لازم يعني..................

[روح البدر]

المشي والمشي والمشي قدر ماتقدرين عشان ينزل الحوض ويسهل الولادة
حرمة اخوي قالولها الولد مب نازل عدل فالحوض وحليلها بعد اسبوع سولها قيصري
بس صراحة مب طول الوقت تمشي
لازم تهلكين عمرج من المشي عشان ترتاحين وقت الولادة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أحلى الوصوف]

انا في بنتي راسها ماكان نازل في الحوض بس الدكتورة عطتني طلق صناعي و ربيت الحمدلله عادي ينزل حزة الولادة

[كعبية X بريسو]

سبحان الله ولا اله الا الله والله أكبر

[ورد طائفي]

الغالية انا في لما كنت حامل في بنتي الله يحفظها كان راسها من الشهر السابع نازل في الحوض بس ما ربيت الا لما كملت شهري بس وايد عانيت ما كنت لا اقدر ايلس ولا امشي
يفضل على قولت الدكاترة انه الراس ينزل في الحوض عساس تكون الولادة سهلة لكن انا عرف خوات راس البيبي طول الوقت في الحوض وحزة الولادة جلب الياهل واعترض كلها تدابير من رب العالمين لا تيلسين تحاتين وايد عادي ما يكون تحت وحزة الولادة ينزل في الحوض

[miss dal3]

يقولون جلسه القرفصاء انا جربتها

بس انا ولله الحمدلله من سابع نزل بس اتقول الدكتوره ايغير وضيعته

بس ف التاسع لازم ايكون نازل تحت

[fashions]

شوفي حبيبتي ... الدكتوره ليش تقولك امشي كثييييييييييييييير في الشهر التاسع
علشان ينزل راس البيبي في الحوض ويثبت ماتتغير وضعيته اثناء الولاده ويقلب .. ثاني شي لما يجيك الطلق ويكون راس البيبي في الحوض سبحان الله بتقتصري زمن الولاده وتولدي بسرعه بأذن الله
لان وظيفة الطلق انه مع التقلصات ينزل راس البيبي في الحوض وعلى بال ماينزل يباله كم ساعه .. وبعدها يبدأ يفتح الرحم ...
حتى لو مش نازل الراس عادي مع الطلق بأذن الله تعالى ينزل .. لكن الاسهل والافضل انك تمشي كثيييييييييير علشان ينزل ويثبت والله يعون عليك حملك وولادتك ويسهل طلقك وتقومي انتي والبيبي بالسلامه ويفرحكم بشوفته ...

[ناعمة الخد]

في ولادتي الاخيرة ببنتي كان راسها فوق ومب داخل الحوض بس من بدا الطلق نزل راسها وساعة وانا والدة

الحمد لله بس كنت امشي وايد وايد ومسافات طويلة ................

الله يسهل عليكم ...........

[**هدوء**]

للرفع

[روريتو]

اب اب