شمال إيران ..

[غير الناس]

السلام عليكم

شحالكم عساكم بخير ..

شفت تقاريركم عن شمال إيران ..

فياريت وحده حلوه منكم إلي من مسافرين شمال إيران ..

اتقولي شو الأماكن الحلوه والفنادق الحلوه ..

ابا كل شي بالتفصيل ..

وكم تقريبا بتكلفنا السفرة ..

مع العلم : أنا وريلي بنروح شمال إيران كشهر عسل

هل تنصحونا انرووووووووووح ولا ..

لانه كنا ناوين انروح النمسا بس عشان المرض كنسلنا ..

ونبي مكان ايكووووون باااااااااااااااارد ..

الله يخليكم ردوي علي ضروووووووووووووري

لانه ما بقى شي عن العرس .. ونبغي نحجز ..

والسموحه ..

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[النقيه]

اختي انا بروح السوق وبرجع وبخبرج التفاصيل كلها

[غير الناس]

إن شاااااء الله ...

ويزااااج الله ألف خير ..

[النقيه]

انا اول شي برويج الصور اذا عجباج الخدمات خبرني اول شي شوفي بعيونج احسن واضمن



هذي صور فندق رامسر ((تراهن فندقين))












هذا طريج الفندق

[النقيه]

وهذي صورة المدينة ((مدينة رامسر)) على فكرة تقدرين تروحين بالطيران الداخلي من طهران الى رامسر ب 200 درهم الشخص بس احسن السيارة لان الطريج روعة والطيران الداخلي شوي قديم























واحين خلصنا من رامسر المدينة اللي راح تحجزين فيها

[النقيه]

احين التمشية في الشمال وهذا يكون معاكم سائق وهو نفس الوقت مترجم ودليل سياحي طول الرحلة معاكم من تنزولون من مطارب طهران لين ما ترجعون الامارات




واحين مدن الشمال
اللي بتزونينهم


مدينة رشت اكبر مدينة في الشمال وفي مدينة ثانية اسمها ساري بعد كبيرة









هذا سوقهم بس لاوم تشترين مظلة المطر كل يوم في شمال ايران










محافظة بمحافظة گيلان ((محافظة رووووعة خلي الدليل السياحي يمشيكم فيها بخبرج شو المدن المهمة وبحطلج من صورة عنهم))
















طبعا في هذي المحافظة فيها رشت وماسولة ولاهيجان ورودسر وعباس اباد ونمك ابرود (( لا تفوتين نمك ابرود فيها تلفريك))

[النقيه]

حبوبة برسل لج موقع على الخاص من 7 صفحات فية 150 صورة عن الشمال والمناطق بالتحديد انت احسن تختارين شو اللي يعجبج من المدن وانا احين بسوي لج جدول

[النقيه]

ملاحظة مهمة (( في ناس تفضل تسكن في كلاردشيت لان الجو ابرد من رامسر وفي فلل رووووووووووووووعة ورخيصة ما تتفوت )) واسعار الفلل ب 200-300 درهم الليلية

وبس اذا تبين الدلع والبوفية روح فندق رامسر



انا صراحة بختار كلاديشت

[النقيه]

وهي هي مناطق شمال ايران

[النقيه]

وهذي كم صورة من جميع محافظات الشمال الثلاث
كيلان وكوليستان مازندران

[النقيه]

الجدول



تحجزين الى طهران من اي طيران حسب الميزانية شي الاتحاد والامارات والعربية واسمهان والطيران الايراني والخليج

بعد ما توصلين طهران بتحصلون الدليل السياحي ينتظركم وراح يوديكم عشان تحجزون ليلة في طهران فنادق طهران روووووعة طبعا الغالي للغالي وشي رخيص الانسان يختار

وطبعا بالليل بتمشون في طهران بتروحون صوب دربند عشان تتعشون رررررووووعة ((تحت الطاولة اللي بتعشون فيها نهر يجري))







وباجر الساعة 10 الصبح تطعلون الى الشمال يبالكم من 3-4 ساعات تعرفين بتنزلون عشان الغدا وتشوفون بحيرة كرج


بعدين بتوصلين كلاردشيت وتحجزين فيلا لمدة اسبوع ((طبعا في هذا الاسبوع بتزورين رامسر وخلية يوديج صوب فندق رامسر اذا عجبج حجزي الفندق واذا كنتي مرتاحة بكلادشيت لا تحجزين



وطبعا هذا الدليل كل يوم بوديكم مكان في الشمال ((في المحافظات الثلاث )) وهذا طبعا بياخذ اليومية 200-300 درهم ((علية السيارة والبترول والتمشية والترجمة يستاهل هذا السعر ))

طبعا مدن الشمال وايد مثل رشت ماسولة رامسر ساري كركان ((لا توفتين كركان مطررررررررررر كل يوم)) لاهيجان استرا اردبيل جواهردة ططالقان تابش رودستر نوشهر


((لا تخافين الوقت بكفيكم لان وقت المغرب في الشمال الساعة 8ونص ))


طبعا الاكل رووعة في ايران شي المطاعم الايرانية والاذرية ((التركية)) في الشمال 26 مليون ايراني من اصول تركية ((حتى ايراني ما يعرفون يتكلمون))

طبعا راح يكلفكم الاكل باليوم 50 درهم في المطاعم الفخمة مثل الكباب والتكة والعيش والخبز واشياء كثيرة





هذيلة كلهم بتشوفينهم (( سجلي بورقة هذي المدن وقوليلة هذولة لازم اشوفهم))



المختصر المفيد كم راح تخسرون ب 10 ايام



الساق بياخذ حق 10 ايام بين 2000-3000 درهم

التذاكر ((انا بحسبلج العربية وبامكانج تاخذين الامارات او الاتحاد تعرفين انت عروس ولازم يدلعونج شوي )) 900=900= 1800

الاكل خليها 1000 درهم ((من حلات الاكل راح تطلبون للواحد وجبتين)) واحلا شي يوم تاخذين الاكل تيك اوي وتفرشين سفرة وتقعدون جنب نهر من انهار الشمال

السكن والمبيت ب 2000-3000 ((شي ب 80 درهم الليلة يعني 800 حق 10 ايام بس انتي عروس ما تسكنين بمكان اي كلام ))

التسلية والاسكريم والعصائر الطازجة والسفن في البحيرات والتلفريك والذرة المشوية والفواكة 500-1000 درهم ((احنا يوم رحنا خسرنا للشخص الواحد 250 درهم))

الهدايا ذهب كرستال اكسوارات مكسرات حلويات خلق حرير ((احلا حرير في العالم اصلي)) شالات وشيل وشنط روعة مصنوعة باليد =500-1000 درهم ((عندهم اشياء رخيصة مثل الشالات الاصلية والخلق بربع السعر اللي في بلادنا))




تقريبا بالكامل انتي وريلج رحلة كلها دلع بس ب 10 الاف ((بس اذا كان طيران الامارات راح تزيد 2000))


تصوري لو كل واحد على حسابة كل واحد بيدفع 5000

واذا كانوا 4 كل واحد 3000




(( اذا كنتي من محبي المولات والاسواق الكبيرة لازم ترجعين من الشمال الى طهران وتقعدين اخر يوم في مولات طهران)) عندي صور مولات هران وهي رووعة ومتطورة وكبيرة وكانها مولاتنا))


يعني 8 ايام في الشمال و يومين في طهران

[النقيه]

واخبرج شي عن طيران العربية الحجز على النت ارخص بوايد

احنا حاجزين بالنيت وطلع ب 900 لكم عن طريق المكتب عادي يطلع 1200

[النقيه]

واذا بغيتي الارقام خبريني ((ارقام السائق السياحي))

[غير الناس]

مشكوووووووووووووووورة

ويزاج الله خير ..

الصراحه الجدول ما عليه كلام ..

^_^

والله خاااااااااااطري اروح ..

الجو عندهم يخبل ..

بس المرشد بيكون لازق فيننا مب شي احنا تونا معرسين ^_*

[النقيه]

مشكوووووووووووووووورة

ويزاج الله خير ..

الصراحه الجدول ما عليه كلام ..

^_^

والله خاااااااااااطري اروح ..

الجو عندهم يخبل ..

بس المرشد بيكون لازق فيننا مب شي احنا تونا معرسين ^_*

عادي زحلقية من عندكم



تراه هو بيقعد في السيارة وانتي وريلج تمشوا بروحكم


هو شغلته يوديكم ويترجم لكم ((في ناس يروحون الشمال بدون مترجم بس انتو يداد ما تعرفون شي عن البلاد ولغتهم))


الا اذا انتي تعرفين تتكلمين تركي او ايراني