اريد حل لضرب زوجي حبيب لي

[ashganah]

مشكووووووورين خواتي على تفاعلكم معاي والله لا يبلي حد اميييييييييين

عقب الصلاه الجمعة ييت لعنده وكلمته طبعا في البداية حاول يطنشني وطبعا هو يستفزني عسب اغلط عليه وعقبها يقلب السالفه فوق راسي.... المهم حاولت معاه ماطاع يتكلم في البداية بس عقبها بدا يتكلم وقال ليش مكبر الموضوع انا دايما اتمازح معاج واتردين عليه، فرديت وقلته ارد عليك عسب اتحس ان هالشي يضايقني .. واتاسفت منه وقلته انا الغلطانه ولو سمحت لا تعيد واتمد ايدك عليه ولو بالمزاح ونفس الشي بالنسبة للسب...ما اقتنع ويلس يزاعق وقال انتي الي تخليني امد عليج وخلاص دامج مستويه حساسه ماعاد اتمصخر وياج بس اذا غلطتي اتحملي اللي بييج... قلتله احيد اذا غلط بشي عندك لسان ترمس مب لازم اتمد ايدك..قالي انا ما يخصني انتي اتحملي اللي بيج..قلته دام ماخذ الشغله وصاخه اسمع اذا عقب هاليوم مديت ايدك عليه مزاح او من زعل مالي يلسه معاك وكل مره اقولك خذني لبيت اهلي هالمره بتلقى اخوي واقف عند الباب واتحمل اللي بييك...عقبها يلس يتحرطم باشياء من الماضي الحاضر يضيع الموضوع قلته فكر بالقلتك اياه وحطيت راسي فوق المخده... سكت والقاه شوي ويا حضني واتاسف مني وقال اتحمليني انا متوعد على الشغله من وانا صغير وانا هو يحبني... الحمدلله واستوينا سمن على عسل والله يهديه ويسخره لي.....
وجزاكم الله الف خير على مساعدتكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[كلي هيبه]

انا عني..
ريلي جي يظرب بس عاادي..
الظربه ادرها بعشر هههههههه
وهو تعيبه ويرد يظرب..
لين ما تصير حرب بالمخدااات..
وبكم من حركه اغير الجوو من ظراابه لجو رومانسي..
بس رمسته قلت له والله ظربك يعوور..
ومره ظربني حسيت الظربه قويه جان اصيح..
قطعت قلبه ومن يوومها ما يظربني إلا لو انا بديت الحرب..

وعايشين حياتنااا بساااعده و الحمدلله..

بس مسألة السب ما يسبني..
بس مرات يناديني بألقااب يطنز علي و بنفس الوقت تضحكني..
عسب جي ما اهتم انا بعد ارد اللقب بلقب..ونضحك..
الحمدلله .. ألف الحمدلله على السعاده الي انا فيها..

وربي يهدي ريلج و يسخره لج..

(( أعيذ زوجي بكلمات الله التامه..من كل شيطان و هامه..و من كل عين لامه ))..
(( أعيذ زوجي بكلمات الله التامه..من كل شيطان و هامه..و من كل عين لامه ))..
(( أعيذ زوجي بكلمات الله التامه..من كل شيطان و هامه..و من كل عين لامه ))..

[...(مريّة)...]

الله يعينج يا رب . . الله يهديه ويسخره لج . .

[Um_Raian]

الله يعينج اصبري ودوم ادعي ان الله يهديه لان ما اظن ان في شي يغير من طبع الريال بالعكس يزيد لو دخلتي الاهل بالموضوع

[دلوعه فزاع]

مااقدر انصحج بشي لانه نفسيه ريلج تختلف من شخص لشخص ويبالها واحد محلل نفسي لانه قلتي صغيرهم وكبيرهم متعود على هالالفاظ والاسلوب وصعب تغيرين شي كان من سنين بس كل اللي اقدر اقوله انه الله يهدي ريلج ويسخره لج ان شاء الله وصدقيني لما يكون عندكم بيت ابروحكم راح يتعود على الحياه اليديده ومع الايام بتقل الفاظه والله يوفقكم يارب