خلاص أبي أطلق

[ألم وأمل 1]

السلام عليكم

اشحالكم بنات

أنا عضوه قديمه بس سجلت بنك نيم ثاني

بنات خلاص انا ماقدر اتحمل مشاكلس مع زوجي

انسان طيب واخلاقه زينه

بس فيه نذاله مب طبيعيه وياهل من الدرجه الاولى

قبل دوم من نضارب يهدد بالطلاق ويصرخ عليا جدام أهله

صح ساعات اكون انا غلطانه لاني عصبيه وياه بس الريال يقدر يرضي جرمته ولاني من النوع اللي عطول أرضا وأضحك حتى وانا معصبه

يتعمد يجرحني بالكلام ويحط لي قوانين بالشي اللي انا ماحبه

وصلت للضرب وخبر اهلي مع انه هو الغلطان وقال كلام مب صحيح


وصار عادي اي حد من اهله يعق عليا اي كلمه مع اني والله يشهد عليا عمري ماغلطيت عليهم بكلمه واحترمهم واايد واايد وهم يعرفون ولدهم غلطان وماشي اسلوب


انا ما ارد لاني ماحب اضارب مع حد حتى يوم اكون مضاربه ويا ريلي ما احب هالشي يأثر بعلاقتي مع أهل ريلي

انا بس كنت اقوله لاني ابي افضفض

وعقب قالي روحي بيت اهلج خلي حد ياخذج انا ما بوديج عشان روحج ردين

المهم اهلي ما بغوا ياخذوني لانهم مسالمين وما يبون المشاكل

هو روحه وداني بيت اهلي

اهلي يقولون خلاص ماتسيرين بس اشوف الهم والحزن فيهم

قلت له الفليل تعال اخذني واهلي مايعرفون

وياني

وشرشحني شرشحه في السياره قالي اذا تبين الطلاق خلي اهلج يدفعون 500 الف حقي وهالكلام قايلنه في الملجه قبل

عمره ماتصرف وياي تصرف صح

قالي انتي مفصله بدله حق العيد ابيج تكنسلينها واتيبين العربون

دوم يقولي كلام يجرح ومثل الشي

انا تعبت بس محد حاس فيني

احس اني بدون كرامه وعزة نفس



خلااااااااااااااص وصلت آخر مرحله حتى الجامعه ماروحها

الناس عندهم قلوب هو مايعرف هالشي

شو الفايده يوم بتكسر القلب عقب بسهوله تبيه يضحكلك

اللي عندهم خبره في الحياه الزوجيه
لاتبخلون علي بنصايحكم والدعاء

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وسنْ]

الله يكون بعونج يارب ويساعدج على هذا الامر
المشكله فالناس لا حسيت انهم بايعينك لاتفه سبب ..
اكثري من الاستغفار أختي والصلاه .. ابعدي مشاكل أهله وقالت لي وقلت الها .. بعدي أهلج عن الامر
ركزي بحياتج أكثر شوفي وين الغلط لا تقولين فيه لانه ما سمع لا حطي سلم نزلي تحت ليش هو ما يسمع .. شلون يسمع.. شلون أطنش وابتدي من يديد
كملي دراسه
تخرجي
اشتغلي
باجر لا اشتغلتي اللي له كلمة عليج بتكنين راعيه الكلمة عليه
صدقيني البعض ما يفيدهم المشي صح معاهم .. خل لج طريج صح بروحج وامشيه من غير لا تشاركين حد فيه حتى زوجج ,, خل الهدف الصحيح هو الشاغل بحياتج

ان شاء الله يكون كلامي مفهوم .,
وربي يستر عليج يارب ويسر امرج

[ابتسامة مشرقة]

الله يصبرج ويعينج
وانا نصيحتي لج الصبر ثم الصبر انت الظاهر طيبة ولي في قلبج على لسانج وهذا اكبر غلط ، الانسان لازم يكون طيب بس مب لدرجة انه ما يتحكم في حياته الافضل لج شوفي زوجك يندخلة من اي باب لانه شوره مب في راسة ماشي على هوا الكلام ، وصدقيني هذي الفئة من الرجال تسمع الكلام من برع وتطبقه في بيتها والناس ماترحم وهذا غير الحساد طبعا واكيد هم في بيت اهل زوجك لان معقولة محد رده عن الاساءه لج ، اذا انتي شاطرة حافظي على زوجك وخذية تحت جناحك وشوفي الي يرضية بس مب فوق كرامتج حاولي تكونين شخصية قوية بمعانيج الطيبة وتخلينة مايستغني عنج ويعطي اذنة حق حد ويخلية نفس اللعبة ، لازم تستحملين حبيبتي اكيد في ناس يالسه تنتظر انج تنفصلين عن ريلج وتحذري مدام فية خصل زينة مثل ماتقولين لازم تتمسكين فية وماتفرطين فية ودايما تذكري حسناتة نصيحتي اكسبي زوجك والله يعينك وينصرك ويوفقج بأذن الله.

[KFK-GRL]

والله اختي ماعرف شو اقولج .................... ان اشالله البنات يفيدونيج..بس و الله الي يسوي فيج شي يقهههههههههروايد وايد حتى الكلام جارج ماله حق يقولج حتى يوم قالج خل اهلج يعطوني عشان اطلقج هذا شو من البشر وثياب العيد هاتي العربون الصراحه ؟؟؟؟؟؟؟؟؟؟؟؟؟؟؟؟؟؟
الله يعينج عطو نفسكم فرصه اكثر وقت عشان تتفاهمون اكثر
الله ييسر امورج ان شالله ويصبرج يارب..

[بهلولة]

وايد كلام كنت بقوله
بس يوم قلتي حرمة اخو ريلج ممكن تقرا مشكلتج قلت اسكت احسن
عسب ما تفتن عقب وتنقل الكلام

[Um_Mahrah]

مشكلتج حساسة وايد ... والكلام فيه لازم يكون دقيق ..

اختي .. الواضح من الكلام اللي قلتيه انه ريلج متحكم فيج وعادم شخصيتج نهائيا ... وهالشي المفروض حد يوقفه ... ولازم تكون شخصيتج قوية ... ولازم اتدافعين عن نفسج مع ريلج ...

شوفي انا نصيحتي لج ... لفترة مؤقته اهدي واسكتي عن الكل ... تمي في بيتج او بيت ابوج بس لاتناقشين حد وخليج في حالج .. حتى ريلج لاتحاولين تحتكين وياه .... طنشي كل شي ... وحاولي بعدها اتدورين على شخص من عايلتكم ... يكلم ريلج ويوقفه عند حده .. عشان يحس انه وراج اهل وانت مب من الشارع ... حسسيه انج قويه ... وانج بنت ناس .. وضحي للشخص وضعج مع ريلج وتعامله وياج ... وشوفي ... انشالله الطريقة هاي اتيب نتيجة

وحاولي قد ما تقدرين انج تبتعدين عنه ... حسسيه انه لج كرامة وعزة نفس ولاتعقين عمرج عليه واييد

وادعي في صلاتج عسى الله يهديه ....
اتمنى لج كل خير اختي

[بنكووشه]

الله يهديه يارب ويحنن قلبه عليج

ويبعد عنكم المشاكل ويفرج همج

دوم ادعي ربج وانتي ساجدة وانشا الله حقج ما بيضيع

ولا تخلين هالشي ياثر على دراستج لان مافي شي بينفعج هالايام غير الشهادة

[3ashoob]

ALLAH YAHDEEH WA YA9EL7 AMRACH
ESH3'ALEE NAFSCH BANFSACH WA 5ALEE HAMCH RYLCH MB MRT A5OOH
ALLAH YAJ3ALCH QART 3EEN RAELCH WA MA YASHOOF 3'EERCH WA YAKABERCH FE 3EENAH

[GuMus]

الله يعينج

[dena22]

الغاليه خلى لكل شيء حدود مع الناس ولا تخلين مشاكلش معروضه للملأ وانتى مشاء الله عليج تدرسين فى الجامعه يعنى انسانه فاهمة وذا ريلج عنده شيء قوليله الحجره موجوده ونتفاهم والحرمه تكون فى شور ريلها وكله قوليله حاضر وانتى تضحكين لانه الريال اذا شافج زعلانه وماطه بووووووز زاد فيها بالعكس امرحى معاه كانه اربيعج صادقيه وبعدين يوم مرت اخوه ترمى بالكلام احسلج تبتعدين عنها ولا تحتكين عشان اتعرف قدرج وتحترمج والله يوفقج ويهدى ريلج ويسخره لج ولكل مزوجه

[أم خالد الحلو]

حبيبتي الغالية

ابغي اعرف شو اللي يخلي ريلج يعاملج جيه
ليش يعنى ما يحترمج جدام أهله؟

بالنسبة لحرمة أخو ريلج ..
شو مصلحتها تسوي جيه .. وهي شو لها أصلاً من ها كله
تغار منج ..
فمالج غير تسكتين عنها وتحتسبي الأجر عند رب العالمين
ولا تنسين يالغالية .. دعوة المظلوم مستجابة

ادعي واااااااااااااااايد وأكثري من الاستغفار واقي سورة البقرة
فكري وااايد قبل ما تخطين أي خطوة ..
واذا وصل الأمر إنج تفكري بالطلاق .. فاستخيري قبل ما تقدمين على هالخطوة

[miniangel]

اختي..


اولا روحي بيت اهلج واغلقي تلفونج ولاتكلمينه خليه هو يفكر وانت بعد خذي وقتج..

واستغلي الوقت سوي رجيم اصبغي شعرج وجدد وسوي لج ريفرش..زوري صديقاتج..

المهم تبعدين عنه واذا عنده شي يقوله خلي تواصله مع ابوج او اخوج..ولاتنسين الدعاء

الله يهديه لج

بس لازم يحترمج واهله بعد..

[Hno0odah]

نصيحتس لج اذكري ربج واتوكلي بامره

وصوني بيتج وريلج
وحطي ريلج في اعلى المراتب حتى لو هو هب مقدرنج
حاولي تسمعين كلامه واتحمليه
بس في شيء لا ترضين بالاهانه لا منه ولا من اهله ولا حتى بضرب
ولازم حد من اهلج يدخل في الموضوع

[emirian777]

الله يصبررررررررررج عزيززززززززززززتي

[um_saif]

عقب ما قريت موضوعج بس حابه اقولج شي واحد وهالشي صح 100%

حبي نفسج ريلج بيحبج
عزي نفسج ريلج بيعزج
ذليتي نفسج ريلج بيذلج

واسمحيلي اقولج انا اشوف انتي ذاله عمرج لآخر درجه فشو تتوقعين من ريلج!!!!

السموحه بس ها الواقع عند كل الرياييل