عرووووس وتبا تشجيع ,, صوووور

**bnt al_shj** · 2009-05-31, 01:03

السلام عليييييكم بنوتااااات

فديتكم من اليوم الي هو الاحد
31 - 5 - 2009

وبالاشتراك مع اختي وحبيبتي Noora 2009
جزاها الله الف خير اشتركت معاي وبتشجعني واشجعها اكثر واكثر

قررنا ان نبدا رجيم عذاري ,,

وهذا هو الرجيم ,,

ولااااازم بالصووووور

السبت . الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي

متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع

الشاهي ولا نقطة هههههه تعذيب صح ) عالعموم اللي يبي الدح مايقول أح ...

الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم

كليها طبعاً آخر الليل مو مع البرتقال ( يازينك وأنتي تاكلين عصير وتشربين برتقال )

الأحد . الأفطار . 2 بيضة مسلوقة مع شاي ( بدون سكر الا من سكر الريجيم )

الغدا . سمكة مشوية كبيرة + صحن سلطة خضراء ..

العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )

الاثنين . الافطار . بيضة مسلوقة + برتقاله + شاي أو قهوة

الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...

العشا . كوب حليب قليل الدسم ويفضل منزوع + شابورة ( بر ) ...

الثلاثاء . الافطار . شريحة جبنة قليله الدسم + توست ( بريد بر ) + شاي أقهوة .

الغدا . نوع واح من الفاكهة ... ( أنا كنت آكل التفاح ) ......

العشا . لبن قليل الدسم مع توست ( بريد بر )

الاربعاء . الافطار . 7 حبات تمر مع قهوة طبعاً مو شاي

الغدا . دجاج مشوي بدون جلد غير محدود الكمية .

العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية

جبنة فيتا قليلة الدسم علشان يلينة ) ...

الخميس . الافطار . مفتوح الغدا . مفتوح

العشا . مفتوح

الجمعة . الافطار . جبن قليل الدسم + 2/1 خبزة + عصير برتقال ...

الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح
ملاحظة : مفتوح تعني اختيار أي وجبة مما سبق في الريجيم ( لا تستانسين واجد ) ..

والي حابه تبدا معانا ,, حياااااهااااا الله

ونبا نشجييييييع

وإن شاء الله الله يقدرنا ونستمر عليه

وبإذن الله ننزل ونرتاح شوي

ملاحظة :
دعوة منكم تكفينا

المزيد من آخر المواضيع من نفس القسم:

**dala dubai** · 2009-05-31, 01:07

الله يوفقـــــــــكن ويحقق اللي فباااااالكن ^^

**Noora 2009** · 2009-05-31, 01:09

هلا والله بالعروس

ان شاء الله من باجر بنتبع هالرجيم

والله يوفقنااا وتنزل اوزانا واحنا بصحة وعافيه يااااااااااااااااارب

**Noora 2009** · 2009-05-31, 01:11

واللي بتشترك ويانا اتخبرنا بوزنها وطولهااا

انا طولي 165 ووزني اخر مرة كان 85

**ام بنين** · 2009-05-31, 01:29

الله يوفقكم وناول لكم الي في بالكم انا الحمد الله وزني 45 وطولي 165

**أم خرباش** · 2009-05-31, 01:34

بالتوفيج ان شالله

**القلب الطيب** · 2009-05-31, 05:17

بالتوفييييييييييج ان شاءالله

وان شاءالله تنزلون وتوصلون للوزن الي تبونه وانتوا بصحه وعاااافيه

**احساس زمن** · 2009-05-31, 08:21

بالتوفيق ^_^

وشدن حيلكن

ويلا يا عرووستنا اصبري وخلي عزيمتج قويه

**bnt al_shj** · 2009-05-31, 16:16

تسلمووووون حبيباتي وجزاكم الله الف خير

احم ,,
بديت اليوم ''
نشيت عالساعه 1 ونص ,, وكلت حبة شابورة و شوية ماااااي وبسسسس
اتريو الغدا ,,

يالله نوااااري ,, وينج ؟

**bnt al_shj** · 2009-05-31, 17:07

مرحبااااابكم بنوتات

وييييييينكم ؟؟؟؟

انا رجعت مع غداي ..

كلت ربع سمجه صغنووووونه ,, وربع قطعة كباب ,,

وخيارة مع جبنة ,,

وماااااااي

وبثثثثثثث ,,
عسى ماخبصت بس !!

وينكمممم ؟

**اخت بوحميد** · 2009-05-31, 21:00

خاطري اشترك بس انشالله قريب خخخخخخخخخخخخ المتن مشكله خخخخخخخخخ منه الله يوفجكن يارب

**bnt al_shj** · 2009-05-31, 21:07

بنااات وييييييينكن ؟!

بلاكن صرتو بارداااااات !!!

**غ ـرشوبة R@K** · 2009-05-31, 21:16

هــــــــــلا والله بالعـرووووس .. هـلا هـلا هـلا باللي تشجعت وبديت تشد حـيلهـآ في الرجـيم ..
الله حييييه .. أتمنى لج ولرفيجتج التوووفيق .. وإن شـآء الله يــآربي توصوولوون للوزن اللي
تتمنوونه ... ويلا شدن الهمه .. بالعزيمه والإرآآده نووووووووصل لمبتغـآنـآ

**غاية الضوء** · 2009-05-31, 21:19

شدن الهمة بنات .. بس وين الصور خخخ ^^ ..

ربي يحقق اللي في بالكن ^_^ ..

**النعيمي** · 2009-05-31, 21:29

يلا نحن وياكم وبنشجعكم

واهم شي في الريجيم
العزيمة ثم الاصرار ثم العزيمة

الموضوع: عرووووس وتبا تشجيع ,, صوووور

أدوات الموضوع

عرض

عرووووس وتبا تشجيع ,, صوووور

المزيد من آخر المواضيع من نفس القسم:

المواضيع المتشابهه

صوووور بانكوك

وسااااااااااااااااائط صوووور

صوووور حلووووه

تعلن أم مهـــــاررررري اليوم وتبا حضوووووووور وتبا تشجيييييييع أحرررر منه ما فييييييه