ان شااء الله

[بيت البسكويت]

بالظبط مثل ماقالت مرييوم
في محل اسمه حواء او لصاحبه حواء
نصب نصب
والله خلى وحدة من الهنا تصييييح يوم عرسها
طلبت كوشه ب 30 الف
وشكل الكوشه مال 10 الاف قصدي مال ببلااااش
الكرسي مالها هي وريلها كرسي عادى وحطوه فوقها غطا ابيض
وهي الكرسي اللى كان في الصورة مغرق بالورد لازم اتسوووون شرات ريم النعيمي
الله يغربلهم ان شا الله..واصلا الكوشه ماتكلفهم حتى ال10 الف واخر شي ب 40 وب 30 عفانا الله نصب نصب

[مبروكين]

الله المستعان

[مهره المنصوري 2]

اختي عليكم بحقوق المستهلك وايد بيساعدوونكم عن تجربه

[مريوم ش]

مهره المنصوري عطينا رقمهم ؟؟؟