انا حامل وإستخدمت ..؟!!

[زوجة الملازم]

السلام عليكم والرحمه

مساكم الله بالخير

خواتي العزيزااات اتمنى تفيدوني ..

باللي سويته ..!!!


أنا حامل ووبعد كم اسبوع بدش الشهر الثاني وهذا اول حمل لي ..
"الله يثبته ويحفظه من كل مكروه ..."

المهم خواتي :

أنا استخدمت التشقير لويهي وما كنت اعرف ان التشقير مب زين للحامل

وبـ صراحه من دريت مت خوف والله ..

"بسم الله الذي لا يضر مع إسمه شي في الأرض ولا في السماء وهو السميع العليم "

حد منكن شقرت وهي كانت حامل ..؟!!

طمنووني الله لا يهينكم


/


اختكم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فريدة]

ان شاء الله مفيش مشكله بس إدعي

[ام شوق وعزوز]

والله أنا أسوي تقشير في الشهر مرتين للوجه والحواجب والحمدلله ماكو شي

[زوجة الملازم]

فريده :-

مشكوره ع النصيحه وانا الحمد لله ادعي واقرى المعوذات ..

أم شوق وعزوز:
مشكوره حياتي طمنتيني الله يطمن قلبج
ويخليلج شوق وعزوز ^.^

[εїз]

ماعليج شر ان شالله انا كنت اشقر واصبغ والامور طيبة

[miss madam]

عادي حبوبه بس لا تكثرين اضمن

الله يسهل عليج يارب

[nourlglb]

عادي الغلا

لاتحاتين

انا استخدم التشقير طول فترة الحمل

والحمدلله ما صار شي

الله يحفظ جنينج من كل شر ويسهل عليج

[عنود الحب]

انا بعد اشقّر حيّاتي

بس من بداية الحمل ماشقّرت كنت اخاف .. لين الشهر الرابع سألت الدكتوره وقالت عادي اشقر



بس يعني يوم سويت سيرج ف قوقل .. شفت حريم يقولون لا ومب زين وجيه .. وبعضهم يقولون عادي

ف ما ادري

[Miss D&G]

فكري فيها حبووبه
الحمال في البطن

والتشقير عالويه ^^

وين الخوف في الموضوع
وين البطن وييين الرحم


الله يوفقج الغاليه

[اليافعيه]

انا استخدمه طول فترة الحمل وهاذا حملي الثالث والحمدلله ما صار شي
اطمني

[بنت الفلاني]

الغالية انا شقرت كذا مرة وانا حامل


يقولون مب زين والله الحافظ


الحمد لله ما اثر على عيالي

[Fafi]

عشان اكون وياج صريحة .. يفضل اول ثلاث شهور الحرمة تبتعد عن الكيماويات بشكل عاام من اكسجين و اصباااغ حتى المنظفااات (ديتول + جف ... و غيرهن) ... ووو سألت الدكتورة بخصوص التشقير قالت عقب الثالث احسن .. و الأخت اللي قالت شو علاقة التشقير بالرحم .. ترااا الأم تروحه و يدخل في سيستمهاااا و النونو يتأثر بكل شيء امه تروحه ووو تاكله و تشربه .. عشان جيه يوصون إن الحرمه ما تروح الدخااان ..

عشان جيه .. انتي شقرتي مب مشكله بس الحين اتعرفين .. اتريي لين ما تدخلين الرابع ووو سوي اللي تبينه ..

وو في الأول و الأخير .. الله الحااافظ إختي .. الله يحفظ جنينج ووو أجنة كل الحوامل من كل شر يااا رب

[نونه بوظبي]

حبيبتي انا اعرف وحده شقرت وهي حامل والله يحفظج ويحفظ لج عيالج بنتها صاار لها تشوهات بس لاتخافين دام الحريم يقولون انهن يستخدمنه وهن حمل



انا عن نفسي ما استخدم اي شي لين ما اربي بالسلامه

[هنوده]

اول مره اسمع انه التشقير مضر للجنين انا الحمدلله من عرست وانا استخدم التشقير مرتين في الشهر والحين الحمدلله عندي ثلاثه ربي يحفظهم لا تخافين حبيبتي بس اذا موسوسه لا تكثرين منه

[زوجة الملازم]

فدييييييييتكن خوااتي والله ما قصرتن ويزاكن الله خير
طمنتني الله يطمن قلووبكن ويخليكن لكل غالي عليكن
وان شاء الله انا ما راح استخدمه الين ما اربي ان شاء الله
خاصه ريلي اول ما درى اني شقرت عصب وقال اول مره واخر مره
وقال لو استخدمتيه والله لا امسك المشقر واجبه كله عنج<<ما عنده واحد ولا ثنين

/


فالنهاايه :
ان شاء الله ماراح يصير الا كل خير
وربي يحفظ لي جنيني وجنين كل حامل
واشكركن مره ثانيه خواتي الغاليات