عرسي شهر 10 عطوني حل

[فدا قلبه]

حبيباتي شحالكم شخباركم
اناعرسي ف بدايات 10 ولين الحين ما سويت ولا شي ما اعرف من وين ابدا وكيف اصرف البيزات الزهبه ما اعرف كيف ارتب زهبتي 60 ممكن تعطوني حل باسرع وقت لاني صدق متوهقه حد يساعدني ويسويلي جدول بلييييييييييز


واشكر ع البنات الي ردو علي وساعدوني ف موضوع الميكب بس ياريت لو يطرشون ارقام الصالونات

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Classic_ad]

ليش زايغة هالكثر عندج وقت...

تعوذي بالله وسمي باسم الله وهاتي ورقة وقلم واكتبي الاشياء اللي تحسين نفسج بتحتاجيها لانج لو خذتي من لستات البنات ما بتخلصين في بنات يحطن اشياء يمكن تحتاجينها يعني للتذكير بس في النهاية انتى لازم تكونين عارفة شو بتحتاجين طبعا بناء على وين بتسكنين وعلى ميزانيتج اذا بتسكنين عند اهلة كثرى المخاوير والعبي المسكرة واذا بتسكنين روحج فصلي عبي مفتوحة وكثرى النانير والقمصان .... واذا بغيتي اي شي راسليني على الخاص

[أميرة العاشقين]

مرحبااا الغاليه ... فديتج انا عرسي شهر 10 اول 8\10

اهم شي احجزي القاعه والمكياج ...

انا بس بديت في المخاوير المغربيات وفصلت فستان العرس من السعوديه وخلصت ... قالي بخلص على شهر 8 ..
ابدي في المخاوير من الحين ... لان بكون زحمة عيد ...

واخذت قمصان نوم شوي يعني كل ما اسير مكان اخذ شي ...

بس نصيحه رتبي بيزاتج لاتاخذين بدون لاتوزعين لان بتتوهقين شراتي ...

والبدل والشنط باخذها الحين في مهرجان دبي ..
والعطورات والمكياج بخليهم على شهر 8 لان شهر 9 ابي اكون مخلصه كل شي ومرتاحه ....

وبس تقريب هذا الي سويته ...

وربي يوفقج ووفقنا

[لحظات عابرة]

اللة يوفقج ويسعدج ويرزقج بالذرية الصالحة

[أم مغاوي]

http://forum.uaewomen.net/showthread.php?t=430083

خذي افكار بس

والباقي سويه ع قد احتياجج

[om-7mdan]

الله يوفقج يارب

[باااااربي]

بالبركة اختي
وإن شاء الله المعرسات ما بيقصرون وياج

[ام شامخ 2]

موفقة الغلااااااا

[ام ثلاثة بس]

اول شي مبرووووك


ثاني شي اهم شي اتجهزينه الفستان + القاعه+ المكياج والتسريحه+ الكوشة + الصبابات + الزفه والدي جي اذا حابة وهايالاشياء للعرس الرئيسية
والاشياء اللي بقولها لج الحين فتحي شنطة كبيرة وحطي فيها اللي بذكرة لج
عندج:
-المخاوير + العبايات وهاي من الحين لازم تجهزينهن واحسن شي سويلج 6 أطقم
-جلابيات الفلااشة اللي الموضه الحين عليهن وخذيلج 3 اللي اين بالحزام مثل المغربية واسعارهن الوحده على 1200 او اكثر وهاي للزيارات
-قمصان النوم وقميص ليلة الدخلة
-اللاحذية والشنط
-المكياج اشتري ثقيل + خفيف
-العطور العربية والفرنسية وطبعا فوقهم دهن العود وخذيلج دهن عود نص توله للشنطو
-الملابس الداخليه وخذيها اطقم اشيك في الللبس
-شلح نص ثنتين سود ثنتين بيض وثنتين بيج
-شيل للبيت 6 حبات بين الساادة والمشيرات ناعم احلى شي في سوق الحمرية + شيلتين صلاة وسجادة


اغراض الجمعية:
-صابون سائل للجسم
-سكراب للجسم
-غسول للمنطقة الحساسة
-كريمات للجسم في ماركساند سبنسر
-بودرة معطرة روحي ماركس اند سبنسر واشتري من عندهم وعلى ضمانتي كريماتعم وعطورهم عذااااااب وريحتها تثبت وتهبل وعندهم عطورات صغيرة تنفع للشنطة
-امواس حلاقة للطواري
-فوط صحية اللي اتي في اكياس
-اعواد القطن للاذن
-كلينكس المعطر بيبي جونسون لتنظيف المكياج
-صابون سائل لليد للإحتياط
-معجون اسنان مبيض للأسنان وفراشي كمن حبة
-لصقات جروح
-مطهر للجروح
-شاور كاب الاستحمام
-لبان
-فحم ودخون وعود معطر وخشب وولاعه
-معطر للجو من عبد الصمد القرشي ....معطراتهم حلوة
-توك للشعر متنوعه
-منبه
-سشوار للشعر او سيراميك الشعر

وهاللي يحضرني الحين واذا عندكم اي استفسار انا احاااضرة

[اناناسة]

الاخوات ما قصروا

[حدي دلوعه]

انا عرسي 7 / 10... وانتي متى عرسج..
وزهبتي كانت 60 الف .... يعني مثلج ..

فديتج خذي ورقه وقلم واكتبي كل شي تحتاجينه مع الميزانيه اللي حاطتنه له. وحطي كل شي بظرف
واهم شي احجزي الفستان والميك اب وحطي مبلغ لتجهيزاتج ليوم العرس..

اذا احتجتي اي شي فديتج خبريني...

[Swanzy]

لا تحاتين..الله بيسر امورج انشالله..

[سمــ الرياض ـاء]

الف مبروك

والله يتمم لك على خير ان شاء الله

[cutyah.87]

اهم شي تشترين ذهب قسمي الفلوس
لاتنسين تحجزين فستان ودورين شي رخيص شوي
لانه الفساتين وايد غالية حاليا
استغلي فترة التنزيلات صيف دبي واشتري اقمصة النوم وملابس البيت والملابس الداخليه
فصلي عبي في بوهيل او العهود وكاسري ويالهنود
فصلي مخاوير قبل العيد من الحين لانه اكيد بيغلون للعيد
واذا حابة اسويلج ميكب مب مشكلة ممكن اراعي ظروفج الماديه واسويلج خصم

[روحي الامارات]

لا تحاتين اختي بعده فيه وقت

بس اهم شي تحجزين الصالون للعرس وتسوين اشتراك لتجهيز عروس كامل تنظيف بشره وشعر وجي وتشتركين في نادي صحي .....
فستان العرس ,,هل بتأجرين او بتفصلين انتي شو مخططه؟؟ اذا بتفصلين لازم من الحين تسيرين تفصلين
المخاوير والعبي بعد نفس الشي من الحين سيري فصلي


والباقي متى ما طلعتي السوق خذيلج شويه
يعني عطورات و ملابس جاهزه وميك اب و ملابس داخليه وشنط وجي

والحين موسم التنزيلات استغلي هالفرصه والله يوفقج يارب