اريد حل لضرب زوجي حبيب لي

**ashganah** · 2009-06-04, 23:09

مرحبااااااااااا يالغاليات موضوع واضح من عنوانه

ريلي وحبيبي ماشاء الله عليه مامقصر معاي باي شي وحتى عياله وهو انسان طيب القلب لابعد الحدود وطبعا محد كامل الا الله ومشكلته مزاحه الثقيل بايده ولسانه اللي ما ينطق الا بالسب..وانا من عائله حتى كلمه" كلب" (الله يعز السامعين) ماانقولها.. اما اهل ريلي حدث بلا حرج من حريمهم لرياييلهم ومن صغيرهم لكبيرهم ما ينطقون الا بالكلام البذئ من سب الام والاب والتلفظ اجزاء العوره بكل وقاحه وقلت ادب حتى امه تتكلم بالامور الجنسية بدون حياء؟؟؟............ اول ما بديت حياتي كنت استنكر الكلام البذيئ اللي يتلفضون به بس انا ما عليه الا من ريلي ولما كان ينطق بها الكلام كنت ازعل منه ويرد ويراضيني ويقولي هو طول عمره متعود على هلا الكلام والضرب الخفيف بس مؤلم وطبعا ما نفعت الطريقه يسبني ويرجع يراضيني ويضربني ويرجع يراضيني.. غير الاسلوب بس كانت الطريقه الخطا وهي المعامله بالمثل يسب امي اسب امه "وقلبي يقطعني " بس اقول على وعسى يحس ان هالشي جارح بس لا فائده عجبته السالفه اني ارد عليه؟؟... واذا ضربني اضربه واشوته واي شي جدامي افلعه(حشى وحش كنت رقيقه قبل مااعرس والحين احس عمري استويت وحش ودفشه) بس قولولي شو اسوي اليوم مد ايده عليه لان ضربني وعقبها شمخته بظفوري زعل هو عنده كل ولا اشمخه بظفري..طبعا حاولت احاوره واقوله دامك مااتحب هالشي انا ما احب حد يضربني او يسبني طبعا هو معصب والشراره تتطاير من عينه بس قلت خلاص لازم اضع حد لها الموضوع طبعا مع حدت الكلام( كاني كنت اريده يضربني عسب احط نهاية للموضوع) المهم مد ايده قام يخنقني عقبها تميت بس اطالعه واقوله خلاص يعني سرت ريال، اذا هاي الرجوله عندك انا مالي يلسه معاك ووديني بيت اهلي... شل عمره وطلع من الغرفه... مب بالعاده اقوله وديني بيت اهلي الا اذا كانت المشكله كبيره وخلاص تعبت ضرب وسب لي ولاهلي والموضوع كانه يقولي حبيتي... المهم مامر دقايق الا ويا عسب رياضيني ويحبني ويحضني واني انا السبب اللي خلاه يمد ايده عليه(عادني اكره الرياييل اليحطون سبب اساءه لزوجاتهم بانهن يستاهل او هي استفزتني عيل ليش انتم قوامين على النساء وليش بايدكم الطلاق لانكم اترومون تمسكون اعماركم اكثر عن الحريم بس وقت ما اتبون نستوي نحن السبب)... طبعا لاول مره ما ناقشته وقلته خذني لبيت اهلي الين ما تلقى حل لمد ايدك(قلت خلني امسكه موضوع موضوع)...طبعا حاول مطولا بس كنت اغمض عيني وما احاول اطالع فيه لاني لو شفت عيونه باضعف وبسامحه شرات كل مره... طبعا رفض يوديني بيت اهلي وشل عمره وراح يرقد زعلان بدون مايتعشى قولللللللللللللللللللللللولي شو اسوي
عطوني حل نهائي للموضوع هو انسان خلوق بس عندهم السب والضرب مثل شربت الماي شو اسوي دخيلكم سااااااااااعدوني
دخيلكم محد يقول شي عنه مهما كان هذا ريلي وابو عيالي واذا اقارنه ببعض الرياييل هو واااايد احسن بس اريد منكم حل كيف اخليه يودر هاي العاده البايخه مااعرف شو اسوي ساعدوني وجزاكم الله الف خير

المزيد من آخر المواضيع من نفس القسم:

**أزيـــــان** · 2009-06-04, 23:16

الله يعينج حبيبتي أنا مشكلتي نفس مشكلتج بس أحينه أنا متزوجه لي 10 سنين تصدقين من سنتين بس ريلي تقريبا 90 بالميه ما قام يمد ايده علي شو ماصار
وريلي اذا ضربني كان عمره ما يفكر يتأسف ولا يعتذر اسكت وانطم مكاني لانه ما نفع وياه لدرجة انها وصلت للشرطه والطلاق
بس الحمد لله كانه حس بهالشي والله هداه طبعا بعد دعواتي ودعوات اهلي امي وابوي
وضربه لي كان موطبيعي حتى يوم كنت حامل ضربني في بطني لين ازرق وريولي لين اليوم معلمه
ومره عطاني بوكس في عيني سرت الدوام وفضيحه قلت لهم ولدي فر علي اللعبه بالغلط
الله يهدي ان شاء الله بالذات انكم تحبون بعض

**حرمة الذيب** · 2009-06-04, 23:33

لا اله الا الله

**ashganah** · 2009-06-04, 23:41

هلا اختي ازيان الله يهدي ريلج ويسخره ليج والله ادعيلج من قلبي .... ريلي الحمدلله مب لها الدرجه ماببتلى عليه بس يعاملني كان يعامل حد من ربعه يدقني في زنودي ويضربني مزاح وعادي يزنطني بس بالنسباله كله مزاح واذا زعلت منه او رديت عليه يقولي انا يوم اضربه اضربه من قلبي اما هو مزاح، نفس الشي بالنسبه للشتايم يقولي انا اشتمج مزاح اما انتي من قلبج ( دخيلكم شو الفرق يوم يقولي يلعن امش مزاح او من القلب المشكله هو مقتنع تماما بهالموضوع حتى مطبقه مع ربعه عادي يسب امهم او ابوهم بس مزاح اما اذا طلعت من قهر لاااا تفرق ويزعل ليش سبيت امي ...؟ انا والله مب عارفه كيف اتعامل معاه وصارنا معرسين ثلاث سنوات بس من كثره الدفاشه اللي بينا احس صارلنا سنين معرسين..... الحمدلله حياتي زينه بس من كثر غيضي من سبه وضربه ينغص عليه فرحتي بحياتي... حاولت اناقشه اكثر من مره دايما ياخذ الموضوع مزاح ويرد يحضني ويقولي انت تكبرين الموضوع و احاول افهمه ان هالشي يضايقني بس القاه يغير الموضوع، اما اليووووووووووووووووم قلت خلاص اريد حل نهائي للموضوع دخيلكم ساعدوني مااريد بيتي يخترب بسبت هالموضوع

**ام زايد##** · 2009-06-04, 23:45

لاحول ولا قوة الا بالله كل شئ الا الضرب لازم حد يتدخل ويكلمه ..ترى بنات الناس مب لعبة . والله يهدي الجميع.

**راعيت zo6** · 2009-06-04, 23:52

والله نفس ريلي بعد ظرب وسب واونة مزاح بس انا ارد علية واظربة بعد عشان يحس الدب

ومرات اتم ساكتة وهو يكلمني او يسألني اطنش لين مايروح ...............
لاتخلين حياتج كلها مزح وقت لجد كوني جد ووقت المزح امزحي معاه...........ووقفية عند حدة
يعني اذا مد يدة عليج طالعية بنظرة وقوليلة اذا مديت يدك ثاني مرة كسرته .......وجوفي كيف بيخاف

**ashganah** · 2009-06-05, 00:05

ضحكتني بكلمه دب نفس الكلمه اللي استخدمها.... ان شاء الله يالغالية انا مب النوع الاسكت دوم ارد عليه.. قلتله كم من مره ياويلك لو اتمد ايدك عليه..... بس يقولي شو بتسوين؟؟
واذا قلتله بكسرلك اياه.. يقول هيه مره اترومين؟؟؟

الحين نش من رقاده ويالس في الحوش شنه هو الزعلان مب اناااا .......... اه تعبت منه

**روح الــــورد** · 2009-06-05, 00:15

ما في ابسط من انج تقومين الليل وتدعين ..
يمكن بعض البنات يقولون كل ما قلنا شي قالوا قوموا وادعو
بس والله عن تجربه .. كل ما بغيت شي ... قمت ودعيت ..
"ادعوني .. استجب لكم "
سيري راضيه وقومي الليل وادعي واقري البقره وال عمران واستغفري وتصدقي ..
وادعي من خااااااااطرج ....
^.^

**فاقدهـ غالي** · 2009-06-05, 00:34

الله يهديه يا ربي ،،

مثل ما قالت الاخت الي قبلي ،، ادعي و قومي الليل ،،

و الله ايسر الامور امبينكم ^^

**كويتية 2009** · 2009-06-05, 00:38

قولي له يرضى ان باجر اذا تزوجت وحدة من بناته ان زوجها يمد ايده عليها ويطقها ويسبهه ويسب اهلها وعسى الله يهديه ان شاء الله

**هنايف** · 2009-06-05, 01:00

فديت روحج الغاليه تتدرين ليش هو تماده يا الغاليه لانج من البدايه ما وقفتيه عند حده بالعكس والله لو من البدايه ما خليتيه يغلط عليج وعلى اهلج ويمد ايده لو غشمره صدقيني ما راح يتجرأ وبيحترمج بس للاسف من البدايه عطيتي الضوء الاخضر غناتي عشان جي هو تماده اكثر والله انا عندي اخوي دايما يتغشمر وياي بالضرب وغشمرته واااااايد ثجيله دوم اسكت واطوف لين مره تماده بضربي وحمريت ايدي وعلمت جان اعصب ووقفته عند حده لدرجه انه دخلت اخوي الكبير ف الموضوع وقاله احترم نفسك واذا شايف عمرك ما تروم تصلب عمرك لا تتدش البيت مره ثانيه والله الحين بالعكس مول ما يتغشمر وياي بالضرب يعني غشمرته من بعيد لبعيد بس صدقيني حبيبتي انتي الغلطانه بس مثل ما قالن لج الخوات عليج بالقيام والدعاء وربي يهدي ان شاء الله وجميع المسلمين يارب

**فجراويه دلع** · 2009-06-05, 01:22

استغفر الله العلي العظيم ..

لا تسكتين عنه دوم قوليله إن إذا انته تحب حد يغلط على اهلك انا ما احب ولا تضحكين كل ما سبج او تردين عليه بالمثل ترا بيتعود خذي موقف صارم عسب ما يعيدها يمكن هو يجوفج تسامحيه كل مره من جذه مستسهل السالفه ..

الله يهديه ويهدي اهله مب زين هالالفاظ قولي له حسن الفاظك بذكر الله بدال هالألفاظ عادي عقب عيالكم يتعودون عليها ..

**حنين1212** · 2009-06-05, 01:42

الغاااااااليه انا عندي لج حل .... ماا بعده حل ...

شووفي الخطوه الي انتي سوويتها احينه .. واايد اووكي انه قمتي تردي عليه وجي ...

احينه مااا علييييج الا تسووين العكس...

يعني يووم يضربج .. قولي تألمي عاادي وعقب لا تبتسمين .. ولا تتضاايقين .. شلي عمرج .. وروحي كأنج مضاايقه منه او انج مليييييتي منه ...

اذا سب ويلس يسبسب ... صدي عنه كأنه الي يقووله شي ماا منه فاايده .. وانتي مليتي منه

حسسيه انه يووم يسب انه الشي الي يقووله ماا منه فاايده .. وانتي مليتي منه

وسووي عكس هالشي يعني استاانسي يووم ايج ويقعد عداليج ويعااملج بأووكي .. اول ماا يبيدي يضرب ولا يسب ..

نشي من مكاانج ولا قولي برووح اشووف اختك .. ولا امك .. المهم اطلعي ودريه كانه هووه شي مش مهم

بيني اهتماامج له يووم يكوون اووكي .. وافرحي واستاانسي .. مره خلي عمرج طاايره فيه من الفرح يووم يكوون اووكي

صدقيني هذا ريلج .. مثل اليااااهل .. ماا بينفع ويااه الا هااي الحركه ...

وهووه .. عقب بحس... وصدقيني .. هوه الي بدوور ع رااحتج ورااحته

اصلا انتي احسبيها .. هووه واايد تضاايق .. يووم انتي قلتي له .. جي .. يعني هووه ف الاسااس حساااس

اذا تبي تغيريه ابدي بهالحررررركه

هالحركه مب معنااته زعل ... بس كأنها مش اهتمااام فيه ..

عاادي يقوول الي قووله يسب ليييين بسه ..

حتى لوو سب علييج بالحركاات ..

غمضي عيوونج .. ع الخفيف وطلعي نفس عااادي مش بالقووو.. واوونج وطالعي الارض ..

عقب .. نشي رتبي اغرااضج كأنج مااسمعتيه .. او .. العبي باي شي .. ف ايدج ف فوونج

ان شااء الله فهمتي علي جربي .. وعطيني خبر

واهم اهم نفقطططططه عشاان ماا يووسوس لج بلييييس " استغفري ف خااطرج واستغفري .. وخلج رييييلكس هاااديه مش معصبه ولا شي " يعني كأنج مليييتي .. وصار الشي ماايهمج

بس ف نفسسسسس الوقت اي حركه حلووه يسوويها .. طيييري من الفررحه .. يووم يبدي .. يضاايقج .. انقلبي ع طوول ..

واذا قالج شووفج .. هزي رااسج .. عقب بصووت وااطي مااشي ..

يعني بيني له انه هالحركاات ملييييت منها انا وتعبت . .ماا عرف شوو الحل ياانا اتغير انا انت تودرها ..

والسمووحه واايد يلست اعيييييد ف كلالاامي .. عشاان بس .. اركز ع النقطه ..

لي عوووووووووده .. وان شااء الله النتيييجه بعد فتررررره بس انتي استمري عليها

احذرييييييييي لي فلت اعصاابج ... ف نص هالحركاات ... يمكن يضييع عليج كل شي

انتي تبي تغيرييييه؟؟!!! علييييييج بالصببببببببببر وهالحركه مااا تتغيررررررر ابدا

عشاان ماايقوول ... هااي حاله .. وبتتسلم بسرعه .. خليييييييييج قوويه ..

والله يووفقج

ترى هالحركه وااااااااااااايد تعذب اسألي مجرب

والسمووحه ع الاغلط .. الكتاابيه لاني نوداانه حخخخخخخخخخخ

**حواري 09** · 2009-06-05, 01:46

والله ما ادري شو اقول انا للحين مب مستوعبه الكلام اللي اقراه ... اوكيه لاتزعلون مني بس الامر راجع للتربيه مثل ما قلتي اختي ان العايله بكبرها تسب وتلعن وريلج واحد من هالعايله وانت مستنكره هالوضع بس للآسف انتي ماسويتي شي اليوم ضربج وراضاج بينج وبينه بس باجر عيالج تتوقعين بيحترمونج وبيسمعون كلامج شو بتكون ردت فعلهم وامهم وابوهم يرددون كلام مب مقبول كيف بتقولين له عيب وانت للآسف تقولينها او الاب .. وبعدين ليش تدخلون الوالدين بالسالفه .. حبيبتي راجعي نفسج الف مره مب مره وحطي حد للموضوع تراه مب هين والحب بدون الاحترام صدقيني مايعيش ... اتمني لج التوفيق

**جلنورة** · 2009-06-05, 01:51

لا حول ولا قوة الا بالله

اعتقد صعب يتغير اذا تربى على هالشي

سيري قوليله احبك ومابى اسير عنك,,,بس انت يوم تضربني احس انك ماتباني ولا تحبني

خخخخ قامت تألف مسلسل الاخت **
الله يهديكم

الموضوع: اريد حل لضرب زوجي حبيب لي

أدوات الموضوع

عرض