iphone 3G - 16GB

[ماروكووو]

السلام عليكم

ممكن تعطوني مميزات الآي فون؟

وكيف أسوي عملية الضبط (لأنه يديد)؟

وكيف أنزل أشياء من موقع www.apple.com ؟ مع العلم إني نزلت برنامج itunes من الموقع بس يوم أفتح البرنامج يطلعلي إنشاء حساب جديد (عشان أقدر أستخدم البرنامج وأنزل اللي أباه) بس في أشياء في خطوات إنشاء حساب جديد مافهمتها ،، أرجو التوضيح؟!!

وشو الأشياء اللي ماقدر أسويها في هذا الموبايل؟ يعني شو هي عيوب الآي فون؟

إسم الموبايل: آي فون 3جي iphone 3g
السعة: 16 جيجابايت 16GB

أتريا ردودكم الحلوة ^___^

المزيد من آخر المواضيع من نفس القسم:

• Galaxy Buds Pro تتضمن نسختها من ميزة الصوت...
• بوكو تختار الامارات لاطلاق أحدث هواتفها...
• تسريب يكشف عن أسعار هاتف ‏Galaxy S21‎‏ من...
• iOS 14.3‎‏ يجلب أفضل تقنية للتصوير من ...
• Xiaomi تتحدى آبل بساعة ذكية متطورة وجديده
• آبل تكشف عن سماعات الرأس إيربودز ماكس
• مستخدمو هواتف آيفون 12 يشتكون من مشكلات في...
• آيفون قد يأتي بعدسة Periscope من سامسونج
• سامسونج قد توقف هواتف Galaxy Note الذكية
• تقنية iOS 15 لن يدعم iPhone 6s و iPhone SE...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماروكووو]

!!!!!!!!!!!!!!!!!!!!!!!!!!!!!!!!!

وين الردود

؟؟؟؟؟؟؟؟؟؟؟؟؟؟؟؟؟؟؟؟؟؟

بليز ردو على موضوعي

!!!!!!!!!!!!!!!!!!!!!!!!!!!!!!!!

[ὼᾅṝḋ]

وعليكــم السلام

إختي ماروكووو ,, أنا كان عندي iphone 3G وديته للي يبعون التلفونات عسب يحط لي فيه برامج ,,

لأني ماعرفت أنزل فيه شي من itunes ,,

بس حط لي كله ألعااااب *_*

السموحة منج إختي لأني مافدتج في شي ,, بس حبيت أرفع لج الموضوع ^_^

إن شاء الله حد يرد عليج ويفيدج ..

ومبرووووك عــالـ iphone .. ^___*

[ماروكووو]

فديت روحج يا ὼᾅṝḋ
مشكورة وايد حبيبتي

أنا اشتريته من اتصالات ونزلولي برنامج 3.0 اليديد واللغة العربية

خواتي أتمنى تفيدوني لأنه الآي فون لين الحين ماعرف كيف أنزل فيه أي شي من برنامج itunes

بليز اللي تعرف لا تبخل علي بالرد
ثانكس مقدما ^___^

[طيبة الكويتية]

سلام عليج الغالية
عندي iPod
لكن تقريبا نفس المواصفات و الاستعمال, بس الفرق انه اللي عندي مافيه تلفون مو اكثر.
شوفي الله يسلمج, اول خطوه تنزلين i tunes
بعدها تشوفين الأغاني او الصور اللي تبين تحطينهم في تلفونج و تحطينهم في فولدر محدد علشان يصير الوصول لهم اسهل لج, يعني الصور بروح و النغمات بروح.
الحين تفتحين البرنامج الأي تونز, و تشوفين مثلا اذا تبين تضيفين نغمات روحي عند Music, تلقينها على اليسار
بعد ما تضغطين عليها روحي عند File, بعدها ِAdd file to library . و تختارين الفولدر اللي فيه النغمات من جهاز الكمبيوتر مالج.
و الصور نفس الطريقه و مقاطع الفيديو بعد نفس الطريقه.
بعد ما تضيفين كل شي تبينه, الحين عاد وصلي I Phone , مالج بجهاز الكمبيوتر بالوصله مالته و دايركت كل شي راح ينتقل له.

انا جذي اسوي بالأي بود مالي. ان شاءالله اكون ساعدتج يارب.

[ماروكووو]

مشكورة اخت طيبة الكويتية
ماشاء الله عليج
كفيتي ووفيتي
بحاول اليوم أجرب اللي قلتيه وان شاء الله أفلح


بس عندي سؤالين:
1- في خطوات عمل حساب جديد في itunes في خطوة لازم أكتب فيها رقم بطاقتي الإئتمانية (visa) والكود نمبر ،،، حاولت أتجاهل هالخطوة بس يكتبلي البرنامج انه لازم أسوي هالخطوة عشان يكتمل تسجيل الحساب الجديد. حد عنده طريقة أقدر أتفادى فيها هذه الخطوة؟
2- انا نزلت البرنامج في لاب توب اخوي ،،، والمشكله انه لما افتح البرنامج يطلعلي صور اخوي وربعه والاغاني مال اخوي وكل الفايلات ماله بالإضافة لفايلاتي !!! يعني اذا فكرت امسح من برنامج itunes كل شي يخص اخوي بينمسح بعد كل شي من اللابتوب ولا بس بينمسح من البرنامج نفسه؟

بليز خبروني والله احترت >_<

[دانة82]

والله أنا بعد وصلني التلفون هدية ومتخصبقة مب عااااااااارفة شو أسوي فيه..

أنا بنزل موضوع أطلب فيه ( النجدة !! ) من البنات ... وإذا حابة تابعيه يمكن يفيدج

[ماروكووو]

هههههههه ان شاء الله بتابع موضوعج يا دانة82
وان شاء الله يفيدونا خواتنا ويسهلون علينا استعمال الآي فون
^________^

[طيبة الكويتية]

مشكورة اخت طيبة الكويتية
ماشاء الله عليج
كفيتي ووفيتي
بحاول اليوم أجرب اللي قلتيه وان شاء الله أفلح


بس عندي سؤالين:
1- في خطوات عمل حساب جديد في itunes في خطوة لازم أكتب فيها رقم بطاقتي الإئتمانية (visa) والكود نمبر ،،، حاولت أتجاهل هالخطوة بس يكتبلي البرنامج انه لازم أسوي هالخطوة عشان يكتمل تسجيل الحساب الجديد. حد عنده طريقة أقدر أتفادى فيها هذه الخطوة؟
2- انا نزلت البرنامج في لاب توب اخوي ،،، والمشكله انه لما افتح البرنامج يطلعلي صور اخوي وربعه والاغاني مال اخوي وكل الفايلات ماله بالإضافة لفايلاتي !!! يعني اذا فكرت امسح من برنامج itunes كل شي يخص اخوي بينمسح بعد كل شي من اللابتوب ولا بس بينمسح من البرنامج نفسه؟

بليز خبروني والله احترت >_<

ماله داعي تسوين اشتراك و تحطين رقم الفيزا مالج لأنه البرنامج ماراح تستعملينه الا لنقل الشغلات اللي تبينها من الكمبيوتر الى الأي فون.
الا اذا انتي حابه تشترين اغاني و العاب و شغلات من عندهم لازم تحطين رقم الفيزا.
لما استعمل i tunes,و يطلب مني التسجيل اقوله تجاهل لأني ما ابي اشتري اغاني و خرابيط من عندهم.

بالنسبه لفايلات اخوج اللي على البرنامج ماراح تنمسح من الكمبيوتر بس من البرنامج, جربي سوي لهم حفظ بس بملف خارجي علشان اي وقت يبيهم يلقاهم كلهم بنفس المكان مو اكثر.

فيه نقطه مهمه الغاليه, اتمنى تكونين اذكى مني
لما تكونين ضفتي الشغلات اللي تبينها على الأي فون مالج و خلصتي, و بعدها بفتره تبين تضيفين شي زود. لازم تضيفين للبرنامج i tunes كل الشغلات القديمه مالتج و الجديده اللي تبين تضيفينها, ولا راح ينمسح كل شي من الأي فون مالج و ينضاف الجديد بس.
جذي صار معاي ب i pod مالي ما ادري عاد الأي فون نفس الطريقه ولا لأ.

ان شاءالله اكون بسطت الأمور و ما عقدتج و اي سؤال ثاني انا بالخدمه