بنات شو اسوي :(

[مي الاماراتية]

صارلي مالجه فترة 3 شهور...وريلي يزوورني كل يمعة...

مشكلتي لين الحينه استحي منه... يعني ايي ييلس عدالي ع القنفه وانا عاد تلقائيا اشل المخده واحطه شرا الحاجز بيني وبينه بحيث مايشوفني... ماعرف ماحب احسه يتمقل فيني .. اضايج وهذي عادتي مع الكل.. ماحب حد يتم مبحلق عيونه في ويهي اضايج...


ماعرف شو اسوي ولو تشوفون شو اهبب من الربكه ... اخربط الدنيا فوق تحت يدامه او يدام هله اذا زاروونا... وايد اشيا هبله اسويها من كثر ماكون مرتبكه وافكر ياربي الحينه شو يشووف فيني بالضبط...

:1 (49): وايد مضايجه من طبعي الخايس .... ان مسك ايدي... دقيقه واسحبها جني اسحب ايدي من النار... لاني بيضا وإيدي وايد اسمرت من الشمس.. اخاف يعلق علي او شي...


والله مضايجه من طبعي وايد :1 (49): خبرووووني شو الحل...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[الرزينـــــــه]

السلام عليكم ...
ههه .. لا حلو مستحاااج ,,, استحي احين ترا يوم تعرسون كل هذا بيروووح ...
ولا تجهدين نفسج في التفكير أختيه ,,, والسموووحه منج ^^

[حورية العين]

ههههههههه الله يعينج

حاولي مي قد ما تقدرين تكونين عادية وقوليله عن رايج هو يطالعج مب مصدق يمكن حليله ماخذنج
لا تكونين فظة وياه انا ريلي لين الحين مالجين من 11 شهر والله استحي احط ايده بايدي
واقوله استحي ما اقدر بعد العرس يوم بتعود عليك ههههههههههههه

[علياء 3]

يحليلج ههههههه عااادي مستحااااج جدا عادي خلج جذيه احلى

[تفااااااحة]

يحليلج ههههههههههه صراحة ذكرتيني بايام الملجة بس صدقيني هذا كله بيختفي بعد العرس واكيد صدقيني هو فرحان من داخله لانه شايفنج مستحية ترى الياييل يحبون الحياء في الانثى وماعليج شوي شوي بتاخذين عليه انا كنت اكثر منج حتى ماكنت ايلس حذاله ولا حتى فكر يمسك ايدي بس تعالي شوفي اللحين يقولي اللي يشوفج قبل مايتشوفني اللحين هههههههههههه .

[أم رفيعة]

قوي قلبج الغاليه احسن يشوفج ويمسك ايدج ولا يشوف الوسخات انتي اتعدلي وانتي امسكي ايده وبوسيه بعد لانه ريلج والله يوفقج الغاليه

[أم ظبي]

هذا شي طبيعي حبيبتي انا يوم كنت مالجة كنت استحي و ايد حتى يوم يسلم علي اسحب ايدي من يده و كنت لما اقعد وياه مول ما اتكلم و بعد العرس كل شي تغير و صار عادي خليج على طبيعتج و الريال يحب الخجولة و ان شالله بعد ما تعرسين الوضع بيختلف

[Miss Cavalli]

خلج جرييييييييييئه .. هههه الله يسعدج حبيبتي

[سفن اب]

خخخ

خربطتوها

حد يقولها المستحى حلو وحد يقول لا خلج جريئه

انا اقول خليج بالنص *_^

وحطي ف بالج هو ريلج وانتي حلاله

[مي الاماراتية]

حيرتووني هههههه

بس ريحتوووني كنت اتحسب ان طبعي انا بد الناس جذه ...بس حمدلله كل البنات جذه ههههه

اليووم هو بيزوورني قبل ما ايي بشل المخدات كلها عسب مايكون لي حل ثاني ههههه


مشكورات والله خواتيه فيكن الخيــــــر ^_^

[ام نجود]

الحيا زين
وعيشي هلحظات الحلوه..الي بتضحكين عليها عقب
وادعيلنا نعشها بعد:22 (23):

[غيمة عناد]

عيل انا شو اقول،،،

توني مكمله شهرين وعرسي عقب اسبوعين والحيا ذابحني،،،

واااااااااااااايد مستحيه والله ما اعرف شو اسوي ،،

ويدوب شفته 4 مرات في كل اسوبع مره لأنه وايد مشغول،،،

ومب عارفه شو اسوي في العرس،،،

[ثمرة حبنا]

الله يهنيكم ببعض

[العذوب]

يوم اتكونين وياهم .. اشغلي فكرج بشي



احسبي الورود اللي في المزهرية او المخدات أو الفواكه اللي في الصحن



ماعليه هذا خجل طبيعي وبتتعودين .. هببنا بلاوي أول الأيام