شو هالقانون ؟؟؟؟؟

**توته الحلوه** · 2009-06-19, 17:59

بصراحه لازم يلقون حل ف سالفة الخدامات الي يشردن والله مب حاله هاي

كانت عندي خدامه اثيوبيه وشارده من 6 سنوات ونص

وتوهم زاخينها ومتصلين بنا من سجن الجنسيه والاقامه في دبي... يقولون تعالوا ادفعوا 1500 قيمة تذكرتها او ملفكم بيتسكر؟؟؟ّ!!!

يا سلام شو هالقانون الي ما يخدم غير الخادمات ويقووويهن علينا ؟؟
الخدامه ما اشتغلت عندي غير 3 اشهر وشردت عني من 6 سنوات وتوهم نشوا من رقادهم وزخوها

يعني اشتغلت لين ما قالت بس والحين ايي انا ادفع لها قيمة تذكرتها ؟؟؟

بصراحه قهر يضرب الادمي لا بارك الله فيهن من خادمات

لازم يشوووفون حل لهالموضوع

والله مب حية 1500 درهم لكن ليش هالقانون الي ما فيه اي فايده غير ان الخدامه لو تشتغل يوم واحد وتشرد واتغط سنيييين وخلاف ايبونك تعال ادفع لها عشان اترد بلادها

اتريا تفاعلكم

المزيد من آخر المواضيع من نفس القسم:

**جميلتي** · 2009-06-19, 18:05

لا حول ولا قوة الا بالله

الله يعينج حبيبتي والله هالقانون مايفيد الشعب كله لصالح الخدامات

**أم آمنة** · 2009-06-19, 18:10

صدقج والله

القانون اهنيه مع الخدم وضد الكفيل
الله يعين بس

**البنوته الحلو** · 2009-06-19, 18:16

الله يعينج أختي
حتى نحن عندنا واحد من الأهل شارده عنه وحده خدامه من نصف سنة ولين الحين ما محصلينها

**شوق شوقي** · 2009-06-19, 18:26

الله يخسهن يعلهن مايتباركن نحن شارده عنا وحده وقالوا مابنعمم عليها لين ماتدفعون حق التذكره

والله قهر الواحد شو بيسوي الله كريم

**اغلى ناسي m** · 2009-06-19, 18:38

القانون مابحطونه منه والدرب

ليش ماتفكرون اذا كل كفيل مادفع فيقدر انه ايب كذا وحده وبكل بساطه يقدر يستغنى عنها ... ودام هالقانون يجبرهم انهم يدفعون فوااايد من الناس منتبهين لسالفه الدفع ومنتبهين للعمال الي ايبونهم

ها من وجهه نظرى لان الدوله مابتي وبتحط قانون منه والدرب

**حرم حمد** · 2009-06-19, 19:22

صدقتج والله....الله يعين

**ميثانو** · 2009-06-19, 19:49

خل يدفعون اللي كانت عندهم والمفروض يعاقبون اللي يلمون الشاردات

كانت عندب خدامه اثيوبيه المهم 3 سنات ماشفت شرها سارت وعلىاساس انها بترد المهم ياليوم اللي المفروض اتكون فيه في البلاد مايت ياربيه ولااتصلت جان اقوم واتصل لاهلها ابوها يتكلم اللغه العربيه كلمته وقلتله بنتك وين قال هي من 5 ايام سايره الامارات قلتله على العموم لاتخاف انا بشوف الموضوع المهم طلعت الاخت داخله البلاد ومايتني قدمنا البلاغ وخبرت ابوها انه هي مو عندي وبريت ذمتي
بعد فتره الاخت متصله علىموبايلي مدام والله انا سوري واباج تنقلين كفالتي سايرتها وقلتلها انزين عند امنوه انشاءالله قالتلي بس انتي عطيني بطاقتي وانا بتصرف المهم طلعت اسم صاحب الرقم اللي هي متصله منه وطلعت الاخت هاهاهاها تشتغل في مقهى في بوظبي المهم بكل جراه كلمني اللي هي ساكنه عندهم قلتله ان اتصلتوا على مره ثانيه القتطك بالسناره انته والحوش اللي معاك في دقيقه
تميت ادعي يالله يزخونها في قضية اداب ويحطون صورتها في اخبار الامارات
بعد فتره الاخت متصله اتصيح مدام سامحيني انا ابا ارجع انتي غير وانتي وانتي المهم قلتلها انتي ماقدرتي النعمه اللي كنتي عايشه فيها راحه × راحه
المهم قلتلها انا ماباج (مشتغله في المقهى وين اامن فيها )..... ومن يومها وانا حاطه ترباس على بابي اخاف تي واتسويبي شي
وتبت ومنها توبه سويت × على الاثيوبيات من هالموقف لمن المفروض الخدامه من توصل البلاااااد يخبرون الكفيل وماتتطلع من المطار لين مايستلمها الكفيل هالقانون الصراحه مو يوم زخوهم تعالوا دفعوا
والله لو يزخون الحبشيه حبش بش اللي كانت عندي مادفعتلها الروبيه اللي ي الروبيه مادفعتها خله صاحب المقهى يسفرها

**kho** · 2009-06-19, 19:54

حسبي الله ونعم الوكيل ..

خيسيها كمن شهر في السجن ..

اربيعتي اول ماتبيهن من المكتب تكون ماخذه عقد من المكتب نفس ان في حال شردت هيه تتكفل بدفع تذكرتها وصح اللي سوته تمت ٥ شهور وشردت لول

الله يعينا من مصايبهن لا بارك الله فيهن..

**هواجس الزيودي** · 2009-06-19, 21:18

لا حول ولا قوة الا بالله

**شهدات** · 2009-06-19, 21:26

الله يعينكم والله يعني ع قولتهم ميته وخراب ديار

**‘ملـــM!ssـآك** · 2009-06-19, 22:20

نحن مابنخلص من سالفة البشاكير .. الله يغربلهن

بس الصراحه ماشي انصاااف بهالقانون ابد ...

هو اللي مخلنهن مستقويات ويتمخطرن في البلاد على كيف كيفهن

**العنا19** · 2009-06-19, 22:30

والله معاج حق

يعني صاااايرين دوله تخاف من كل شئ بسبب حقوق الانسان

مقوى الخدم علينا

كان لابد من ورقه توقعها عند استجلابها من بلادها ان فى حالة اضرار الكفيل عليج تبليغ السلطات وفي حالة هروبك من الكفيل دون ابلاغ السلطات تسقط حقوقك وتعاملين كهارب من الخدمه المجلوبه لادائها

كذا تتسكر حلوق حقوق الانسان وتقوى شوى شوووكتنا مو كل شوى ضاحكين علينا لا بركت فيهم

**رصـ قلم ـاص** · 2009-06-19, 22:33

القانون ابداا ما ينصف المواااطن والشكوى لغير الله مذله

**سو سو** · 2009-06-19, 22:36

اصلن كل شيء ضد الكفيل من مكاتب الخدم لين القوانين اللي ضد الكفيل كم رمسنا بس مافيه فايده

الموضوع: شو هالقانون ؟؟؟؟؟

أدوات الموضوع

عرض

شو هالقانون ؟؟؟؟؟

المزيد من آخر المواضيع من نفس القسم:

المواضيع المتشابهه

صدق هالقانون اليديد؟؟؟