معلومات عن فندق اتلانتس ف دبي

**Om_3lawi** · 2009-06-08, 15:50

سلام عليكم شخباركم خواتي

الي عندها معلومات عن فندق اتلانتس ف دبي اتفيدني

واسعارهم يزاكن الله خير

المزيد من آخر المواضيع من نفس القسم:

**المـHــآ** · 2009-06-08, 16:01

للــــرفـع ]~

**UAQ_LADY** · 2009-06-08, 16:05

مي تو ابااعرف,,لانه سمعت شي وايد فرق عندهم بين مستويات الغرف والاسعار نفس الشي

**الزعفران** · 2009-06-08, 16:10

ما عندي فكرة..... اتصلي للفندق و اسالي

**نعومي الغاوية** · 2009-06-08, 23:11

البنات بي فيدوووكي

**ماماة الامارات** · 2009-06-09, 01:04

الحين هم مسوين عروض ومخلين الغرفه بسعر 750 درهم ..... والغرفة مساحتها حلوة
وطبعا مع الضرايب بيصير السعر تقريبا 900 ويكون الافطار مــــش مجاني طبعا
لكن تروحين تشوفين الاسماك وتدخلين الحديقة المائية كل هذا مجانا
الفندق يجنن من حيث الديكورات والفخامه في اللوبي وفي الممرات والاجواء اللي عند الحوض بس التعري عند الاجنبيات مخرب طبعا
الفندق فيه مول صغير
وفيه عدد كبيييييييييييير من المطاعم المتنوعه وانا جربت مطعم نظامه بوفيه وفيه اكلات وااااااااايد حلوة وسعر الشخص الواحد 150 درهم من غير المشروبات
وعلى فكرة العروض اللي عندهم بخصوص الغرفة تختلف شوي في السعر من غرفة لغرفة ثانية حسب ارتفاع الغرفة يعني الطوابق اللي تحت تكون ارخص عن اللي فوق بس ما شي اي فرق ثاني
وتقدرين تدخلين موقع الفندق نفسه وتحجزين
فيه شي ثاني احبه انبه عليه انه الفندق موجود في اخر النخلة فيكون شويه بعيد يوم تطلعين من النخلة عشان تروحين المولات اللي في دبي وترجعين .... شوي بعيد يعني مش وااااااااااااايد

وبالتوفيق

**احتاجك..** · 2009-06-09, 08:05

حبيبتي شوفي bookingيمكن تحصلين ارخص

**Om_3lawi** · 2009-06-09, 12:41

المشاركة الأصلية كتبت بواسطة ماماة الامارات

الحين هم مسوين عروض ومخلين الغرفه بسعر 750 درهم ..... والغرفة مساحتها حلوة
وطبعا مع الضرايب بيصير السعر تقريبا 900 ويكون الافطار مــــش مجاني طبعا
لكن تروحين تشوفين الاسماك وتدخلين الحديقة المائية كل هذا مجانا
الفندق يجنن من حيث الديكورات والفخامه في اللوبي وفي الممرات والاجواء اللي عند الحوض بس التعري عند الاجنبيات مخرب طبعا
الفندق فيه مول صغير
وفيه عدد كبيييييييييييير من المطاعم المتنوعه وانا جربت مطعم نظامه بوفيه وفيه اكلات وااااااااايد حلوة وسعر الشخص الواحد 150 درهم من غير المشروبات
وعلى فكرة العروض اللي عندهم بخصوص الغرفة تختلف شوي في السعر من غرفة لغرفة ثانية حسب ارتفاع الغرفة يعني الطوابق اللي تحت تكون ارخص عن اللي فوق بس ما شي اي فرق ثاني
وتقدرين تدخلين موقع الفندق نفسه وتحجزين
فيه شي ثاني احبه انبه عليه انه الفندق موجود في اخر النخلة فيكون شويه بعيد يوم تطلعين من النخلة عشان تروحين المولات اللي في دبي وترجعين .... شوي بعيد يعني مش وااااااااااااايد

وبالتوفيق

مشكوره حبيبتي ع الرد وتسلمين فديتج

**Om_3lawi** · 2009-06-09, 12:42

مشكورين خواتي ع الردود

**شلال محبة** · 2009-06-09, 12:58

الغالية لوبي الفندق والملحقات الخاصه فيه من ارض الخيال فخامة وانبهار

بالذات حوض الاسماك الضخم..شي يعجز عنه الوصف

اما الغرف..فهي للاسف عادية جدا وضيجه..ولا اي تشطيب ولا شي..صبغ ابيض فقط
اللهم لوحه او لوحتين وستارة عليها صدفه او مرجان..ما عدا ذلك...صفر

خلصوا كل الفن والابداع والاثاث الفخم على كل الفندق ما عدا الغرف

والحمام تكرمين والشاور..ما يرقى يكون خمس نجوم

ظيج ظيج ظيج..صبغ ابيض فقط ..بدون جدران مغطاة بسيراميك او رخام

شي مختلف تماااما عن الفنادق الثانية او حتى اضاءة مناسبة

بالمقابل الاطلاله للبلكونات حلوة بحرية
وحديقة الالعاب المائية..تقريبا للاجانب ..والي يقدرون يستحملون المناظر الي نص نص

شي من الفعاليات تقصين تذكرة لعرض للدلافين يلبسونج ثياب الغواصين
وشي غير الاكواريوم العود المجاني..متحف صغير بعد داخل الفندق..لاحياء بحرية ثانية..بتذاكر
والمطاعم جيدة..عموما وتقدرين تحصلين فيها خصوصية شوي

وبث

**بنت المستقبل** · 2009-06-09, 13:41

اختي انا سرت وايد حلو ...في مكاااان خاص للاسماك والحيوانات البحريه... وفي عروض الدلافين ممكن ادخلينه بس لازم تلبسين لبس السباحه ...وفي سوق بعد ... وتقدرين تتمشين صوب شاطي البحر..وفي مكان خاص للسباحه ( مكان مائي مثل وايلد وادي و الوند).. وفي كوفي شوب..وفي بار لووووول لا ادشون مانصحكم!
هذا اللي اذكره...

السلبيات:
بالنسبه لأسعار الغرفه...نحنا كنا ماخذين ماستر يومين ... هممم ماذكر كم كان تقريبا بحدووود 2500
عقب اكتشفنا انها مجرد غرفه وحمام ( الله يعزج ) ..
طنشنا السالفه وقلنا ماعليه... واكتشفنا انا الفراش وصخ!!!!!!!!!!!! قلنا ماعليه بنخبرهم !!
كان عندنا ساعه ولازم نطلع من الغرفه طبعا كنا نجهز عشان نطلع والا حد يدق الجرس انا ع طول طلعت من الحمام عسب البس عباتي وماااا اشوف العامل الا مبطل الباب جنه البيت بيته وانخشيت ورا الباب وريلي عصب!!
نزلنا وخبرناهم عن الموقف البايخ وعن االفراش الوصخ!!! عاد ماعرف شو سووا...

يعني صدق المكان حلو بس الخدمه عندهم مب شي....!

اتمنى اكون فدتج...

**ليدي 2009** · 2009-06-09, 15:04

للرفع

**Reem Alnuaimi** · 2009-06-09, 20:05

بصراحه احترت ريلي حاجز فيه يومين عقب كمن يوم ؟؟!!!!!!

**دوده ومحوشه** · 2009-06-09, 20:33

أنا ان شاء الله ها الأسبوع بسير له

**الحــص** · 2009-06-09, 21:40

المكااااااااااااان واااو غاوي بس خدمتهم صفر الصراحه

الموضوع: معلومات عن فندق اتلانتس ف دبي

أدوات الموضوع

عرض

معلومات عن فندق اتلانتس ف دبي

المزيد من آخر المواضيع من نفس القسم:

المواضيع المتشابهه

فندق اتلانتس

فندق اتلانتس ببدبي

كم اسعار فندق اتلانتس

فندق اتلانتس النخله

فندق اتلانتس.. ساعدوني