ساعدوووووووني ؟؟ ابغي .........

[غريبة زماني]

السلام عليكم و رحمة الله و بركاته ..
شخباركم خواتي ..
بغيتكم تساعدوني .. أنا ابغي اضغف .. و تعرفون إذا نبي نضعف ما ناكل أكل دسم مثل الرز ( العيش ) أو ما نتعشا .. أنا ابغي اضعف .. لكن إذا بغيت اضغف .. أتحمل شوي و لكن ف نفس اليوم ما اقدر أكمل .. أحس اني مييييييييييييييييييييييييييييتتتتة من اليوع .. ما اقدر اسوي اي شي .. اعصب بسرعة .. اتضايج .. و يكون خاطري بأي أكل يكون دددددددسسسسسسسسسسسم .. أقولهم ما اقدر اتحمل ابغي شي دسم .. ابغي شي يتقلى بالزيت .. شي فيه نسبة دهون .. و بعد ما أكل احس اني ارجع طبيعة .. يعني ما اعصب ..... ساعدوني الله يخليكم .. و انا ما ابغي اروح لأي عيادات مثل دكتور نيوترشن أو أي مكان .. سسسسساعدوني و الله تعبت .. و حتى خاطري اتخيل بس مجرد تخيل كيف بيكون شكلي لما بضعف ..
نسيت اقولكم طولي تقريباً 161 و وزني 97.5 ( اعرف وووايد متينة ) و عمري 17 سنة ..
و نسيت اقولكم .. اي حد اقوله ابغي اسوي ريجي يقولون لي لازم تكون عندج عزيمة و انا ما عندي ..

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فطأمي]

فديتج الغالية وايد صغيرة على هالوزن
ممممممم السموحة فديتج مابقدر افيدج اتمنى لو اني اقدر افيدج بس انا عكس مشكلتج ابا امتن !

في حل واحد تعطيني شوي من متنج وتاخذين ضعفي ^.*
الله يوفقج غنآتي وان شاء الله يحقق لج اللي تبينه

[غريبة زماني]

اشكرج اختي عى مرورج الطيب .. تبين تمتنيين.. احس لج تمي ضعيفة .. المتن ما راح ينفعج رح اييب لج الأمراض ( ههه)

[|~القلب الطيب~|]

آآآآآآآآآه قلبي عليج صدق غمضتيني


فديتج لازم لازم لازم تضعفين خلي عندج إراده



كلنا شراتج يوم نمتنع من شي نعصب ونتضيج وينعفس يومنا


بس لازم انتي ترسميلج هدف وتسعين توصليله


والاهم من ها كله تشجيع الاهل لازم يكون موجود


انا ماكانت عندي اراده قبل بس عقب تعبت صدق من ظهري وريلي الله لايراويج الالم لي ياني


كنت ماروم اركع او اسجد كله اصلي يالسه واتونص يوم اسجد من الويع وماروم امشي


فمن جي صارت عندي اراده وملحه بعد اني اضعف


فاول شي سويته سرت عند نيوترشن عسب التزم غصبا ً عني<<<صح اخربط شوي بس الحمدلله اسبوع عن اسبوع وحمدلله نزلت خمسه خلال شهر


وبعد هنيه خواتي وايد شجعني وعطني وزن لازم اوصله ويوم اوصله ياخذلي هديه<<<<ياحظي:$



وحمدلله من نزلت الخمسه وايد تغير شكلي الحمدلله ولبس كان ضيق عليه والحين صار اوكي حتى نفسيتي تحسنت الحمدلله


فديتج لازم لازم لازم تخلين عندج اراده تضعفين وشاركي في نادي عسب تلعبين رياضه وحطي في بالج ان الرياضه وايد تعدل النفسيه




ابدي فديتج ونحن وياج ان شالله بنشجعج^^

[um 7mo0o0d]

هلا حبيبتي

انا ما بزيد على كلام صدييييييييقتي العزييييييييزه القاطعه فديتها القلب الطيب ^^

بقولج شي انا باديه فيه

حبيبتي .. فكري فنفسج فحيااااتج وفشكلج يوم بتضعفييييييييييييييييين ,, الرشاقه > صحه> ثقــه> جمال
المتن > مرض> انعدام ثقه > حزن واكتئاب وعدم رضا > شكل مب حلو ^^

ابدي برجيم بروتيني عندج النت مترووووووووووووس رجيمات شوفي شو يناسبج وابدي توكلي على الله حبيبتي بس خخخخخخخخخخخخلي عندج اراده

انا بقولج سالفتي خخخخخخخخخخخخخ

انا قبل سنه ونص قبل ما اتزوج وزني 72 يا سلاااااااااااااااام كنت مليانه لكن كنت راااااااااااضيه وايد

طبعا بدايه العرس تتغير عندج الهرمونات والريل كل يوم مطعم وطلعاااااااات وشهر عسل كله اكل خخخخ الموهييييييييييييييم زدت لين 77 =)

حاولت انزل وزني بس قلت خل اروح اتعالج عشان احمل لاني تأخرت فالحمل طشوونه وريلي وانا كنا مستعيلين المممممممهم ابر وحبوب وزدت فشهر ونص علاج 10 كيلو وصرت 87 كيلوغرام!!!!!!!!

ااااااااااااااااااخ من النفسيه كانت داون ... عقبها حملت الحممممممممممممممدلله رب العالمين .. ومرت الشهور على خير وربيت وبعد ولادتي فنفس اليوم قاسولي وزني وكان 107 كيلو غرام =0( >>> زدت 20 كيلو اااه بس

وعقبها خلاااااااااااااااااااااااص قررت اظعف وخلال شهر ونص نزلت لين 92 ... يعني انا خسرت 15 كيلو غرام

كنت اشرب سوااااااااااااااااائل وما اتعشا الا روب وكنت اتغدى بكيه بسييييييييييييطه لا تذكر =
)

والحين لي 5 يوم من الرجيم مال الدكتور اسامه حمدي ويمدحوووووووووووونه ورا باجر بوزن ويارب ادخل عالم الثمانينات وافرررررررح ^^


يالله انا ما قلت سالفتي الا عشان تتشجعين ^^

شدي الهمه والاكل ترا ما بيخلص والقهر حلااااااااااااااااته فالحلج بس لكن فالجسم يسوي بلاوي خخخخخخخخخ


والسموحه

[ميمي الشقية]

الله يوفقج و يا رب يقوي ارادتج و قريب نشوفج من الرشيقات

[اسمهايت]

الارداه اهم شي حبيبتى والعزيمة
تعرفين خذي صورة عارضة ازياء من مجلة او من نت وحطيه عندج بالمرايه عشان كل ما تشوفيها ما تاكلين

[غ ـرشوبة R@K]

مـآفي شي أيي بألسـآهل لاازم تكوون عندج إرآده وعزيمه وصبر...
من دون هالشي مـآ ينفع ... إلا إذا دخلتي عمليات .. الله يبعدها عنج وعناا جميعن ..

حطي هدفج قدآآمج شو الممكن يصير بعد ما تضعفين تخيلي اللبس الراقي الحلوو اللي بتلبسينه
وتخيلي شكلج كيف بيكوون وبيزيد حلاه وحيوويه .. هذا طبعا بالأكل الصحي وبتنظيم حيااتج بالصح ..

وربي يصبرج ويقووويج إن شااء الله في كل اموورج ... والحمدلله ع كل شي

[احساس زمن]

غريبه زماني



ايييييه دبوووووووه ^_^



شو ها بعد اونه اذا ماكلت شي دسم اعصب !!!!




يبالج قرصه شوووو بينفعج هالدهن ؟؟؟


كله مضره ولا منه فايده



تعاااي ويانا وتشجعي وحطيلج هدف يعني انا هدفيا لين يوم العيد اكون موصله 69


ولو 70 والله نعمة كريم المهم نكون بصحه وعافيه


خل عنج الدلع والتعصيب اللي مامنه فايده وحياج ويانا


نحن في القروبات نخبص ونلتزم لاكن ان خبصنا لازم نزيد الرياضه ^_^


يعني كلنا يد وحده


يلا حبوبه ذكريه الله وحطي نيه انج تبدين ويانا


ونترياج في اي موضوع تبينه ^_^

[Al-Darmaki]

السلام عليكم و رحمة الله و بركاته ..
شخباركم خواتي ..
بغيتكم تساعدوني .. أنا ابغي اضغف .. و تعرفون إذا نبي نضعف ما ناكل أكل دسم مثل الرز ( العيش ) أو ما نتعشا .. أنا ابغي اضعف .. لكن إذا بغيت اضغف .. أتحمل شوي و لكن ف نفس اليوم ما اقدر أكمل .. أحس اني مييييييييييييييييييييييييييييتتتتة من اليوع .. ما اقدر اسوي اي شي .. اعصب بسرعة .. اتضايج .. و يكون خاطري بأي أكل يكون دددددددسسسسسسسسسسسم .. أقولهم ما اقدر اتحمل ابغي شي دسم .. ابغي شي يتقلى بالزيت .. شي فيه نسبة دهون .. و بعد ما أكل احس اني ارجع طبيعة .. يعني ما اعصب ..... ساعدوني الله يخليكم .. و انا ما ابغي اروح لأي عيادات مثل دكتور نيوترشن أو أي مكان .. سسسسساعدوني و الله تعبت .. و حتى خاطري اتخيل بس مجرد تخيل كيف بيكون شكلي لما بضعف ..
نسيت اقولكم طولي تقريباً 161 و وزني 97.5 ( اعرف وووايد متينة ) و عمري 17 سنة ..
و نسيت اقولكم .. اي حد اقوله ابغي اسوي ريجي يقولون لي لازم تكون عندج عزيمة و انا ما عندي ..

حيـــاتي انتي نفس مشكلتي .. بس انا ما كنت وااايد مربربهــ ..

بس جييه يوم كنت ايووع عمري احب اكل شي دســـمــ مب أي شي ..

بس وصلت لمرحلهــ زدت عن وزني الطبيعي 7 كيلـــوا .. وبدا الكل يقوولي يالدرمكيه متنتي ..


فحز في خاطري وهذا كان أكبر داعـــمــ حقي ...


وانا حاليــًا ابا اخس تقريبا 12 كيلو او 15 على حسب كيف بيكون شكل جسمي ..


انا اشوف يا حلوهــ انج تستغلين فترة الاجازهــ ..


وترا الريجـــيمـــ وايد سهلـــ

لا تحرميـــن عمرج من شي ..

بس

بدال السكر العادي استخدمي سكر الريجيمــ

بدال حليب او روب كاملــ الدســمــ استخدمي قليل الدسم او خالي الدســمــ وصدقيني نفس الطعمــ لأني مجربهــ ..


ودري الحلويـــات كمن يومـــ ...


يعني لا تظعطيين على عمرج اذا انج تحبين مثلا الكت كاتــ .. وتاكلينه كل يــومــ


امنعي نفسج تاكليه 3 ايام وفي اليوم الرابع اكلي كت كات بو صبعين بس ..

العشــا تعشي بس مب لازم يكون عيش ..

خلي العيش حق الغــدا ..


العشـــا حاولي تاكلين سلطة روب .. سلطة عاديهــ .. بيضه ..


لا تحرمين نفسج موليه بس قللي ..

قللي كمية العيش في الغدا

قللي كمية الخبز ..

اذا ترومين تطلعين الجيمــ وتلعبين رياضه وااايد بيكون اوووكي

وحطي يوميـــاتج في المنتدى بالصور الكل بيشجعج..

وان حطيتي انا اول وحده بشجعج .. وبنسوي برنامج شو رايج ؟؟؟

[لفلي جيرل]

وين اهلج عنج؟!!
ليش جيه مسوين فيج
والله حرام عليهم
لو من كنتي صغيرة مأكلينج أكل صحي ومعودينج ماتاكلين وايد جان ماوصلتي لهالوزن
بس شنسوي الحين انتي دبة..ولازم تنقصين
بسج اكل وزط..سيري شوفي شكلج فالمراية..تتوقعين حد بياخذج..ولو ان الارزاق بيد الله
بس بعد الوحد تلعب دور..اهتمي بنفسج لاتخلي المتن يخفي ملامح ويهج.

يالله مايباله تفكير..سوي نظام غذائي
كلي كل شي بس بكميات خفيفة
وسوي رياضة كبداية ربع ساعة وبعدين كل مرة زيدي لحد ماتوصلين ساعتين او 3


وبالتوفيق الغلاا
والله ماكتبت هالكلاااام إلا عشان اجشعج
والسموحة منج

[غريبة زماني]

شكراً .. خواتي على ردكم و مروركم الطيب ..

[فديتني حبوبه]

حاولي تقوين الاراده