بنات الثامن والتاسع الي يداومـــن....

[miss amal]

بنات السلام عليكم ورحمه الله وبركاته

شخباركم عساكم طيبين شو صحتكم.. بنات متى تفكرون تاخذون اجازه قبل والا بعد الولاده

والله اني في الثامن الحين وتعبانه ريلي تعورني كثر ما ايلس على الكرسي فالمكتب احس انها متورمه
المشكله اخاف اخذ اجازه لاني مابغيهم يخصمون من اجازتي السنويه انا افكر اخذها بعد ما اربى بالسلامه


شو اوضاعكم انتو خبروني .. شو تسوون طول اليوم .. نحن طبيعة شغلنا مانقدر نتحرك وايد لان الممرات كلها رياييل ماغير هالمكتب احوط فيه مرات احس عمري خبله

كل يوم الصبح انش متعايزه مابغي اسير والله طفرت ياخي ليش مايسوون قانون يصرح للحوامل من بداية الشهر الثامن ياخذون اجازه لين يربون يعني شو بيستوي عليهم والله نحن نحس بتعب محد يعلم به غير رب العالمين

هذا من غير الشغل الي نسويه في البيت يوم نرد .. وياليتهم يرخصونا من وقت بعد بناكل تبن ونسكت .. يرخصونا حالنا حال غيرنا الساعه 2 ونص انا عن نفسي اوصل البيت 3 .. والحين الجو حار قسم بالله ارد هلكااااااااااانه واناهي من التعب جني يايه ركض


خبروني انتو شو تسوون طول فترة الدوام وهل تفكرون تاخذون اجازات مرضيه .. وتعتقدون يسمحون لو خذت اجازه مرضيه لمده اسبوع والا فيها مسائله ومن هالطفاس

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mazyo0na]

الله يكووووون في عووونج اختي انا يالسه في البيت واحس بتعب وما شي رقاد مثل باقي الناس

كيف انتوا تنشووون من الصبح ودوام ويا هالحر الله يكوون في عووونج

انا حمياتي اللي يشتغلن ياخذن اجازه تقريبا من نص التاسع ويتمن شهرين بعد الولاده اجازه وضع وبعدها شهرين اجازه سنويه

يعني تقريبا اربع شهووور عشان يرتاحن وبنفس الوقت عشان عيالهم يكبرون شوي

الله يهوووون عليج ويسهل عليج ولادتج

[هزووفه]

الله يسهل عليج يا رب

ان شاء الله البنات يفيدوج

لاني مب حامل

ولا واشتغل

[miss amal]

الله يكووووون في عووونج اختي انا يالسه في البيت واحس بتعب وما شي رقاد مثل باقي الناس

كيف انتوا تنشووون من الصبح ودوام ويا هالحر الله يكوون في عووونج

انا حمياتي اللي يشتغلن ياخذن اجازه تقريبا من نص التاسع ويتمن شهرين بعد الولاده اجازه وضع وبعدها شهرين اجازه سنويه

يعني تقريبا اربع شهووور عشان يرتاحن وبنفس الوقت عشان عيالهم يكبرون شوي

الله يهوووون عليج ويسهل عليج ولادتج

والله ياختيه شو نسوي تعب في تعب مب كاسر ظهرنا غير هالراتب ... ياخذون اجازه حمياتج في نص التاسع مرضيه يعني؟ والا من الاجازه السنويه؟ لان انا اجازتي السنويه تقريبا 40 يوم وابغي اخليهن عقب ماربي وهم بيعطوني اجازه شهرين مثل ماتعرفين عقب الولاده..

فديتج يزاج الله خير والله ربي ييسر امرج انتي بعد ونولد كلنا بالسلامه باذن الله

[miss amal]

الله يسهل عليج يا رب

ان شاء الله البنات يفيدوج

لاني مب حامل

ولا واشتغل

ههههههه الله ياخذ ابليسج مشكله الفضول ياختيه مشكله هههههههه يقطع اليوف

[أم فزاع]

انا فضلت ايلس في البيت واربي العيال.. بعد تفكير الطويل وصلاة الاستخارة

لان مهما علا الراتب والمسمى الوظيفي بس اخرتها تربية العيال اهم من كل شي.. ما اتخيل اشوف عيالي بييد البشكارة.. احس بالغيرة.. يوم اشوف عيال بعض الحريم متعلقين في البشكارة اكثر من امهم قلبي يعورني واحس البشكارة اللي يابتهم مب الام..والعيال مب نظيفين فيهم ريحة الخدامة..

وبعدين الزوج ما بيحس بجيمتج كأم وعلى مسؤولية...

[miss amal]

انا فضلت ايلس في البيت واربي العيال.. بعد تفكير الطويل وصلاة الاستخارة

لان مهما علا الراتب والمسمى الوظيفي بس اخرتها تربية العيال اهم من كل شي.. ما اتخيل اشوف عيالي بييد البشكارة.. احس بالغيرة.. يوم اشوف عيال بعض الحريم متعلقين في البشكارة اكثر من امهم قلبي يعورني واحس البشكارة اللي يابتهم مب الام..والعيال مب نظيفين فيهم ريحة الخدامة..

وبعدين الزوج ما بيحس بجيمتج كأم وعلى مسؤولية...

شو نسوي ياختيه والله انا ودي والهوى ضدي.. انا بعد ماداني اشوف عيالي في ايد البشكاره مادانيهم اصلا ولا امن فيهم.. لكن هذا اول مولود ان شا ءالله وباذن الله بخليه عند الوالده زين ان بيتها حذالنا.. لكن بعد كم بتيوده مسكينه هي بروحها تعبانه

انا ان شاء الله عقب ما اييب الثاني او الثالث بالسلامه بفكر استقيل .. لاني من النوع الي يحاتي وايد.. لكن الدنيا غاليه والله وراتب ريلي مايكفي المصاريف

يالله انك تفرجها علينا يالله

[أم فزاع]

انا وياج اختي الدنيا غاليه... بس كم يباله صرف؟؟؟ والله مب وايد والريال دام فكر في الزواج والعيال هو لازم يشد حيله ويصرف على اهله..

وبعدين دام الوالدة ساكنه يم بيتكم والله في هالحاله اييدج تشتغلين.. لانج ضمنتي سلامتهم وتقدرين تخلين البشكارة تساعد الوالدة..

بس انا بعيدة عن اهلي واهل ريلي عشان جذي فضلت ايلس ويا عيالي واربيهم..

[إمارتيه]

الله يكون في عونج ..
ذكرتينى بأيام الحمل والدوام ..
أحسن شي تسوينه .. انك تأخذين اجازات مرضيه
روحى عند الدكتورة وقوليلها ظهرك يعورك من اليلسه الطويله في المكتب
وراح تعطيج اجازة ان شاء الله ..

[ام فواغي 24]

يالله يامل يتي على الجرح هما على هما على هم انا كلمت ال HR عندنا و قالوا لي تقدرين تاخذين مرضيه وانت حاله خاصه واجازتج بتمر على لجنه وبيوافقون عليها عادتا يراعون الحوامل ان شاء الله باقي 20 يوم وادخل التاسع والله يسر علينا امرنا

[om_ahmed]

الله يعينا الحال من بعضه احنا اجازة الوضع عندنا 45 يوم مب شهرين وانا ناويه أخذ بدون راتب عقب ماربي ويالسه احاول ما اخذ من السنويه بس غصبن عني خاصا انا في فترة الوحام

[..العنود..]

بعدج انتي اهون عني بوايد انا توني داخله الثامن وادرس في الجامعه واحسبي عاد انتي كل المشاوير من كلاس لين الثاني في هالحر وغير قعدة الكرسي اللي تذبح وغير الواجبات والكراف اصراحه من كثر المشي والتعب احس انه كروشتي نازلة وااايد بس الحمد لله خلاص باقي اسبوع وبنخلص وبنقعد في البيت
والله ايكون في عون الجميع

[Gucci_girl]

الله يسهل علينا إن شاء الله

[ام شوق وعزوز]

أنا من رايي عقب الولاده أحسن لانه بيغمضج أنونو
بيكون محتاي لج وودج ماتخلينه وعن التعب
ترى يوم بترجعين البيت بطيحين ع شبريه بيخوزعنج كل شي
وربي يهون عليج يارب

[شوق الاماراات]

للاسف كلنا نعاااني والله خلصت من الكليه والحين تدريب ومايعطون اجازه لو المووت وكله يلسه ع المكتب وطول الوقت احس بألم في بطني اتمنى اربي هالاياام وافتك منهم ومن كرافهم