بنات تعالوا شوي ^_^

**( نـــــوره )** · 2009-06-12, 11:48

السلام عليكم

هلا خواتي الغاليات

الصراحه بنات بغيت اسألكم منو منكم حلمت بجنس البيبي وتحقق حلمها ؟؟؟

يعني انا من حملت وانا دايما احلم البيبي بس من غير تحديد جنسه يعني ماعرف اذا كان بنت ولا ولد ..بس أمس سبحان الله قبل لا أرقد بروحي يلست أقرا سورة يس ونفث على صدري علشان ربي يسهل عليه الحمل والولاده مع اني بعدني في الرابع بس من الحين أفكر في الولاده هههههههههه المهم بعد مارقدت حلمت اني يايبه بنت وكنت فرحانه فيها وايد وهاذي اول مره اشوف في النوم جنس الجنين .. فهل معنى هذا اني بييب بنت ؟؟؟ منو حلمت انها يابت بنت وصدق يابت بنت ومنو حلمت بالولد ويابت صدق ولد ....

المزيد من آخر المواضيع من نفس القسم:

**رآحت أيامك ,** · 2009-06-12, 13:22

هههههههه فديتج والله الله يفرحج ويسهلج الولاده يارب العالمين ...
ماعندي علم لاني ماحملت للحين ..............

بس حبيت ارفع لج الموضوع ^_^

**( نـــــوره )** · 2009-06-12, 13:23

المشاركة الأصلية كتبت بواسطة رآحت أيامك ,

هههههههه فديتج والله الله يفرحج ويسهلج الولاده يارب العالمين ...
ماعندي علم لاني ماحملت للحين ..............

بس حبيت ارفع لج الموضوع ^_^

مشكوووووووووره حبيبتي على رفع الموضوع وربي يرزقج قريب الذريه الصالحه يااااااااااااااااااااااااارب ^_^

**شوق _ زايد** · 2009-06-12, 13:25

للرفع

**nono23** · 2009-06-12, 13:27

انا كانت كل احلامي ان عندي بنيه وطلع فيني بنت .. الله يسهل عليج يانوره

**( نـــــوره )** · 2009-06-12, 14:15

المشاركة الأصلية كتبت بواسطة nono23

انا كانت كل احلامي ان عندي بنيه وطلع فيني بنت .. الله يسهل عليج يانوره

مشكوووووره الغاليه .. تدرين انا خاطري في بنوته لان هذا اول حمل لي والبنت سهله تربيتها مب مثل الولد .. الولد ماشاءالله عليه صعب شوي .. بس مع هذا اللهم لا اعتراض ^_^ راضيه بكل اللي الله كاتبنه لي لان لعيال نعمه من رب العالمين وكلهم حلوين .

**البدواويه** · 2009-06-12, 14:33

انشا الله ربي يعطيج الا في خاطرج

***جووري*** · 2009-06-12, 15:12

في بداية حملي انا بعد شراتج احلم بنونو بس ما اعرف اذا بنت ولا ولد عقب اختي قالت لي انها حلمت اني كنت في مكان عااام حديقه اضني وكنت اقراء سوره مريم ولما فسرته قالت لي انه فيني بنت وعقب انا بعد حلمت ببنوته والدكتوره قالت لي انه فيني بنت والله حيل استانست واتريااا اشوفها بكاامل صحتها لني انا بعد بكريه وكان خاكري ببنوته

**غاية الضوء** · 2009-06-12, 15:31

اللـــــه يسهــــل عليــــج غناتي . =)

**ام بخيتة** · 2009-06-12, 16:03

انا عن نفسي استوا لي نفسج قبل حلمت اني يايبة ولد وماشاالله كانت صحته زينه
والحمدلله يبت ولد

**ونة اشعاري** · 2009-06-12, 18:23

عيل انا شكلي عكسكن هههه السونار يقول شي وانا احلامي شي ثاااااااني
على اساس فيني بنوته بس دوم احلم اني يبت ولد اكثر من 3 مرات .. حتى الاهل يحلمون فيني اييب ولد

ماعرف الصراحه مع ان السونار اكدلي العكس

بس ماعندي اي اشكاليه بالعكس بفرح اذا كانت بنوووووته او اذا كان ولد

**جوري احمر** · 2009-06-12, 18:48

انا كنت حامل بولد وطول فترة حملي وانا احلم عندي ولد والحمدلله على كل حال

**هنوده1** · 2009-06-12, 18:51

أنا أخت ريلي حلمت أن اللي فبطني ولد

وطلع ولد سبحان الله

**( نـــــوره )** · 2009-06-12, 23:16

تسلموووووووووووووووووووووووووووووووون خواتي الغاليات

الصراحه ردودكم اسعدتني واااااااااااااااااااااايد ^_^

**RNEN** · 2009-06-12, 23:26

ولد ان شاء الله
لاني حلمت اني ربيت ويبت ولد بس استوى العكس يبن بنوته ربي يحفظها لي ان شاء الله

الموضوع: بنات تعالوا شوي ^_^

أدوات الموضوع

عرض

بنات تعالوا شوي ^_^

المزيد من آخر المواضيع من نفس القسم:

المواضيع المتشابهه

تعالوا يا بنات ..........

بنات تعالوا

يا بنات تعالوا شوفوا ..... بسرررررررررعه .. تعالوا ... بسرعه..

بنات انا فزت تعالوا

كيف تميزون بنات الادبي عن بنات العلمي......تعالوا نضحك شويه