مشكلتي ويا عمتي

[أم زيودي]

اول البارحة يا بنات كنت رادة تعباانة البيت وكنت يايه اخذ بنتي عسب اسير بيت امي اودي اغراااض الحفلة ( لان ثاني يوم كان عيد ميلاد بنتي )المهم رديت البيت ما لقيت بنتي ( انا واختي نسكن نفس البيت لان رياييلنا اخوان ) المهم دقيت على اختي اسال عن بنتي قالتلي شليت كل اليهال وديتهم بيت عموتنا ( بيتنا وبيت عموتنا في نفس المنطقة ).. دقيت على عموتي وقلت لها ظهريلي العيال انا عند الباب قالتلي لا انا طالبتلهم عشا وبعده ما وصل وهم ما تعشووا ..قلت لها عيل ظهريلي البشكارة على الاقل لاني ابغيها تحمل معاي اغراض اللين اليهال يتعشوا قالت لي اوكي

سرت بيت عمتي وظهرت بشكارتي ويا بنتي ..دقيت على اختي وقلت لها خلاص باخذ بشكارتي وبنتي وبسير بيت اهلي قالت خذي ولدي الصغير وياج لانه تعبان ومحده يعرفله غير بشكارتج ... كان اقوول لبشكارتي ردي ييبي الصغيرون ويابته وسرت بيت اهلي

وبعد ساعه دقت عموووتي وقالتلي وينه الصغيرون قلت لها عندي .. والا اطيح فيني تهزيء ليش خذيتيه ..قلت لها امه قالتلي .. وليش ما استاذنتي ..قلت لها انا نفس الوقت رجعت البشكارة تييبه ..قاتلي اهو ما كان عندي يوم بشكارتج شلته وانا يلست ادووورة اتحراااه ظهر من البيت وما خلت كلمةما قالتها ..

انا قلت لها بعد ما تعبت من التبرير خلاص عمووه حصل خير .. والا تقوولي باااااااااااااي واتقفل

دقيت على اختي وقلت لها السالفه .. وقلت لها مرة ثانيه لو سمحتي ما لي علاقة بعيااالج ..وكنت معصبة وريلي مساااافر والا ادق عليه تالي الليل وقلت له السالفه كا يقووول ما عليه انتي لا تفتحين الموضوع وسوووي عمرج انه ما صاار شيء

ثاني يوووم في الحفلة انا دشيت وسلمت على عموتي كنه ما صاار شيء ويووم ظهرت كان عموتي تقوول لاختي السالفة قالت لها اختي هيه انا قلت لها يا فلانه خذيه وياج لانه مريض

اشووي والا ينقع البوكس بينهم وقالت عمتي انتوا ما تأمنون على عيالكم عندي انا فاهمة كل شيء .. فلانه ( اللي هي انا ) ما تحب تخلي بنتها عندي <<< مع العلم ان بنتي يوميا ابوها يوديها العصر بيت امه واييبها المغرب

انا وصلتني السالفه وحزت في خاطري ان من ولا شيء صارت مشكله
طبعا امي هدت السالفة بين اختي وعمتي وقالت لهم لا تفضحونا الناس يالسين واختي اتعذرت لعمتي

طبعا انا كنت في الصاله الثانية وخلاااص من القهر كنت بظهر وبودر الحفلة .. وبعد شوووي كان عمتي اتي الصالة اللي انا فيها والا اقوولها تعالي عمتي برمسج وما طاعت وقلت لها لو ما رمستيني بظهر من الحفلة والله والا لااتيي وياااي الغرفة وقلت لها ان في سوء فهم بينا لا اكثر المهم تمت لاوية بوزها وقلت لها اللي عندي وظهرت من الحجرة

خلصت الحفلة ودق ريلي يطمن على الاوضااع قلت له كل اللي صار .. وقلت له انا موو زعلانه بس ما احب احد يفهمني غلط ويضن فيني ضنمو حلووو

كان يقوولي انزين عشاااني سيري اشتري هديه لامي وهاديها خل تصفه النفوووس

اليوم رديت من بيت اهلي طفت خذيت حق عموتي اسوواره ذهب وخذيت نص الهدايا اللي وصلت لبنتي وشريت عشا ودشيت اتسبح وقلت بخلص وبسير بيت عموووتي اكمل الفلم اللي بدا من ثلاث اياام .. اول ما طلعت من البيت اكتشفت ان عموتي موجوده ويوم ظهرت لها قالتلي انا يايه اشووف اختج قلت لها هي مو موجوده

وسرت قربت لهم العشاااا..وخليت بنتي عقب العشا تعطي الهديه ليدوتها وقلت لها هااي هديه من بنتي بمناسبة عيد ميلادها ليدوتها والا تقول عمتي المفروووض نحن نهاديها مب هي تهادينا وشلت الكيسه وحطتها على صوب وما رمست

خلصت عمتي من يلستها وقايمه اترووح حلفت عليها اوصلها البيت ووصلتها وعطيتها نص هدايا بنتي حق العيال في بيتهم عسب يستانسون

وهذا كل اللي صاار

الحين بالذمة عليكم انا شووو سويت عسب تزعل ..وانا اللي ضايجني اني من يوم خذيت ولدها اول مرة ترفع صوتها علي انا يا بنات في حالي ما احب المشاكل موول ولا احب احتك في احد وريلي يعرف هالشيء

وهل الشيء اللي سويته صح والا اكووون نزلت من كرامتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية