مب عارفة أصدق منو ولا ....

**موكاتشينو** · 2007-03-15, 12:45

السلام عليكم يا كروشات....

أنا من 3 أسابيع يوم كان عندي موعد ف المستشفى رحت والدكتورة سوتلي سونار وقالت لي يمكن بنت...وعقبها دكتوره ثانيه قالت لي ولد أكيد...مرتين هب مرة وحده......قلت الحمدلله...
بس أمس أتفاجأت يوم رحت العيادة وسويت سونار ثلاثي الأبعاد وقالو لي يمكن بنيه وأنا ألحين 21 أسبوع و5أيام...قولوا أنا شو أسوي أصدق منو ولا منو....

المزيد من آخر المواضيع من نفس القسم:

**ميرة الامارات** · 2007-03-15, 12:51

مرحباا

اذا انتي من دبي سيري عن الدكتوره ماريا في حمر عين...شاطره

**ام حمني و طمطم** · 2007-03-15, 13:28

انت ليش زعلانه ؟ بنت ولا ولد اللي ايي من الله حياه الله .
و لو ع التجهيز جهزي ابيض , اصفر , اخضر و يوم بيي الياهل بالسلامه كملي

**Farouha** · 2007-03-15, 13:32

مرات الاطباء ما بيكونوا متاكدين من جنس الجنين

لانه جنس الجنين ما يبين الا بعد 4 او 5 اشهر من الحمل و ما بيكون اكيد

كيف ما قالوا لك الاخوات على التجهيزات سوي اصفر او اخضر او بيج

و اذا حبيتي اشتري شغلة وحدة بينك ووثانية بلووووو

الله يقومك بالسلامة ان شا ءالله

**a7la_princess** · 2007-03-15, 13:41

حبيبتي بخبرج سالفة ربيعتي لين قبل ما تربي يقولون لها ولد ويوم ربت طلعت بنوته حلوه فديتها ...

وامي يوم يابت اختي قالو لها ولد وطلعت بنت يعني مب شرط يكون كلامهم صح ...

خلي امرج على الله ... واللي اي من الله حياه الله

**موكاتشينو** · 2007-03-15, 14:35

الحمدلله ع كل حال اللي ايي من الله
اهم شيء الصحه والعافيه
ومشكورين يا خواتي ع الرد

**قوس الربابه** · 2007-03-15, 14:49

:22 (23): :22 (23): :22 (23):

المشاركة الأصلية كتبت بواسطة ام حمني و طمطم

انت ليش زعلانه ؟ بنت ولا ولد اللي ايي من الله حياه الله .
و لو ع التجهيز جهزي ابيض , اصفر , اخضر و يوم بيي الياهل بالسلامه كملي

**cute me** · 2007-03-15, 16:22

توكلي ع االله ..واللي ايي منه كله زييين المهم يكووون بخيرررر ...وبعدين حلووو المفاجاه

**أم رفيعة** · 2007-03-16, 00:08

كل شي من الله حلو

واذا انتي من بوظبي الغاليه سيري عند كاميليا وااايد شاطره

**أنستازيا** · 2007-03-16, 00:11

توكلي على الله ..واللي ايي منه كله زييين المهم يكووون بخيرررر ...وبعدين حلوووة المفاجاه

**واثقة الخطى** · 2007-03-16, 00:11

حبيبتيه محد يعلم الغيب غير الله
واهم شي انه الياهل يطل كامل ما فيه عيب خلقي سواء بنت ولا ولد ترا كلهم نعمه
لا تعورين راسج ولا تكدرين بعمرج

**ام شهد1** · 2007-03-16, 10:13

بنت ولا ولد المهم انه يكون بصحته وما تتعبين فى ولادته انشاءالله

المهم انا فى ولدى الاخير الى الحين عمره شهرين سرت عياده خاصه وقالت لى 90% بنت

ورديت وسويت سونار مره ثانيه فى نهاية الخامس ونفس الشى قالت لى بنت ويوم الولاده دخل ريلى وياى وتم لين ماولدت وهو كان خاطره فى ولد مع ان عندى الحمدالله اثنين من قبل المهم الا واسمع السستر اتقول مبروك ورد ريلى يقول ليش جذبتى على وقلت بنت:1 (39):

سبحان الله يعنى السونار والدكاتره ماعندهم الخبر الاكيد لان كل شى باييد رب العالمين

المهم بس عشان اكمل لكم القصه انا قلت لريلى لان انت كان خاطرك فى ولد وهذى اول مره تحضر ولادة حد من عيالك الله سبحانه كريم وعطاك الى نفسك فيه خخخخخ:1 (68): :22 (14):

وتسلمن

**شما المحيربي** · 2007-03-16, 10:32

يااااااااارب بنت و سميها شموووووووووووووو

ربي ايسهلها عليج عيوني

**السحب العالية** · 2007-03-16, 20:08

توكلي ع االله ..واللي ايي منه كله زييين المهم يكووون بخيرررر

**اناناسة** · 2007-03-16, 20:26

المشاركة الأصلية كتبت بواسطة cute me

توكلي ع االله ..واللي ايي منه كله زييين المهم يكووون بخيرررر ...وبعدين حلووو المفاجاه

:22 (23):

الموضوع: مب عارفة أصدق منو ولا ....

أدوات الموضوع

عرض

مب عارفة أصدق منو ولا ....

المزيد من آخر المواضيع من نفس القسم:

المواضيع المتشابهه

منو أصدق ؟؟؟

ما أصدق ما أصدق ما أصدق لقيت حل لتساقط شعري وبعد نموه

أخوي .. ما أصدق !!!!!!!!

أصدق ما قيل في المرأه...