ابا ادرس

**صفصوفة الامارات** · 2009-05-29, 19:30

اشحالكم بناااااااااات

بنااااااااااات انا محتاره وااااااااااايد

من زمان فخاطري اكمل دراستي بس ماعرف وين وحاليا انا موظفه وايدين قالولي جامعة عيمان

بس مادري مب متشجعه محد يمدحهااااااا ومب لين هناااااااك

انا خلصت الثانويه من 5 سنوات وماكملت دارستي

والحين ندمانه اشد الندم والله

سجلت قبل ماشتغل في كليه المجتمع وماقبلوني بسبه الجواز لان جوازي من بوظبي !!!!!! والاولويه للشارجه

والله للحين مقهوره وكنت مضايجه وايد وبعدها بشهرين اشتغلت تقريبا من سنتين

وللحين واااااااايد فخاطري ادرس بشو تنصحوني؟؟؟ انا مابي اطلع من وظيفتي لانها حكوميه

يعني ابا ادرس مسائي

دخيلكم ساعدووووووووووووني

وايد مضايجه بسبه هالشي

المزيد من آخر المواضيع من نفس القسم:

**صفصوفة الامارات** · 2009-05-29, 20:02

؟؟؟؟؟؟؟؟؟؟؟؟؟ وينكم

**داري uae** · 2009-05-29, 20:31

انتي وين ساكنة في أي امارة الغالية؟؟

**صفصوفة الامارات** · 2009-05-29, 20:43

المشاركة الأصلية كتبت بواسطة داري uae

انتي وين ساكنة في أي امارة الغالية؟؟

من الشارجه

**مس.دانتيل** · 2009-05-29, 20:44

معهد الامارات للدراسات المصرفيه
عندهم دبلوم بريطاني و دبلوم إسلامي (انتي تختارين شو تبين)
و تاخذين شهادة الدبلوم في سنه و نص بس.. و حق الدبلوم العالي بعد سنه و نص زياده
و عندهم دوام صباحي و مسائي
ملاحظه: الدراسه مختلطه بنات + اولاد بس هم ايلسون البنات جدام و الاولاد ورا.. يعني مب حذال بعض

و مكانهم فالشارجه

**صفصوفة الامارات** · 2009-05-29, 20:56

المشاركة الأصلية كتبت بواسطة مس.دانتيل

معهد الامارات للدراسات المصرفيه
عندهم دبلوم بريطاني و دبلوم إسلامي (انتي تختارين شو تبين)
و تاخذين شهادة الدبلوم في سنه و نص بس.. و حق الدبلوم العالي بعد سنه و نص زياده
و عندهم دوام صباحي و مسائي
ملاحظه: الدراسه مختلطه بنات + اولاد بس هم ايلسون البنات جدام و الاولاد ورا.. يعني مب حذال بعض

و مكانهم فالشارجه

مشكوره الغاليه

هيه اعرفه بس مااحب القطاع المصرفي ولا الحسابات

**احتاجك..** · 2009-05-29, 21:02

حبيبتي سوري ماعرف

**قاهرة القلوب** · 2009-05-29, 21:04

اذا تبين في دبي انا حاضرة

بس ممكن اتسيرين الجامعة الامريكية اللي في الشارقة بس مختلط

**صفصوفة الامارات** · 2009-05-29, 21:26

المشاركة الأصلية كتبت بواسطة قاهرة القلوب

اذا تبين في دبي انا حاضرة

بس ممكن اتسيرين الجامعة الامريكية اللي في الشارقة بس مختلط

الامريكيه مختلطه ماقدر

وفي دبي مابيخلوني لان بعيد وانا دوامي في الشارجه

مشكوره الغاليه

**basko0ota** · 2009-05-29, 21:14

انزين جوفي جامعة الشارجه مب شرط كلية المجتمع عندج كلية الاعلام ولا الكليات الثانيه ؟؟؟

وجوفي بعد كلية الأفق

جامعة الجزيره جامعتنا في دبي بس ما انصحج في الطوار يعني جريبه من الشارجه

**صفصوفة الامارات** · 2009-05-29, 21:27

المشاركة الأصلية كتبت بواسطة basko0ota

انزين جوفي جامعة الشارجه مب شرط كلية المجتمع عندج كلية الاعلام ولا الكليات الثانيه ؟؟؟

وجوفي بعد كلية الأفق

جامعة الجزيره جامعتنا في دبي بس ما انصحج في الطوار يعني جريبه من الشارجه

المشكله جامعه الشارجه كله صباحي ماشي مسائي ولا جان من زمان سرت

جامعه عيمان شي مسائي بس احس مب شي محد معترف فيها ولا مسوي لها سالفه

تسلمين الغاليه

**Miss Sam** · 2009-05-29, 22:00

المشاركة الأصلية كتبت بواسطة صفصوفة الامارات

المشكله جامعه الشارجه كله صباحي ماشي مسائي ولا جان من زمان سرت

جامعه عيمان شي مسائي بس احس مب شي محد معترف فيها ولا مسوي لها سالفه

تسلمين الغاليه

أختي منو قالج مب معترف فيها .. ولا نحن بس نسمع كلام الناس ونمشي عليه ... ياختي الجامعه معترف فيها من قبل وزارة التربية والتعليم ...ولو محد مسوي لها سالفه جان ماشفتيها تربح المليارات فالسنه ...على فكره أنا ادرس فهالجامعه وكانت امنيتي اني ادرس برى وقلت مستحيل ادرس بأي جامعه فالامارات بس شوفي كيف سبحان الله درست وين ؟ وعلى حسب محيط تخصصي انا اشوف المستوى التعليمي وايد اوكيه بس نحن دوم ناخذ كل شي بالغلط .. نبي نحفظ قبل الامتحان بيوم وننجح وبس مانبي نقرا اشيا خارج مقررات الكتب او غيره .. انا ماانكر ان هالجامعه فيها مساؤي الله يعلم فيها بس لازم بعد ماننكر الاشياء الايجابيةولازم نجرب بأنفسنا قبل نحكم .. يعني الواحد لما يتكلم يجيب حقائق واسمحي لي عزيزتي (الله يوفقج لما فيه كل خير)

**صفصوفة الامارات** · 2009-05-29, 22:18

المشاركة الأصلية كتبت بواسطة Miss Sam

أختي منو قالج مب معترف فيها .. ولا نحن بس نسمع كلام الناس ونمشي عليه ... ياختي الجامعه معترف فيها من قبل وزارة التربية والتعليم ...ولو محد مسوي لها سالفه جان ماشفتيها تربح المليارات فالسنه ...على فكره أنا ادرس فهالجامعه وكانت امنيتي اني ادرس برى وقلت مستحيل ادرس بأي جامعه فالامارات بس شوفي كيف سبحان الله درست وين ؟ وعلى حسب محيط تخصصي انا اشوف المستوى التعليمي وايد اوكيه بس نحن دوم ناخذ كل شي بالغلط .. نبي نحفظ قبل الامتحان بيوم وننجح وبس مانبي نقرا اشيا خارج مقررات الكتب او غيره .. انا ماانكر ان هالجامعه فيها مساؤي الله يعلم فيها بس لازم بعد ماننكر الاشياء الايجابيةولازم نجرب بأنفسنا قبل نحكم .. يعني الواحد لما يتكلم يجيب حقائق واسمحي لي عزيزتي (الله يوفقج لما فيه كل خير)

تسلمين الغاليه

انا مايبت هالكلام من عندي ربيعتي قالتلي لانها تدرس هناك ودايما تتشكى

ماشي ترتيب ولا التزام وتقول استهتار اللي يبا يغيب مايقولون له شي ويمشون اللي يبونه والاساتذه مب لين هناك جادين نفس باقي الجامعات

وكل اللي يهمهم البيزات وبس ولايصبرون عليج يوم واحد

والسموحه منج

**Miss Sam** · 2009-05-29, 22:45

المشاركة الأصلية كتبت بواسطة صفصوفة الامارات

تسلمين الغاليه

انا مايبت هالكلام من عندي ربيعتي قالتلي لانها تدرس هناك ودايما تتشكى

ماشي ترتيب ولا التزام وتقول استهتار اللي يبا يغيب مايقولون له شي ويمشون اللي يبونه والاساتذه مب لين هناك جادين نفس باقي الجامعات

وكل اللي يهمهم البيزات وبس ولايصبرون عليج يوم واحد

والسموحه منج

فاهمه عليج الغلا بس مب بهالاسباب نقول الجامعه معترف فيها اولا ... ربيعتج كلامها صح بس اعتقد ان على حسب تخصصج لأني أنا تصميم داخلي ..وينزلون لنا انذارات غياب ..واذا تغيبين يحاسبون ..والدكاتره اوكيه وعندهم خبره و من ناحية البيزات فهذه عاد صدق 100 % يبطون الجبد
بس بالفعل انا اسمع من بنات الاعلام والتربيه نفس هالكلام .. بس اعتقد دام انتي رايحه تتعلمي خلي الجديه تطلع منج انتي لاتطالعين اللي حواليج والدكتور اكيد بيقدر هالشي وبيعطيج اللي تستحقينه ... وعالعموم أقول الله يهديج ويرشدج للقرار الصائب ... واشجعج على مجرد انج فكرتي تدرسين .. في ناس ابد مب حاسه بقيمة التعليم ... واسمحي لي انا عذرا اذا دخلت لج عرض

**السنع و الزين** · 2009-05-29, 21:32

اول شي ابي احيي فيج رغبتج للتعليم --- الانسان لازم ما يوقف تعليم --
بالنسبه للجامعات عندج جامعات وايد بدبي و بالشاارجه انتي شوفي التخصص اللي تبينه قبل و شوفي موجود باي جامعه

الموضوع: ابا ادرس

أدوات الموضوع

عرض

العرض المتطور

ابا ادرس

المزيد من آخر المواضيع من نفس القسم:

المواضيع المتشابهه

ابغي ادرس ياناس ياعالم ابغي ادرس

ابغي ادرس ياناس ابغي ادرس

ابا ادرس بس مب عارفه

محتارة شووو ادرس وين ادرس في العين..

.. ساعدونى ,, ابا ادرس ,,