خطبتني لاخوها.......

[شيخة ع الشامسي]

خواتي الغاليات بدش بالموضوع على طول ..

ربيعتي خطبتني لاخوها من 4 شهور تقريبا بس انقطعت عن السالفه من ذيج الحزة مره وحده ويوم ارمس وياها سوالفنا العاديه بس ما تطري الموضوع للعلم ان هي خذت رقم هليه عشان تعطيه لامها بس هم ما اتصلو الموهم الغاليات انا يوم شفتها ترمس وياي عادي ولا كان في شي شليت الموضوع من بالي بس اختي قالتلي دام انها قالت ان اخوها يدرس بره يعني ما بيي الا الصيف وعشان جي هم ما رمسوا بالموضوع يتريوون اخوها لين يرد بس فديتكن انا الصراحه نفس ما قلتلكم شليت الموضوع من بالي واذا في نصيب الله راح يقدمه ان شاء الله وللعلم ربيعتي احين حامل وتوها دشت شهرها وهي اختي قالت يمكن بعد عشان هالسبب الثاني بس انا اللي ما فهمته انها ما فتحت الموضوع خير شر .الحمد لله على كل حال والحين خفت مكالماتنا وايد لانها هي حامل بغض النظر انها متزوجة بس اخر مكالمة من بينا كانت من شهر تقريبا او اقل وكانت تخبرني انهم خطبو لاخوها اللي اصغر من اللي كانوا يبوني له وانهم حددوا كل شي بس يتريوا اخوها اللي هو خطبني يرد من السفر عشان يسوون الملجه هالشهر والعرس يكون شهر 8 ومن بين الكلام تمت تقول انه بعد اخوها اللي مسافر يبي يملج ويعرس(اللي خطبني) بنفس الوقت بس هم قالوله لا الحين بنخلص واحد عسب تعرفون العرس والماركض وعقب السنه اليايه هو وهو وافق على كلامها وبا اني والله خلاص ظهرت السالفه من بالي وانه كل شي نصيب قلتلها وليش ما خطبتوله وسويتوا لهم عرسهم ويا بعض فهي قالت لي ما بينفع لان وحده من اماره وحددتني وانتي من اماره ؟؟؟؟؟؟؟؟؟؟؟ الصراحه استحيت وما رديت بس قلتلها هييييه ومن عقب هالسالفه ما صار شي صارلها شهر الحين تقريبا المهم اتصلتبها مره ما ردت وصرت ادقق انها اذا ما ردت اني وايد اتحسس ما عرف شو ياني واخر مره كنت اباها بموضوع واايد مهم ما ردت طرشت لها مسج هم ما ردت تمت يومين اليوم الثالث اتصلتبها ردت وقالت لي ما كان عندها رصيد بس انا كنت خلاص وااايد متحسسه احس ما ادري استغفر الله ما عرف ما اريد احط بذمتي بس لاني توجعنا يعني شد من بينا الكلام وصوتي تغير لاني حساسه وصحت بس ما خليتها تحس ان صايحه بس والله لاني حسيت بمذله الصراحه وانا ما كنت اريد الا وربي شاهد شي ضروري انا قلت من بعدها ما بتصل لو شو صار وهي ما تصلت وانا اعذرها لانها حامل وهالبجر بس بعد ساعات افكر اقول يمكن يكونن هونو مب عارفه شو الحين يمكن من هالموقف هونت .والحمد لله على كل حال رديت وشليت الفكره من بالي للعلم هي يوم كانت مرمستني انها تباني لاخوية كان شي ناس خاطبيني وكانوا يتريون الرد وما خبرتها لانه يمكن ما يكون في نصيب لان هلي كانوا يسالوا عنه وبالنهايه ما صار نصيب وتسكر الموضوع بس من فترة 3 اسابيع تقريبا انخطبت ويالسين هلي يسالون عن الريال فمب عارفه الحين شو احس راسي بينفجر فيدوني شو اسوي .

المزيد من آخر المواضيع من نفس القسم:

• عن رواتب الحضانات
• انا دلال ابحث عن صديقتي مها.ج
• ساعدوني
• سَ أبْقى بِلآ عنّوآن ~
• هل من مرحب
• حياكم وردات مدينه محمد بن زايد
• مرحبا انا جديدة معكم هل من ترحيب
• بنات بوظبي مرحبا بكن
• كيف اكتب حلمي
• سلاااام للجميع

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نظرات حانيه]

اختي انا اقولج دام انه ربيعتج ما فاتحت اهلج في الموضوع خلاص شلي الفكره منراسج

والي خاطبينج وكلمو اهلج ويتريون الرد ردي عليهم عقب ما تصلين استخاره

لانه صدقيني النصييب يي اول ولا تقولين والله ربيعتي وما ربيعتي لا فديتج تاكدي 100في 100 الي تقدمولج هم الاصلح لج
والله يقدملج الي فيه الخير ياربي

[ضوء القمر]

الغاليه اذا الانسان اللي اهلج يسالون عنه طلع زين توكلي على الله ولا ترفضين لان اربيعتج مثل ما تقولين بس قالت من غير ما يتقدمون وعصفور في اليد ولا عشره على الشير شو دراج انه لما ايي من برع ما يقول لا ما ابغي هذي البنت وتكونين خسرتي الاثنين وما يمنع انه قبل ما تردين على هلج تقولين حق اربيعتج عن الخطيب اللي ياج بس نصيحتي اذا هو زين لا تردين وعسى ان تحبوا شي وهو شر لكم وعسى ان تكرهوا شي وهو خير لكم والله يرزقج الافضل ان شاء الله

[мěмσяίěş]

الله يعينج الصراحه السالفه فعلن تحير

عليج بالاستخاره بترتاحين فيها .. دام ان الريال زين ودين وما يعيبه شي توكلي على الله

غناتيا .. بنقله لقسم متخصص أكثر

والسموحه منج

[شوق الدار]

الغاليه اتمنى تاخذين برمستيه اذا شفتيها تناسبج وتاسب مشكلتج ... حبيبتي اذا الريال اللي قاعدين اهلج يسالون عنه هر زين وما فيه اي عيب حرااام عليج اذا رفضتيه عشان اخو ربيعتج انتي بنت وما تعرفين الزمن شو مخبيلج حياتي .. انا اقولج المسافر الله يعلم بحاله وانت ما تعرفين عنه شي ولا بينكم شي يعني لو عرستي هو مليووون وحده بتاخذه يوم بقررون اهله يزوجونه بس انج تيلسين تتريينه لين السنه اليايه وانتي اصلا تنخطبين بين فتره وفتره فانا ما انصحج تتريينه او انج ترمسين خته اللي هي ربيعتج وتقوليلها عن سالفة الخطبه ... يا انهم يحددون شي رسمي يا نج توافقين ع الريال اللي ياينج اذا هو ما عليه خلاف ... حبيبتي البنت تكبر والريال لو عمره مليووون بعد بيعرس بس البنت غير فهمتيني وانا اختج .... فهمي البنت ورمسيها انج بتوافقين ع الريال اذا هو زين واخوها ربي يوفجه بغيرج يالغاليه لا تعقلقين عمرج بوهم لين ايصير الله يحفظج ويخليج لاهلج لاني فعلا حسيت بنيه خجوله وتستاهلين كل خير .....
حبيبتي اذا بغيتيني اي شي راسليني ع الخاص وانا ما بقصر معاج ف اي شي وبتم معاج لين تخلص سالفتج ع خير اذا تقبليني كاخت وصديقه شرايج ختيه؟؟؟؟؟؟؟؟؟؟؟؟؟

[Rosewater]

استخيري احسن شي

[أصخله كاااشخه]

استخيري احسن شي

[$شيوخيه$]

استخيري والي الله كاتبنه لج بيستوي ان شاء الله

[اناستازيا]

لاتعورين رااسج ,,فكري باللي خظبج الحين وتوكلي ..

[النجلاء]

صلي استخارة بالنسبة للشخص المتقدم لج ... لانهم أولى من رمسة ربيعتج الي ما تنفذ منها شي ..


الله يوفقج و ييسر لج أمرج

[دلع 2009]

احسن شي اذا الريال اوكي وماعلي كلام الي اخطبج استخيري لي ربج وتيسيري اذا مكتوبلج بتاخذينه واذا ماكتوبلج اخو اربيعتج بيصير شي وبتترفكش وبياخذج اخو اربيعتج بس انتي استخيري وتكلي على ربج وهذا رب العباد الي عارف شو انسابنه ويسعدنه

[m_f_u]

انا انصحج حبيبتي انج تتوكيل على الله وتستخيرين على لي ياج وخطبج من اهلج ولا تترين اخو اربيعتج ماتعرفين شو نصيبج يمكن تترتاحين اكثر مع ريال اكثر من اخو اربيعتج على فكرة النصيب ماييج إلامرة وانتي ماتحسين فيه الله يسر امورج ولا تتردين ولا تحطين في بالج انه يوم من الايام اربيعتج بتزعل منج هذا إلا اربيعتج تحبج وااااااايد الله يفرجها عليج ويرزقج بولد الحلال امممممممين

إذا تبين اي شي فديتج انا موجودة وقولي الي في خاطرج

[small dream]

انا احساسي يقول انج تبين اخو ربيتج لانج تعزينها وايد مبين عليج
بس للاسف اربيعتج مش واضحه مخليه الامور على الله و وهيه وايد احس انها اتهرب منج لانهم في ظني مترددين في موضوعج وانا من رايي انج تستخيريين ربج والله يوفقج وانا حاسه بالاحساس اللي تمربن فيه بس ماعليج فتره وبتعدي بس ممكن طلب
اذا فيه وحده تمون على ربيعتج خليها تفتح الها الموضوع بطريقه غير مباشره وتتخبرها وبتعرفيين هم شوه نيتهم والله يكون بعونج
طمنيني عليج

[بـنـوتـه]

مثل ما قالوا البنات اذا الريال اللي تسألون عنه حاليا مافي شي يعيبه خلاص توكلي على الله ... بس انتي خبري ربيعتج انه شي ناس يايين يخطبونج والحين تسألون عن الريال .. واذا قالت شي عن اخوها قوليلها انتوا ماخبرتوا اهلي ومافي شي رسمي استوى ..

[غرنوق رعبوبة]

استخيري الغالية